Page #1
--------------------------------------------------------------------------
________________ namo namo nimmaladasaNassa pU. AnaMda-kSamA-lalita-suzIla-sudharmasAgara gurubhyo namaH 21 pUpphiyANaM- dasamaM / mani dIparatnasAgara Date: / /2012 Jain Aagam Online Series-21
Page #2
--------------------------------------------------------------------------
________________ | 21 gaMthANukkamo kamaMko ajjhayaNaM gAhA 1- aNakkamo piDheko 1-3 3 3 5-7 3 paDhama-caMde bIaM-sUre taiyaM-sukke cautthaM-bahuputtiyA paMcamaM-pannabhadde chaTuM-mANibhadde sattamaM (jAva) dasamaM 4 13 6.1 14 14 dIparatnasAgara saMzodhitaH] [1] [21-pupphiyANaM]
Page #3
--------------------------------------------------------------------------
________________ bAlabrahmacArI zrI neminAthAya namaH namo namo nimmaladaMsaNassa OM hrIM namo pavayaNassa 21 puphiyANaM-dasamaM uvaMgasuttaM 0 par3hamaM ajjhayaNaM-caMde 0 [1] jai NaM bhaMte! samaNeNaM bhagavayA mahavIreNaM jAva saMpatteNaM uvaMgANaM doccassa vaggassa kappavaDiMsiyANaM ayamaDhe pannatte taccassa NaM bhaMte! vaggassa uvaMgANaM pupphiyANaM ke aDhe pannatte evaM khala jaMbU samaNeNaM bhagavayA mahAvIreNaM jAva saMpatteNaM uvaMgANaM taccassa vagassa pupphiyANaM dasa ajjhayaNA pannattA taM jahA:- | [2] caMde sUre sukke bahuputtiya puNNa-mANibhadde ya / datte sive bale ya aNADhie ceva boddhavve / / [2] jar3a NaM bhaMte! samaNeNaM bhagavayA mahAvIreNaM jAva saMpatteNaM pupphiyANaM dasa ajjhayaNA pannattA, paDhamassa NaM bhaMte! ajjhayaNassa pupphiyANaM samaNeNaM bhagavayA mahAvIreNaM jAva saMpatteNaM ke aDhe pannatte ? evaM khalu jaMbU! teNaM kAleNaM teNaM samaeNaM rAyagihe nAmaM nayare, guNasilae ceie, seNie rAyA, teNaM kAleNaM teNaM samaeNaM sAmI samosaDhe, parisA niggayA, teNaM kAleNaM0 caMde joisiMde joisarAyA caMdavaDiMsae vimANe sabhAe suhammAe caMdaMsi sIhAsaNaMsi cauhiM sAmANiyasAhassIhiM jAva viharai / imaM ca NaM kevalakappaM jaMbuddIve dIvaM viuleNaM ohiNA AbhoemANe-AbhoemANe pAsai pacchA samaNaM bhagavaM mahAvIraM jahA sUriyAbhe AbhiyogaM devaM saddAvettA jAva suriMdAbhigamanajoggaM karettA tamANattiyaM paccappiNaMti sUsarA ghaMTA jAva viuvvaNA, navaraM- jANavimANaM joyaNasahassavicchinnaM addhatevahi-joyaNamUsiyaM mahiMdajjhao paNuvIsaM joyaNamUsio, sesaM jahA sUriyAbhassa jAva Agao naTTavihI taheva paDigao | bhaMte! tti bhagavaM goyame samaNaM bhagavaM mahAvIraM pucchA, kUDAgArasAlA diluto sarIraM anupaviTThA, puvvabhavo evaM khalu goyamA! teNaM kAleNaM teNaM samaeNaM sAvatthI nAmaM nayarI hotthA, kohae ceie, tattha NaM sAvatthIe nayarIe aMgaI nAmaM gAhAvaI hotthA-aDDhe