Paie Bhasa

Author(s): Chandanmuni
Publisher: Z_Anandrushi_Abhinandan_Granth_012013.pdf
Catalog link: https://jainqq.org/explore/211340/1

Page #1

श्री आनन्दन ग्रन्थ श्रीआनन्द
Www
Q&***
兼
पाइअ -भासा
0
ग्रन्थ

जगईए जं किमवि पयडीए पयडीहूअं थावरजंगमं वत्थुजायं तं सव्वमवि मणोहरं, मणुष्णं, अमलाविलं च पडिहाइ | अव्वो ! अणुऊल-सलिल-तावाइ सहयर सहयोग - समुट्ठियं सयं संमुच्छिमं मउलतममंकुरं केरिसं यणप्पियं ? ण कस्स पुण पेच्छणिज्जं उभयओ णई- कूल कोआसिअं णियन्त-हरिअ - भरिअं पगडीए पत्थू माणं निम्मलं सद्दलं ? कत्थइ अणुत्ता वि असित्ता वि अरक्खि वि विविह-वण्ण-विचित्ता पाणामणोरमागार-मंजुला पडिप्फुडंत-सोरह-महमहिआ पगइ अकक्कसा कुसुमाणं पंती । कण्हुइ विसंखला थउडा समुन्नया अवणया य तण-लया- गुम्म रुक्ख तिरोहिआ पगइ सोहिआ सिहरीणं सेणी ।
श्री चन्दन मुनि [ प्राकृत एवं संस्कृत के अनेक ग्रन्थों के लेखक, तेरापंथसंघ के प्रतिभाशाली प्रमुख संत ]
णूणं सहजसमुल्लसिअं पयडि-विलसिअं सव्वओ सव्वं पिअं हिअं परिप्फुरइ । सक्कार परिक्करिअं किमवि परहत्थफुसिअं लज्जावईछुवमिव अन्नारिसं परिलक्खिज्जइ । अलं भो अलं णाणाविहपरुप्पर-पओगकुसला आणि विष्णाणिआ ! पयडीए पत्थूअमाणं वत्थुअं मा मोरउल्ला सक्कारणामेण विगयं काउं चेट्ठह । सुन्दरं उवजोगिमं कुणिमो त्ति मा निरद्वयं गव्वं परिवहह । अत्थि पयड-पइट्ठिअं सुन्दरासुन्दरविवेयणविरहिअं तारगचक्कवालव्व सयं मणोहारि । खणं तं अमयमयं पिबह विगप्प सुन्नेणं विमलेणं चेयसा । पाइअ भासा वि नेसग्गिअ - गुणप्पसन्नप्पगासा आबालंगणागोवालचक्कवालेण अणायासमासाइज्जमाणा विलसइ अणाइकालेणं । सा सक्कय भासासगासओ विगासमागय त्ति वागरणं अलद्धजागरणं । णामेणावि पईए आगय पागयं ति फुडं परिकप्पिज्जइ किर अप्पण्णुणा वि मणुश्रेण । त सक्कारेहितो णिष्फलं सक्कयं ति पायडनिव्वयणेणं अवसिअं हवेज्ज ईसि सक्खरेण वि णरेण । तत्तो णिस्संकमिणं अंगीकरणिज्जं जं पुव्वमासि किर पउर-पउर-जणेहिं पओगमाणिज्जमाणा आइमकालओ पयारं पत्ता विविह-जडिलवागरण-नियमेहिं अणियंतिआ णाणाजाइदेसभेएहि विभत्तिमावन्ना सयं संपन्ना पागया भासा धुवमपक्खगाहिणा मेहाविणा । असिक्खिओ अपाढिओ वि तीसे पओगो आसि साहारणजणवयणारविंद -विरायमाणो तक्कालम्मि । तेसिं लाहट्ठमेव कारुण्ण- पुण्णा महावीर-बुद्धाइणो जुगपुरिया तप्पओगं णिस्संकं कुणमाणा आसि । जहा - ' भगवं च णं अद्धमागहीए भासाए धम्ममा इक्ख इ । सा वियणं अद्धमागहा भासा तेसि सव्वेसि आयरिअमणायरिआणं अप्पणो सभासाए परिणामेणं परिणमइ" ( औपपातिक
१. विकसितम् ।