jAva aparibhUe, tae NaM se aMgaI gAhAvaI sAvatthIe nayarIe bahUNaM nagara nigama jahA AnaMdo, teNaM kAleNaM teNaM samaeNaM pAse NaM arahA purisAdAnIe Aigare jahA mahAvIro navussehe solasahiM samaNasAhassIhiM advatIsAe ajjiyAsAhassIhiM jAva koTThae samosaDhe, parisA niggayA, tae NaM se aMgaI gAhAvaI imIse kahAe laddhaDhe samANe hadvatuTTe jahA kattio seTTI niggacchar3a jAva pajjuvAsai, dhamma soccA nisamma jaM navaraM-devANuppiyA! jeTTaputtaM kuTuMbe ThAvemi tae NaM ahaM devANuppiyANaM aMtie muMDe bhavittA agArAo aNagAriyaM pavvayAmi, jahA gaMgadatto tahA pavvaie, anagAre jAe- iriyAsamie jAva gattabaMbhayArI, . tae NaM se aMgai anagAre pAsassa arahao tahArUvANaM therANaM aMtie sAmAiya-mAiyAI ekkArasa aMgAI ahijjai ahijjittA bahUhiM cauttha jAva bhAvemANe bahUI vAsAiM sAmaNNaM pariyAgaM dIparatnasAgara saMzodhitaH] [2] [21-pupphiyANaM]
Page #4
--------------------------------------------------------------------------
________________ ajjhayaNaM-1 pAuNai pAuNittA addhamAsiyAe saMlehaNAe tIsaM bhattAiM aNasaNAe chedittA kiMci virAhiyAmaNNe kAlamAse kAlaM kiccA caMdavaDiMsae vimANe uvavAtasabhAe devasayaNijjaMsi devadUsaMtariyA caMdajoisiMdattAe uvavanne tae NaM se caMde joisiMde joisarAyA ahaNovavanne samANe paMcavihAe pajjattIe pajjattI bhAvaM gacchai, taM jahA-AhArapajjattIe jAva bhAsamaNa-pajjattIe0 bhAvemANe viharai / caMdassa NaM bhaMte! joisiMdassa joisaraNNo kevaiyaM kAlaM ThiI pannattA ? goyamA! paliovamaM vAsasayasahasasmabbhahiyaM, evaM khalu goyamA! caMdassa joisiMdassa joisaraNNo sA divvA deviDDhI0 | caMde NaM bhaMte! joisiMde joisarAyA tAo devalogAo AukkhaeNaM bhavakkhaeNaM ThiikkhaeNaM cayaM caittA kahiM gacchihii kahiM uvavajjihii ? goyamA! mahAvidehe vAse jAiM kulAiM0 tao pacchA saMsAra bhauvvigge sAmannaM paDivajjar3a, kamma khavei, tao sijjhihii, evaM ! samaNeNaM bhagavayA mahAvIreNaM puphiyANaM paDhamassa ajjhayaNassa ayamaDhe pannatte, tti bemi | 0bIaM ajjhayaNaM-sUre 0 [4] jai NaM bhaMte! samaNeNaM bhagavayA mahAvIreNaM jAva saMpatteNaM pupphiyANaM paDhamassa ajjhayaNassa jAva ayamaDhe pannatte, doccassa NaM bhaMte! ajjhayaNassa pupphiyANaM samaNeNaM bhagavayA jAva saMpatteNaM ke aDhe pa0 ? evaM khalu jaMbU! teNaM kAleNaM teNaM samaeNaM rAyagihe nAmaM nayare, guNasilae ceie, seNie rAyA, samosaraNaM jahA caMdo tahA sUro'vi Agao jAva naTTavihiM uvadaMsittA paDigao, puvvabhavapucchA, sAvatthI nayarI, koTThae ceie, supaiDhe nAma gAhAvaI hotthA- aDDhe jaheva aMgaI jAva viharai, pAso samosaDho, jahA aMgaI taheva pavvaie, taheva virAhiyasAmaNNe jAva mahAvidehe vAse sijjhihii jAva