Page #2

पाइअ-भासा
सूत्र) एवं अद्धमागाह भासं जिणा भासन्ति त्ति फुडकहणमत्थि आगमिआणं । तित्थयराणं माहप्पेण अइसइआ सा चिअ भासा सघण-घण-मुत्ता कायंबिणी व णाणादेसविसेसभावं भयमाणा सव्वेसिं सुरासुरनर-तिरिअ-वग्गेण सुगेज्झा विचित्त-जडिल-पण्हजाल-समाहाणकरण-कुसला सरला सुबोहा सुगमा य पडिहाइ।
हं भो ! ण तक्कणिज्जं इणमो जं कहमेआरिसं पडिवाइअं कलिगालसव्वण्णुणा सिरिहेमचंदायरिअपाएण । जहा -- प्रकृतिः संस्कृतं, ततः आगतं प्राकृतम्' एत्थ वि विलसइ किमवि सुन्दरं समाहाणं अपक्खगाहिणीए जइ सहदिट्ठीए पलोइज्जिइ । जं तेहिं अज्झायसत्तगम्मि सुकय-सवित्थर-संगोवङ्ग-सक्कय भासासाहणे पगइ-पच्चय-लिंग-विभत्ति-कारग-समासाईणं विवेयणपुव्वगं सद्दाणुसासण । तत्थ जइ पाइअभासाए पुणरवि सततरूवेणं सिद्धी संपाडिज्जेज्जा तयाणि सव्वेसिं पयडि-पच्चयाईणं तहेव संठावणं णिओयणं च करणिज्ज सिया। तम्हा पुव्व-पवंचिअं धाउ-विभत्ति-पच्चयाइयं किंचि बिभेअ-णिदंसण-पुरस्सरं उवढोइअं समाणं सव्वेसिं णवपाढगाणं सुगम सोकज्जच निच्छ्यिं हवेज्जा। जहा तज्जाणगा अप्पतमपयासेण वि पाइअं भासं गहेउं पहप्पेज्जा । तेण आयरिअपाएण सपरिस्सम-लाहवं सुगमाए पणालीए साहिअं । किंतु ण तस्स एयारिसं तप्पज्जं अहिलसणिज्जं जं ण पुव्वमासि पागया भासा, सा सक्कय-भासाओ पाउब्भावं गय त्ति।
अहो ! आयरिअ-हेमचन्दस्स चेअ सद्दे ण सा संका सयं णिरसिआ सिया । जहा तेण कव्वाणुसासणस्स मंगलायरणं कुणमाणेण जिणवरगिराए माहप्पं निरूवमाणेण फुडं वागरिअं—“अकृत्रिमस्वादुपदां जैनी वाचमुपास्महे" एत्थ 'अकित्तिम' सहस्स पओगो कि पि रहस्समयं तत्तं पयडीकुणेइ । णूणं पाइअ-भासाए पायडं णिसग्गजन्नत्तणं सूअयइ । जं भासं मायरभासारूवेण सव्वेवि बाला, गोवाला, कम्मगरा, अपढिअनरा तहा सहजसभासापेम्मिल्लाओ महुरवयणाओ महेलाओ पउंजंति सा अकित्तिमा सक्कार-परिक्कारपरिवज्जिआ जहिच्छिया बाललीला विय मणोहारिणी कण्णप्पिया पडिहाइ। एत्तोच्चिअ सा साउपया समहरुच्चारा अक्खलिअ-पयक्खरा सव्वओ अणिअंतिआ हियंगमा पडिकहिज्जइ।
तहेव कव्वगगणंगण-भक्खरेण सिद्धसेण-दिवायरेणावि दुवातिस-दुवातिसिगामज्झे जिणिदं थणमाणेण उग्घोसिअं-"अकृत्रिमस्वादुपदैर्जनं जनं जिनेन्द्र ! साक्षादिव पासि भाषितैः" एत्थ वि 'अकित्तिम-साउपय' विसेसणप्पओगो जिणिन्द-चन्दाणं भासा-कए कओ। सा एव भासा जणं जणं-साहारजणं पडिबोहेउ पच्चला। तहेव जेणेयर-कवितल्लजेहिं पि पाइअ-भासा सव्वेसिं भासाणं उग्गमरूव त्ति पडिवन्न । जहा स्तिस्स अट्ठमीए सईए लद्धजम्मेण बप्पइराअ-णामगेण "गउडवह"-णामगं कव्वं लिहमाणेण महापंडिएण पयडिअं
सयलाओ इमं वाया विसंति एत्तो य णेति वायाओ।
एंति समुह चिअ णेति सायराओ च्चिअ जलाइं ॥३॥ महापंडिय-बप्पइणो कहणस्स इणमेव तप्पज्जं जंण पाइअ-भासा अन्नभासासगासओ सब्भावं गया। पच्चल्लं सव्वाओ किर भासाओ समुद्दणिदंसणेण जलाणीव पाउब्भावं गया, तम्मि चेव पच्छा विलीणा।
१. छाया=सकला इमां वाचो विशन्तीतश्च निर्यन्ति वाच; ।
आयान्ति समुद्रमेव निर्यन्ति (वाष्पादिरूपेण) सागरादेव जलानि ॥६३॥
sxecomwwwimwecasranamammission
SVITI
साचा
श्रीआनन्दग्रन्थ श्रीआनन्दा अन्य
rrer
IPYTHIN.
.......
.M.Niraya-rvt.vorror

Page #3

आयायभव अमन-देन आआनन्दन ग्रन्थ
श्री
مند
NEMO
SOD
wwwAAAAAA
३४ प्राकृत भाषा और साहित्य
पण संकणिज्जं पुण जं मिलिच्छ बडु - विऊसग मुहेहिं ववहरिज्जमाणा सा भासा ण उणाइ सम्भ-साली जण मुहारविन्देसु विरायमाणा । एयं कहणमवि ण खलु विवेगविलसिअं । जहा - महाकवि सिरि भवभूइविरइए उत्तररामचरिए कहं सीआ कोसल्ला य तप्पओगं कुणमाणा । उयाहरणं जहा तइये अंकम्मि । सीता (ससंभ्रमं कतिचित्पदानि गत्वा )
"अज्जउत्त ! परित्ताहि परिताहि मह पुत्तअं (विचिन्त्य) हद्धी ! हद्धी ! ताई एव्व चिरपरिचिदाई अक्खराई पंचवटीदंसणेण मं मन्दभाइणि अणुबन्धन्ति । हा अज्जउत्त" । "
कौसल्या - "कहं ण खु वच्चए मे बहुए वनगदाए तस्सा पिदुणो राएसिणो मुहं दंसम्ह । " २ पेच्छणिज्जं, किं णासि जगणंदणी रामस्स महारायस्स परमवल्लहा सीया सक्खरा णाणाविज्जाभेय कुसला । तहेव सिरिरामस्स माया कोसल्ला किं णु णासि विविहविज्जाविण्णाणपारं गया ? कहं तीहि पाइअ -भासाए पओगो कओ । कहं वा जइत्थठिइविण्णुणा महाकविणा तीसुतो तारिस भासा ओगो काराविओ ? णूणं सभासावल्लहो पयडीए विलयाजणो तं चियभासं भासमाणो आसि त्ति फुडं सूइअं । णीसंकं इणमेव पडिवज्जणिज्जं जं सभावओ सव्वत्थ सव्वजणवएस सीअं मायर-भासं भासमाणीओ पेक्खिज्जंति महेलाओ । होंतु पढिआओ ताओ तहवि ण सतो मुहकमलसंचारिणि माउभासं चएवं समीहंति । केरिसी महुरिमा केरिसी अत्थविबोहणखमया विरायइ णिअ-भासासु । सुपढिअ मणुआ अवि पारवारिएहिं जणेहिं सभासाए किर संलवंति । अलद्ध - सद्दजाले हि बालेहिं सद्धि तु सव्वेवि जणा सभासं सप्पेमं पउंजंति त्ति सव्वविइयमेव । पुणो णाणाणियमणियंतिआसु अवरभासासु ण तारियो जंपणप्पहावो वि परिष्फुरेज्जा जारिसो णिअभासम्म । कारणं, सद्दचयणचितणम्मि भाव - आविभावप्पहावो खंडिओ सिया । तम्हा पाइअ -भासाओ सव्वदिट्टिहितो सुगमा सुहबोहा सुहुच्चारा य । अलाहि परेसिं उदाहरणेहिं । एत्थ उत्तररामचरिते एव छमे अंके अगविज्जाविउरा सयं विज्जाहरी वि तं चेव भासं भासमाणी पत्तत्तं गया । जहा - विद्याधरी - "कहं अविरल - विलोलघुण्णमाण-विज्जुल दाविलासमंसलेहिं मत्तमयूर-कण्ठ-सामलेहिं ओत्थरीअदि ण भोंगणं जलहरेहिं ।" ३ ता सयं निरद्वयत्तणं गया सा संका जं अपढिअ-जणाणं पागय-भासत्ति । तहेव कविकुलकु जरेण कालिदासेणावि अभिण्णाण-साउन्दले णामणाडए सयं सउन्दला वि तमेव भासं भासमाणा पत्थुआ | अच्छरिज्जमिणं जं सा रिसिआसमं सेवमाणा अणुवेलं रिसीहि सद्धि संलवमाणा कहं पाइअभासापेमिल्ला जाया ? एवमाइएहिं अणेगदिट्ठ तेहि निव्वाबाहं इणं तत्तं परिप्फुडत्तणं वच्चइ जं वेइयकाले वि काचिय कत्थभासाए साहारणजणपउंजणजुग्गाए अवस्स भवियव्वं । कावि भासा सा पागय - णामेण णूणं ववहरणिज्ज ति अपल्लिअ वि तत्तं सयं अप्पडियं पयडिअ जायइ ।
१. छाया = आर्यपुत्र, परित्रायस्व परित्रायस्व मम पुत्रकम् । हा धिक् ! हा धिक् ! तान्येव चिरपरिचि तान्य क्षराणि पंचवटीदर्शनेन मां मन्दभागिनीं अनुबध्नन्ति । हा आर्यपुत्र !
२. छाया = कथं न खलु वत्साया मे वध्वा वनगतायास्तस्याः पितुः राजर्षेः मुखं दर्शयामः ।
३. छाया = कथमविरल-विलोल घूर्णमान- विद्युल्लता-विलास-मांस लैर्मत्त मयूरकण्ठ-श्यामलैरवस्तीर्यते
नभोङ्गणं जलधरैः ।