aMtaM karehii / evaM khalu jaMbu! samaNeNaM bhagavayA mahAvIreNaM doccassa ajjhayaNassa ayamaDhe pannatte, tti bemi | 0 taiyaM ajjhayaNaM-sukkaM 0 [5] jai NaM bhaMte! samaNeNaM bhagavayA mahAvIreNaM jAva saMpatteNaM ukkhevao bhANiyavvo, rAyagihe nayare, guNasilae ceie, seNie rAyA, sAmI samosaDhe, parisA niggayA | teNaM kAleNaM teNaM samaeNaM sukke mahaggahe sukkavaDiMsae vimAne sukkaMsi sIhAsaNaMsi cauhiM sAmANiyasAhassIhiM jaheva caMdo taheva Agao naTTavihiM uvadaMsittA paDigao, bhaMte! tti bhagavaM goyame samaNaM bhagavaM mahAvIraM pucchA, kUDAgArasAlA dihaMto, puvvabhavapucchA | evaM khala goyamA! teNaM kAleNaM teNaM samaeNaM vANArasI nAmaM nayarI hotthA, tattha NaM vANArasIe nayarIe aMbasAla vane, somile nAmaM mAhaNe parivasai aDDhe jAva aparibhUe riuvveya jAva bahUsu baMbhaNNesu ya satthesu supariniTThie, pAse samosaDhe, parisA pajjuvAsai, tae NaM tassa somilassa mAhaNassa imIse kahAe laddhahassa samANassa ime eyArUve ajjhatthie jAva evaM khalu pAse arahA purisAdAnIe puvvANupuvviM jAva aMbasAlavane viharai, taM gacchAmi NaM pAsassa arahao aMtie pAubbhavAmi, imAiM ca NaM eyArUvAiM aTThAiM heUiM jahA pannattie somilo niggato khaMDiya vihuNo jAva evaM vayAsI- jattA te bhaMte! javaNijjaM ca te bhaMte! pucchA sarisavayA mAsA kulatthA ege bhavaM jAva saMbuddhe sAvagadhamma paDivajjittA paDigae / dIparatnasAgara saMzodhitaH] [3] [21-pupphiyANaM]
Page #5
--------------------------------------------------------------------------
________________ ajjhayaNaM-3 tae NaM pAse arahA annayA kayAi vANArasIo nayarIo aMbasAlavaNAo ceiyAo paDinikkhamai paDinikkhamittA bahiyA janavayavihAraM viharai, tae NaM se somile mAhaNe annayA kayAi asAhudaMsaNeNa ya apajjuvAsaNayAe ya micchattapajjavehiM parivaDDhamANehiM sammattapajjavehiM parihAyamANehiM micchattaM vippaDivaNNe, tae NaM tassa somilassa mAhaNassa annayA kayAi puvvarattAvarattakAlasamayaMsi kuTuMbajAgariyaM jAgaramANassa ayameyArUve ajjhatthie jAva samuppajjitthA- evaM khalu ahaM vANArasIe nayarIe somile nAmaM mAhaNe accaMtamAhaNa-kulappasUe tae NaM mae vayAiM ciNNAiM, vedA ya ahIyA, dArA pariNIyA, gabbhA AhUyA, puttA jaNitA, iDDhIo samANIyAo pasuvadhA kayA jannA jeTThA dakkhiNA dinnA atihI pUjitA aggI yA jUvA nikkhittA taM seyaM khalu mama iyANiM kallaM pAuppabhAyAe rayaNIe jAva uTThiyaMmi sUre sahassarassiMmi dinayare teyasA jalaMte vANArasIe nayarIe bahiyA bahave aMbArAme ya mAuliMgArAme ya billArAme ya kaviTThArAme ya ciMcArAme ya pupphArAme ya rovAvittae / evaM saMpehei saMpehettA kallaM pAuppabhAyAe jAva pupphArAme ya rovAvei, tae NaM bahave aMbArAmA ya