Page #4

90
पाइस-मासा
३५
पुणो एगं वीमंसणिज्जं तत्तं अह सक्कयभासा वि दुविहा विभजिज्जमाणा पडिवज्जिआ सव्वेहिं पाईणवागरणकारगेहिं । जहा-वेइअ-सक्कयभासा, लोइअ-सक्कयभासा य । एत्तो च्चिअ इणं रहस्सं अंकुरिअं भवेज्जा जं वेइअ सक्कयभासा वि जहाकहंचि णणं सवकारमावन्ना समाणा वे इअ-सक्कयभासा-णामत्तो पसिद्धि गया। सा चेव पूणो कालक्कमेण पाणिणिआई-मुणित्तिगेण साई सक्कारमावाइआ वागरणणियमेहि सुयरं णिअंतिआ संती लोइअ-सक्कयभास त्ति सव्वेहिं सीकया। जा भासा किचि सक्कारं पडिवज्जेऊण वेइअसक्कयभासाए णामेण पाउब्भावं गया, सा सक्कारविवज्जिआ का भासा पुव्वमासि ! णणु सक्कारं तु विज्जमाणं किर किमवि वत्थुजायं पडिवज्जिज्जा। जइ णत्थि किमवि पुव्वं ताहे कीस सक्कारो संपाडिज्जेज्ज । जहा पयडिपदिण्णं गोथण-निप्फन्नं अकित्तिमं विसुद्धं दुद्धं । तं पि अग्गिसंताविअं कढिअं तंदुलखंडाइदम्वेहि मीसालि एलाकेसराइ-वत्थुनिखेवेण महमहिअं पायसं भणिज्जइ । सद्दनिज्जुत्तिसमयम्मि पयस्स विगारो पायसं ति (पयसः विकार:पायसं) फुडं कहणिज्जमेव । णीविगअं तु पाइअं दुद्धं चेव । तम्हा पयडि-पचलिआ णिसग्ग-उवढोइआ सा भासा, पागया चेव, इअ टंकुक्कसि तत्तं ।
__इणं तु णिच्छि पडिवज्जेयव्वं तत्तं जं जारिसी पुवकालिया पाइअ-भासा, ण तारिसी आहणिया। अहणा पउंजमाणा पागय-भासा णूणं सक्कय-भासाए जत्थ तत्थ पहाविआ । अणेगेहिं तग्गयपओगेहि किंचि कायकप्पं पत्ता। तह वि सुरसरस्सईव सततं वहमाणा अज्ज वि णि गारवं सुरक्खमाणा विलसइ । किंतु सक्कअभासा-सगासओ पाइअभासा पाउब्भावं गय 'त्ति कहणं कहमवि ण खमणारिहं।
पागय ववहरमाणेहिं जेणागमिएहिं ण सक्कय भासा तुच्छदिट्ठीए पलोइआ। पच्चुलं समासणणिवेसणेण तीसे विसिट्ठ माहप्पं परिवड्डिअं । जहा-अणुओगदारे सुत्तम्मि फुडं भाणिअं-"सक्कयं पागयं चेव, पसत्थं इसिभासि।" पुव्वकालिय-आयरिएहि पुणो इणमेव पडिवन्नं जं गणिपिडगसन्नं दुवालसमं दिट्टिवायणामगं अईव वित्थिण्णं सक्कयभामाए चेव संकलिअं आसि जं इयाणि विलुत्तं विज्जइ। पूणो आगमवित्तिकारगेहिं किर सा चिअ भासा पओगं णीआ।
पुणो वेइअ—सक्कयभासाए अणेगे वागरण-णिअमा पाइअ-भासा तुल्ला । अणेगा किरिआओ वि रूवसम्म सम्मं परिवहन्ति । अणेगे विभत्तिपच्चया अवि तस्समाणा । तेण पुत्वं ववहरिज्जमाण-पाइअभासाए फड पभावो दीसए तत्थ । उअह (पश्यत) काइं चि उयाहरणाई दोण्हं भासाणं तुल्लत्तण-वंजगाईपाइअ-भासाए अगारंत-पुलिंगेगवयणे 'ओ' ववहरिज्जइ । जहा-देवो जिणो सो, तहेव वेइअ-भासाए ओगारप्पओगो कत्थइ दीसइ । जहा—संवत्सरो अजायत, सो चित् (ऋग्वेदसंहिता १, १८१, १, ११) पेच्छणिज्जं केरिसं सम्म ? पाइले पुणो तइयाए बहुवयणम्मि देवेहि, गंभीरेहिं, जे? हिं, तहेव वेइअप्पओगेसु- देवेभिः गंभीरेभिः ज्येष्ठेभिः । जहा होइ पाइअ-भासाए 'ध' स्स हकारो, जहा-बधिर = बहिरो व्याध =बाहो, तहा वेए वि-प्रतिसंधाय प्रतिसंहाय (गोपथब्राह्मण २-४) पाइअ-गिराए अंतवंजणस्स लुग हवइ । जहा-- तावत्=ताव, यशस्= जसो, तहा वेएसु वि पओगा लब्भिज्जति । जहा-पश्चात-पश्चा, नीचात् =नीचा, उच्चात् उच्चा । पाइओ इव वेएस वि चउत्थी विभत्तिट्ठाणे छट्ठी । “चतुर्थ्यथें बहुलं
सस
1ORIA
-
OPA
ANDA
UnaukaawaiianSAALAAMALAMGAAIMeawwerinaamareANUASAMANASAAAAAAAAAAAAAAAACADAIRANAS
A MMAR
आचार्यप्रवर अभिलागार्यप्रवर आभा श्राआनन्दप अन्य प्राआनन्द अन्न
v
MNAamrapariwa
MANYIWAVanavarnama

Page #5

ॐ
अभिनंदन
आआनन्दष अभिनंद श्री आनन्दा ग्रन्थ श्री आनन्द अन्यथ
५८
फ्र
३६ प्राकृत भाषा और साहित्य
छन्दसि' (२, ३, ६२) अलाहि बहुवित्यरेण, अणेगसो तुल्ला पओगा पाइअ - वेइअभासाणं दिट्ठिपहं समोयरंति । एवं पुम्वपचलिअ - पाइअभा सापओगेहि णूणं वेइअभासा सक्कारमावण्णावि किचि अवकता ठिआ । केरिसी सुगेज्झा पाइअ-भासा ?
केई आहुणिआ पच्छमिल्ल भासा राय-रंजिआ सक्कय मासा - मंडिआ पंडिआ वा अन्नाणओ पाइअं भासं कढिणं मन्नमाणा उवेक्खति । परन्तु जइ ईसि पि ते पाइअ -भासाए परिणाण परिस्समेज्जा तयाणि तुरिअं चवलमेव तं परिघेत्तुं समत्था हवेज्जा, णत्थि एत्थ कोइ संदेहो । तेसि भंतिणिवारणट्ठ सप्पेरण वा इच्छामो अम्हे एत्थ का चि उपाहरणाई पत्थोउं । जहा - पुव्वमेव सन्धिप्पगरणेसु कढिण विगप्प - जाल - जडिले केरिसे 'दध्यानय' आइ- दुरूह विभासाभास-विसंठुले पओगे पयडीकुणेइ तत्थ पागयभासा एगमेव सुरक्खि सुत्तं पक्खिवेइ पाढगाणं पुरओ । जहा - "पदयोः सन्धिर्वा'' पागय-भासासु सव्वाओ संधीओ विगप्पिज्जेति । णिच्चसन्धिस्स ण कोइ एत्थ णिअमो । कुणिज्जउ वासेसी, वास इसी इअ जहिच्छि रूवं । किं बहुना समासम्मि वि जत्थ सक्कयभासाए निच्छिओ सन्धिणिअमो तत्थ वि एत्थ जहिच्छिअपओआणं पओयणा । जहा आइच्चाभामंडनम्मि, तहा आइञ्च - आभामंडलम्मि । केरिसी सुगमा पणाली ? कइवाहसंधीओ तु ण सीकया पाइअभासाए । जहा-ए-अय्, ऐ-आय्, ओ-अ, औ-आव् । तहेव इ- अय्, उ-अव्, ऋ-अर, लृ अल् एवमाइओ संधीओ कयाइ ण भवंति । अणेण कमेण पागयभासए न सन्धीणं काइ नियंतणा ।
एवं विभत्तिरुवाणि वि पागय-भासाए अईव सुगमाणि । पुंलिंगे इगारंत उगारतरुत्राणं पि अगारतरूहिं सद्धि बहुसो तुल्लत्तणं । जहा देवस्स सव्वस्स, तहा हरिस्स, भाणुस्स । तहेव दंडिणो दंडिस्स, कत्तु कत्तारस्स, पिउणो पियरस्स, एवमाइआ तुल्ला पओगा । अहो ! ण पागय-भासाए हलंता सहा ठाणं पत्ता । एत्थ सव्वेवि संरता सद्दा च्चि; तेण लिंगत्तिगेण सव्वाई रुवाई सिज्झंति, ण खलु लिगछक्केण ।
अंतवंजणस्स लोवे सगारंता सहा वि अगारंता संपाडिज्जति । जहा तमस्= तमो, पयस् = पयो, तहेव णगारंता वि अगारंता हवंति । जहा जन्मन् = जम्मो, कर्मन् = कम्मो ।
णात्थि पुण एत्थ तालव्वाइ भेएण उम्हत्तिगं ( श, ष, स इति उष्मत्रिकम् ) पागय-भासाए । एगेण किर दंतसगारेण गहिअं उम्हवण्णाणं ठाणं । तेण पाढगाणं कए सक्कय-भासागया एगा महाजडिला समस्सा सयं अकिंचिक्करा जाया । तेण संकर- पीउस सप्पाइसद्द च्चारणे ण ठाणभेयेण मुहमोडणं कायव्वं सिया ।
पुणो विसग्गाणं णाणाविहि-विहिणिसेहरूवो विग्धो ण पागय-भासाए मत्थयत्तिरुवो एत्थ ठाणं पत्तो । तेण बिंदुजुग्ग वज्जिआ सव्वा वि कव्व पणाली इह णिसग्गओ पवहइ ।
तहा तद्धिअ-पच्चयाणं कयंत पच्चयाणं इत्थीलिंगम्मि ईबंत आवंत निम्माणे जा सक्कयगिराए दुग्धड़ा घडणा तत्थ पागय-सरस्सई अणियन्तं वहमाणा ण ताई बन्धणाई सहेउं पच्चला । एत्थ तु धीमन्ती धीमन्ता, अज्जतणी अज्जतणा, वरागी वरागा, तहेव गच्छंती गच्छमाणा, कुणन्ती कुणमाणा, होंती होमाणा इच्चाइरूवाणि लद्धरूवाणि । किं बहुणा इमाए इमीए, ताए तीए, जाए जीए एवमाइआ पओगा वि एत्थ मासासरलत्तणं पयडीकुर्णेति ।