jAva pupphArAmA ya anupuvveNaM sArakkhijjamANA saMgovijjamANA saMviDDhajjamANA ArAma jAyA-kiNhA kiNhobhAsA jAva rammA mahA-mehanikuraMbabhUyA pattiyA pupphiyA phaliyA hariyagarejjimANasirIyA aIva-aIva uvasobhemANA ciTuMti, tae NaM tassa somilassa mAhaNassa annayA kayAi puvvarattAvarattakAlasamayaMsi kuDuMba jAgariyaM jAgaramANassa ayameyArUve ajjhatthie jAva samppajjitthA-evaM khalu ahaM vANArasIe nayarIe somile nAmaM mAhaNe accaMtamAhaNa kulappasae tae NaM mae vayAiM ciNNAiM jAva jUvA nikkhittA tae NaM mae vANArasIe nayarIe bahiyA bahave aMbArAmA jAva pupphArAmA ya rovaviyA taM seyaM khalu mamaM iyANiM kallaM pAuppabhAyAe rayaNIe jAva udviyaMmi sUre sahassarassiMmi dinayare teyasA jalaMte subahuM lohakaDAkaDucchuyaM taMbiyaM tAvasabhaMDaM ghaDAvettA viulaM asaNaM jAva sAimaM uvakkhaDAvettA mitta-nAi AmaMtittA taM mittanAi0 viuleNaM asanaM jAva sammANettA tasseva mitta-nAi0 purao jeTTaputtaM kuTuMbe ThAvettA taM mittanAi0 jeTTaputtaM ca ApucchittA subahuM lohakaDAhakaDucchuyaM taMbiyaM tAvasabhaMDaMga gahAya je ime gaMgAkUlA vANapatthA tAvasA bhavaMti lohakaDAhakaDucchuyaM taMbiyaM tAvasabhaMDagaM gahAya je ime gaMgAkUlA vANapatthA tAvasA bhavaMti taM jahA-hottiyA pottiyA kottiyA jaNNaI saDDhaI thAlaI huMbauTThA daMtukkhaliyA ummajjagA saMmajjagA nimajjagA saMpakkhAlagA dakkhiNakUlA uttarakUlA saMkhadhamA kUladhamA miyaluddhA hatthitAvasA udaMDagA disApokkhiNo vakkavAsiNo bilavAsiNo jalavAsiNo rukkhamUliyA aMbabhakkhiNo vAubhakkhiNo sevAlabhakkhiNo mUlAhArA kaMdAhArA tayAhArA pattAhArA pupphAhArA phalAhArA bIyAhArA parisaDiya-kaMda-mUla-taya-patta-pappha-phalAhArA jalAbhiseyakaDhiNa-gAyabhUyA AyAvaNAhiM paMcaggihatAvehiM iMgAlasolliyaM kaMdusolliyaM kaTThasolliyaM piva appANaM karemANA viharaMti tattha NaM je te disApokkhiyA tAvasA tesiM aMtie disApokkhiya tAvasattAe pavvaittae, pavvaie'vi ya NaM samANe imaM eyArUvaM abhiggahaM abhigihissAmi kappai- me jAvajjIvAe chaTuMchaTeNaM anikkhitteNaM disAcakkavAleNaM tavokammeNaM uDDhe bAhAo pagijjhiya pagijjhiya sUrAbhimuhassa AyAvaNabhUmIe AyAvemANassa viharittae ttikaTTha evaM saMpehei saMpehettA kallaM jAva jalaMte dIparatnasAgara saMzodhitaH] [4] [21-puphiyANaM]
Page #6
--------------------------------------------------------------------------