Page #6

पाइअ-भासा
३७
का
N
अणणासिअ-विसयम्मि वि एत्थ जहिच्छिया णियमावली ठिई गच्छेइ । इह पङ्को पंको, कञ्चुओ कंचओ, अन्तरं अंतरं इच्चाइरूवजुयलं सावगासं ।
लिंगाणं कलणा तु सक्कय-भासाए एआरिसी दुग्गमा दुग्गेज्झा, खलंति जत्थ पंडियमाणिणो वि कव्वं कुणमाणा, तत्थ वि पागय-भासा गहियविचित्त-लिंगवत्तासा विरायइ ।" वाक्ष्यर्थवचनाद्याः" (१,३३), "गुणाद्याः क्लीवे वा” १,३४) "वेमाञ्जल्याद्याः स्त्रियाम्” (१,३५) इइ सुत्तत्तयेण दढलिंग-णियन्तणभित्ती सिढिलीकया। तेण णिच्चणपुंसगलिंगा वि पुलिंगं पत्त। । जहा-नयणाणि नयगा, वयणाणि वयणा, माहप्पं माहप्पो । णिच्चपुलिंगा वि णपुंसगलिंगम्मि सावगासा । जहा-गुणा गुणाई, रुक्खा रुक्खाई, तहेव धुवपुवायगा इमंता वि इत्थीलिंग पत्ता । जहा-एस महिमा एसा महिमा, एवं अणेगे लिंगविप्पयासप्पओगे पागय-मासा धारेउं खमा । वत्युत्तणो सव्वं लिंगतंतं पागय-भासाए अतंतमेव । तेण ठाणे-ठाणे भणीयइ जं "प्राकृतत्वात् लिंग-व्यत्ययः ।" णूणं अप्पणियंतणं हि भासाए पगरिससूयगं 'ति कहेंति बहुभासाविण्णुणो।
अक्खायपगरणं तु सक्कय-भासाए महारण्णतुल्लं दुरवगाहं दुरुत्तरं च । गण-णवगस्स णाणाविहा णियमा विचित्ताणि य रूवाणि । "सेट अनिट्' परिणाणं तु हवेज्ज महामेहाभमकारणं णवपाढगाणं । एगो विधाऊ लगार-णवग-रंगभूमीसुभममाणो णव-णवरूवाइं धारेइ । तत्थ पागय-भासा सरलं-सरलं सरणि सीकरेइ । "सेट् अनिट"-किलेसो लेसओ वि ण विज्जइ एत्थ । सव्वेवि धाउणो पंचसेहि सुत्तेहिं णिरूविआ समाणा सुगेज्झाणि तुल्लाणि रूवाणि धारयति । भूअ-कालेवि ण एत्थ अणज्जतण-सामन्नभूअ-परोक्खाइभेया । जवर एगेण किर रूवेण सव्वेसि भूआणं पूरणं हवेज्जा। जहा–हुवी=अभवत्, अभूत् तहा बभूव, इइरूवाणं एगवयण-बहुवयणजुत्ताणं सम्मपरिणाणं जाएज्जा । एवं काहीअ-कहणेण, अकरोत् अकार्षीत, चकार, इइ सूइअं सिया । एवं वत्तमाणरूवाणं भविस्सइ-णिम्माणे केवलं 'हि' पवेसणेण कज्जं संपन्नं हवेज्जा । जहा-होइ=होहिइ, हसइ=हसिहिइ । पाढगाणं कए केरिसं सुगमत्तणं ? पुणो "ज्ज-ज्जा" पओगे तु सव्वकालमेअ-गयाणि एगवयण-बहुवयणरूवाणि असेसधाउरूवाणि सिझंति । जहा--"भवेज्जा भवेज्ज" ,
-जोअणेण-भवति भवेत्, भवतु, अमवत, अभूत, बभूव, भूयात्, भविता, भविष्यति, अभविष्यत् आइरूवाणं तत्पज्जं साहिअं सिया । अलाहि बहुपल्लविएण, णीसंदेहं पागय-वागरणं अईव सुलह, सुगम, अप्परिस्समेण पढणिज्जं च विज्जइ ।
साहिच्चराईणं कए वि पागय-भासा णियंतगहणिज्जा, मन्नणिज्जा य । सिलेसालंकारनिम्माणे तु ण एआरिसी परा काइ भासा जम्मि भिन्न-भिन्नत्थबोहगाणं सहाणं एगेण सण सम्म बोहणं । जहापब्वंभणिज्जमाणी सुव्वइ एगा कव्वसुत्ती
भिल्लस्स तिणि भज्जा, एगा मग्गेइ पाणिरं देहि।
बीआ मग्गइ हरिणं, तइया गीयं गवरावेइ॥ १ ॥ कस्सवि भिल्लस्स तिणि भज्जाओ आसि । पइस्स परओ तीहि पुहं-पुहं मग्गणा कया। एगाए पिवासाकुलाए पाणि मग्गिअ । बीआए छुहाकुलाए हरिणं मग्गिअं । तइयाए पुण गीयं सुणेउं उक्कंठिरीए गीयं गायउ त्ति साहि। भिन्न-भिन्न-मग्गणाओ सूणेऊण धीमतेण भिल्लपइणा पच्चत्तरिअं "सरो णत्थि" तिणि वि समाहाणं पत्ता। जहा-पढमाए पाणि मग्गिअं । सरो=तडागो णत्थि, कुओ पाणियं ?
卐
minAN-
NCRa
.....-
man.r
ai
masamanaresamroGORADuwave
.nnadunm.
Nagaआनआचार्यप्रवचन श्राआनन्द आशाआनन्द
marwarenemamananewaamaan
PnA

Page #7

आसन व
अमित अभिनंदन
आचार्य प्रव
३८ प्राकृत भाषा और साहित्य
बीआए हरिण - मग्गणा कया । सरो== बाणो णत्थि । कहं हरिणो मारिज्जइ ? तइयाए गीयठटं कहिअं । सरो = स्वरः णत्थि । कंठस्सरमन्तरेण कुओ गीअं ? एवं एगेण सद्दण सव्वेसि वि एक्कसियं समाहाणं जायं । अच्छरिज्जं ! पाइअ-भासाए एगेण सद्देण विचित्ता खलु अत्था समुब्भवंति । जहा 'वाय' सद्दो एत्थ किंचि चितणिज्जो ।
वाय = ( वाच) शुक-समूह
वाय = ( व्रात) समूह संघ
'अव' उपसर्गस्य अ-लोपे
************
वाय = ( वाचय्) वाएइ, पढ़ना-पढ़ाना वाय = (वा) बहना । महावाए वायते वाय == वादय) बजाना । वाइयव्व वाय = ( व्यागस् ) प्रकृष्ट अपराधी वाय = (वात) जुलाहा, जैसे तन्तुवाय वाय = ( वाक) ॠग्वेद - आदिवाक्य वाय = ( व्याप) प्रकृष्ट विस्तार वाय = ( व्याय) गति, चाल, विशेष लाभ
वाय == ( व्याच) वचना, ठगाई
वाय = (वाज) पक्ष, पंख, यज्ञ का धान्य

Verb
27
"}
Adj.
Noun
"
33
11
11
"
"1
77
वाय = ( वाज्) फेंकने वाला
वाय = ( व्याज) कपट, बहाना, विशिष्ट गति
वाय = (वाग) वल्क
वाय
(व्यात) विशिष्टगमन
वाय = ( वाप) बोना, वपन करना
वाय === (वाय) गमन, विवाह
वाय = ( व्याद) विशेष ग्रहण करने वाला
वाय = (वात) पवन, हवा
1
! वाय = (पाक) रसोई, बालक
वाय पात) पतन, पक्षी समूह वाय = ( पाय) पाप, धूर्त
पो वः करणे
Noun
37
पुणो बप्पइराएण कवि कोडि-कोडीरेण महापंडिएण गउडवहे केद्दहं सुन्दरं भणिअं -

21
37
23
27
RRR
21
वाय== (अवाय) अपाय । जहा - " बहु वायम्मि वि विसुज्झमाणस्स वरमरणं" एवं एगम्मि सद्दम्मि अणेगे विचित्तचित्त विम्हयकारगे अत्थे सगब्भे वहमाणी पगडा वसुन्धरा विय पागय भासा विरायइ । किं बहु वक्खाण, तंदुलपागणाएण सयं ऊहणिज्जं धीरेहि ।
"3
hed विझुणकव्वं सव्वसिद्ध ति पडिवज्जेति सध्वे वि सरस- कव्वरसपाइणो विबुह- सेहरा कइणो । तत्थ तु पागय भासा विसिद्ध एगाहिवच्चं वहमाणा विलसइ । लक्खणा - वंजणा-वंगुत्तिपाउक्करणे सीयं fsfsघोसं वायेंती अणेलिसी जसंसिणी सव्वेहि कव्वरस - विष्णूहि सायरं सीकया । "ध्वन्यालोक - साहित्यदर्पणकाव्यानुशासन-वाग्भट्टालंकार” आइगंथेसु ताणि ताणि उदाहरणाणि पागय-भासाणिबद्धाणि पयड पेक्खणिज्जाणि ।”
"1
अहो ! कहं तग्गारवं कविधुरंधरा गायन्ति त्ति किंचि दिट्ठिक्खेवो वि कायव्वोअमयं पाउय कव्वं पढिडं सोउं च जेण याणंति । कामस्स तत्त तंति कुणति ते कह ण लज्जति ॥
(हाल की गाथासप्तशती १-२ ) पागय——भासाए सुउमारत्तणं वंजमाणो महाकवी रायसेहरो केत्तिल्लं गरिमाणं तं अप्पेइपरसो सक्कयबंधो पाउय-बन्धोवि होइ सुउमारो । पुरिस - महिलाणं जेत्तिअमिहंतरं तेत्तिअभिमाणं ॥
( राजशेखर कृत कर्पूर मंजरी जवणिया १ )

Page #8

पाइअ-भासा
उम्मिल्लइ लायण्णं पयय-च्छायाएं सक्कयवयाणं । सक्कय-सक्कारुक्करिसणेण पययस्स वि पहावो ॥ (गउडवहो ६५) णवमत्थदसण-संनिवेससिसिराओ बंधरिद्धीओ ।
अविरलमिणमो आभुवणबंधमिह पययम्मि ॥ (गउडवहो ७२) अन्भअ-भावभंगिमं वंजमाणाणि पेच्छणिज्जाणि काणि चि पाइय-पज्जाणि
अज्जंगओ त्ति अज्जं गओ त्ति अज्जं गओ त्ति गणिरीए । पढमे विअ दिअहद्ध कुड्डो रेहाहि चित्तलिओ ॥ (गाथासप्तशती ३-८) उल्लावो मा दिज्जउ लोअ-विरुद्ध 'त्ति णाम काऊण ।
समुहापडिए को उण वेसे वि दिदि ण पाडेइ॥ (गाथासप्तशती ६-१४) पिबन्तु सुभासियामयं पाइअ-कव्वाणं वायगचणा
संतमसंतं दुक्खं सुहं च जाओ घरस्स जाणंति । ता पुत्तअ ! महिलाओ सेसाओ जरा मणुस्साणं ॥ (गाथासप्तशती ६-१२) पंकमइलेण छोरेक्कपाइणा दिण्णजाणुवडणेण । आनंदिज्जइ हलिओ पुत्तेण व सालिखेत्तेण ॥ (गाथासप्तशती ६-६७) कह मे परिणइआले खलसंगो होहिइ त्ति चितंतो। 'ओणअमुहो ससूओ' रुवइ व साली तुसारेण ॥ (गाथासप्तशती ६-६८) जंतिअ ! गुलं विमग्गसि ण य मे इच्छाइ वाहसे जंतं । अणरसिअ ! कि ण याणसि ण रसेण विणा गुलो होइ॥ (गाथासप्तशती ६-५४)
भविअमणिक्कंतदेहलीदेसं । दिट्ठमणुक्खित्तमुहं एसो मग्गो कुलबहणं ।। (गाथासप्तशती ६-२५) जेण विणा ण जिविज्ज्इ अणुणिज्जइ सो कयावराहो वि। पत्त वि णयर-दाहे भण कस्स ण वल्लहो अग्गी ॥ (गाथासप्तशती २-६३) असणेण पेम्म अवेइ अइदसणेण वि अवेइ । पिसुण-जणजम्पिएण वि अवेइ एमेव वि अवेइ ॥ (गाथासप्तशती १-८१) अईसणेण महिलाअणस्स अइदंसणेण णीअस्स । मुक्खस्स पिसुणजणजम्पिएण एमेव वि खलस्स ॥ (गाथासप्तशती १-८२) अणथोवं वणथोवं अग्गीथोवं कसायथोवं च ।
ण हु थोवं मंतव्वं थोवं पि बहुयर होइ। (आवश्यक नियुक्ति) एवं विसिसुभासिआणं भंडाआरं पाइय-भासा भासाविण्णाणाणसंधाणे ।
१.
अवनतमुख: २. सशूको
....
...nanumanA
m rohanandamannaanaapatramadhuntARASHARANGOOOOOR
Minimum
m4mameran
Ramane