________________ subahuM loha jAva disApokkhayatAvasattAe pavvaie, pavvaie vi ya NaM samANe imaM eyArUvaM abhiggahaM abhigiNhittA paDhamaM chaTukkhamaNaM uvasaMpajjittA NaM viharai, tae NaM somile mAhaNarisI paDhamachaTTakkhamaNaajjhayaNaM-3 pAraNagaMsi AyAvaNabhUmio paccoruhai paccoruhittA vAgalavatthaniyatthe jeNeva sae uDae teNeva uvAgacchai, uvAgacchittA kiDhiNa-saMkAiyaM geNhai geNhittA puratthimaM disi pokkhei puratthimAe disAe some mahArAyA patthANe patthiyaM abhirakkhau somilamAhaNarisi-abhirakkhattA somilamAhaNarisiM jANi ya tattha kaMdANi ya mUlANi ya tayANi ya pattANi ya pupphANi ya phalANi ya bIyANi ya hariyANi ya tANi anujANau ttikaTTha puratthimaM disaM pasarai pasarittA jANi ya tattha kaMdANi ya jAva hariyANi ya tAI geNhai geNhittA kiDhiNa saMkAiyaM bhareti bharettA dabbhe ya kuse ya pattAmoDaM ca samihAo ya kaTThANi ya geNhati geNhittA jeNeva sae uDae teNeva uvAgacchai uvAgacchittA kiDhiNa-saMkAiyagaM Thavei ThavettA vediM vaDDhei vaDDhettA uvalevaNasamaMjaNaM karei karettA dabbhakalasahatthagae jeNeva gaMgA mahAnaI teNeva uvAgacchar3a uvAgacchittA gaMgaM mahAnaiM ogAhai ogAhittA jalamajjaNaM karei karettA jalAbhiseyaM karei karettA jalakiDDaM karei karettA AyaMte cokkhe paramasuibhae devapiukayakajje dabbhakalasahatthagae gaMgAo mahAnaIo paccuttarai paccuttarittA jeNeva sae uDae teNeva uvAgacchai uvAgacchittA dabbhe ya kuse ya vAluyAe ya vediM raei raettA sarayaM karei karettA araNiM karei karettA saraeNaM araNiM mahei mahettA aggiM pADei pADettA aggiM saMdhukkei saMdhukkettA samihAkaTThANi pakkhivai pakkhivittA aggiM ujjAlei ujjAlettA aggissa dAhiNe pAse sattaMgAI samAdahe [taM jahA] | [6] sakathaM vakkalaM ThANaM sejjabhaMDaM kamaMDaluM / daMDadAru tahappANaM ahe tAiM samAdahe / / [7] mahuNA ya dhaeNaM ya taMdulehi ya aggiM huNai, caruM sAhei sAhettA baliM vaissadevaM karei karettA atihiyapUyaM karei karettA tao pacchA appaNA AhAraM AhArei, tae NaM se somile mAhaNarisI doccaM chaTThakkhamaNapAraNagaMsi taM ceva savvaM bhANiyavvaM jAva AhAraM AhArei | navaraM imaM nANattaM dAhiNAe disAe jame mahArAyA patthANe patthiuM abhirakkhau somilaM mAhaNarisiM jANi ya tattha kaMdANi ya jAva aNujANau ttikaTTa dAhiNaM disiM pasarati, evaM paccatthimeNaM varuNe mahArAyA jAva paccatthimaM disiM pasarati, uttareNaM vesamaNe mahArAyA jAva uttaraMdisiM pasarati, puvvadisAgameNaM cattAri vi disAo bhANiyavvAo jAva AhAraM AhAreMti, tae NaM tassa somilamAhaNarisissa annayA kayADa pavvarattAvarattakAlasamayaMsi aniccajAgariyaM jAgaramANassa ayameyAruve ajjhatthie jAva samuppajjitthA-evaM khalu ahaM vANArasIe nayarIe somile nAmaM mAhaNarisI accaMtamAhaNakulappasue, tae NaM mae vayAI ciNNAiM jAva jUvA nikkhittA, tae NaM mae vANArasIe jAva pupphArAmA ya roviyA, tae NaM mae subahuM loe jAva dhaDAvettA jAva jeTTaputtaM kuTuMbe ThavettA jAva jehaputtaM ApucchittA subaha loha jAva gahAya muMDe bhavittA0 pavvaie, pavvaie