Page #9

आमानव अमदन आआन
४० प्राकृत भाषा और साहित्य
पुणो कहं विभिन्नाणं भासाणं परुप्परं सबंधो, मेलणं, कहं एगा भासा अन्नाए पभाविआ, कहं अन्नभासासद्दा अन्नभासाए अप्पसाकय त्ति अणुसंधाउकामेहि विष्णुमणुअहि अवस्सं पढणिज्जा पाइअ-भासा । इसे भासाए णाणं विणा कहमवि ण अनन्नभासाणं संओयणं काउं सक्कं । काओ पुव्वकाल-पउत्ताओ अट्ठारसदेसीय भासाओ ताओ आसि जेसि विआणिरीओ तक्कालिआओ गणिगाओ तप्पओगं कुणमाण 'त्ति कहेंति आगमिआ । इमीसे भासाए गहिर णाणेण तेसि सम्म बोहो संभविज्जइ । तेण जइ कोइ अत्थाहं भासामहासायरं अवगाहे उमहिलसइ तेण अवस्सं पाइअभासा सवसा करणिज्जत्ति अम्हं सबलं पचोयणं । पच्चक्खमणुहूअमेअ अम्हेहि ।
Su
EDITO
फ्र
www

अबिइज्जया विसेसया
पाइअ -भासाए पुनरेगा अबिइज्जया विसेसया जं इमाए देसीसद्दाण संगहो णिस्कोअं कओ । ण णाए बद्धकवाडाए ठाउं चेट्ठियं । उग्घाडिअ दारा एसा अइउयारे सगब्भे णव णव-देसीयसद्द धारेडं, जीरेउ च खमा । तम्हा परोसहस्सा जणेहि पउत्तमाणा देसीआ सद्दा एत्थ संग्रहं गया । 'बुहारी' 'टोपिआ' आइणो जण - सद्दा, मोक्कलिअ - आरोग्गिअ - आइआणि किरियारुवाणि एत्थ समाविट्ठाणि । अज्ज वि केसिचि वि देसी सद्दाणं जहा तहा पओगो काउं सक्को । तेण णव णव - सद्दप्पवेसेहि णिच्चं सज्जुक्का एसा ण कयाइ काजुण्णा हविस्सइ । तम्हा धीधणेहि अवस्सं परिचिआ कायव्वा पाइअ -भासा |
प्राकृत पद्यों की संस्कृत छाया
अमिअं पाउअकव्वं
छाया == अमृतं प्राकृतकाव्यं पठितुं श्रोतुं च ये न जानन्ति । कामस्य तत्त्वचिन्तां कुर्वन्ति ते कथं न लज्जन्ते ॥
परुसो सक्कअ-बंधो.....
छाया = परुषः संस्कृतबन्ध: प्राकृतबन्धस्तु भवति सुकुमारः । पुरुष महिलयोर्यावदिहान्तरं तावदनयोः 11
उम्मिल्लड लायण्णं ......
अभिनंदन
छाया == उन्मीलति लावण्यं प्राकृतच्छायया संस्कृतपदानाम् । संस्कृतसंस्कारोत्कर्षणेन प्राकृतस्यापि
प्रभावः ॥
णवमत्थदंसणं ..
छाया = नवमार्थदर्शनं
अविरलमिदमा भुवनबन्धमिह
अज्जं गओ त्ति अज्जं ......
संनिवेशशिशिरा

केवलं
बन्धर्द्धयः । प्राकृते ॥
छाया = अद्य गत इत्यद्य गत इत्यद्य गत इति गणनशीलया । प्रथम एव दिवसार्धे कुड्यं रेखाभिश्चित्रितम् ।।

Page #10
पाइअ-भासा 41 उल्लावो मा दिज्जउ... छाया= उल्लापो मा दीयतां लोकविरुद्ध इति नाम कृत्वा / संमूखापतिते क: पुनर्दृष्येऽपि दृष्टि न पातयति / / सन्तमसन्तं दुक्खं ..... छाया -- सदसद दुःखं सुखं च या गृहस्य जानन्ति / ताः पुत्रक ! महिलाः शेषा जरा मनुष्याणाम् / / पकमइलेण छोरेक्कपाइणा....... छाया= पङ्कमलिनेन क्षीरकपायिना दत्तजानपतनेन / आनन्द्यते हालिकः पुत्रेणेव शालिक्षेत्रेण // कह मे परिण इआले ...... छाया = कथं मे परिणतिकाले खलसङ्गो भविष्यतीति चिन्तयन् / अवनतमुखः सशूको रोदितीव शालिस्तूपारेण / / जन्तिअ गुलं...... छाया यान्त्रिक गुड विमार्गयसे न च ममेच्छया वाहयसि यन्त्रम् / अरसिक! किं न जानासि न रसेन विना गुडो भवति // हसिअं अदिट्ठदन्तं .... छाया= हसितमदृष्टदन्तं भ्रमितमनिष्क्रान्तदेहलीदेशम् / दृष्टमनुत्क्षिप्तमुखमेष मार्गः कुलवधूनाम् / जेण विणा ण जिविज्जइ... छाया येन विना न जीव्यतेऽनुनीयते स कृतापराधोऽपि / प्राप्तेऽपि नगरदाहे भण कस्य न वल्लभोऽग्निः // असणेण पेम्म...... छाया प्रेमापैत्यतिदर्शनेनाप्यपैति पिशूनजनजल्पितेनाप्यपैत्येवमेवाप्यपैति असणेण महिलाअणस्स...... छाया = अदर्शनेन महिलाजनस्यातिदर्शनेन नीचस्य / मूर्खस्य पिशुजनजल्पितेनैवमेवापि खलस्य / अणथोवं वणथोवं...... छाया= ऋण-स्तोक व्रण-स्तोकं अग्नि-स्तोक कषाय-स्तोकं च / न खलु स्तोकं मन्तव्यं स्तोकमपि बहतरं भवति / / NME आचारप्रवर अशा आचारप्रवर अभिन्नाआनन्दा न्य GO AmmoniYMNMovimo vieiviafwwmarowavimanwrvir