vi ya NaM samANe chaTuMchaTeNaM jAva viharie taM seyaM khalu mamaM iyANi kallaM jAva jalate bahave tAvase diTThabhaTTe ya pavvasaMgaie ya pariyAyasaMgaie ya ApacchittA AsamasaMsiyANi ya bahuiM sattasayAiM anumAnaittA vAgalavatthaniyattassa kiDhiNa-saMkAiya-gahita-saMbhaMDovagaraNassa kaTThamuddAe muhaM baMdhittA uttaradisAe uttarAbhimuhassa mahappatthANaM patthAittae | [dIparatnasAgara saMzodhitaH] [21-pupphiyANaM] [5]
Page #7
--------------------------------------------------------------------------
________________ evaM saMpehei saMpehettA kallaM jAva jalate bahave tAvase ya diTThAbhaTThe ya puvvasaMgatIte ya taM ceva jAva muddA muhaM baMdhai baMdhittA ayameyArUvaM abhiggahaM abhigiNhai - jattheva NaM ahaM jalaMsi vA ajjhayaNaM-3 thalaMsi vA duggaMsi vA ninnaMsi vA pavvayaMsi vA visamaMsi vA gaDDAe vA darIe vA pakkhalejja va pavaDejja vA no khalu me kappai paccuTThittae ttikaTTu ayameyArUve abhiggahaM abhigiNhai uttarAe disAe uttarAbhimuhe mahapatthANaM patthie, taNaM se somile mAhaNarisI paccAvaraNhakAlasamayaMsi jeNeva asogavarapAyave va uvAgae asogavarapAyavassa ahe kiDhiya saMkAiyaM Thavei ThavettA vediM vaDDhei vaDDhettA uvalevaNa-saMmajjaNaM karei karettA dabbhakusahatthagae jeNeva gaMgA mahAnaI jahA sivo jAva gaMgAo mahAnaIo paccuttarai paccutarittA jeNeva asogavarapAyave teNeva uvAgacchai uvAgacchittA dabbhehi ya kusehi ya vAluyAe ya vediM raei raettA saragaM karei karettA jAva baliM vaissadevaM karei karettA kaTThamuddAe muhaM baMdhai baMdhittA tusiNI saMciTThai / tae NaM tassa somilamAhaNarisissa puvvarattAvarattakAlasamayaMsi ege deve aMtiyaM pAu taNaM se deve somilaM mAhaNaM eyaM vayAsI- haM bho! somilamAhaNA ! pavvaiyA duppavaiyaM te, tae NaM se somile tassa devassa doccaMpi taccaMpi eyamaTThe no ADhAi no parijANai jAva tusiNIe saMciTThai, tae NaM se deve somileNaM mAhaNarisiNA aNADhAijjamANe0 jAmeva disiM pAubbhUe tAmeva disiM paDigae, tae NaM se somile kallaM pAuppabhAyAe rayaNIe jAva jalate vAgalavatthaniyatthe kiDhiNa-saMkAiya-gahiyaggihottabhaMDovagaraNe kaTThamuddAe muhaM baMdhai baMdhittA uttarAbhimuhe saMpatthie, tae NaM se somile biiyadivasaMmi paccAvaraNhakAlasamayaMsi jeNeva sattivanne teNeva uvagAe sattivaNNassa ahe kiDhiNa-saMkAiyaM Thavei ThavettA vediM vaDDhei jahA asogavarapAyave jAva aggiM huNai kaTThamuddAe muhaM baMdai tusasiNIe saMciTThii / tae NaM tassa somilassa puvvarattAvarattakAle ege deve aMtiyaM pAubbhUe, tae NaM se deve aMtalikkhapaDivaNNe jahA asogavarapAyave jAva paDigae, tae NaM se somile kallaM jAva jalate vAgala vatthaniyatthe kaDhiNa saMkAiya geNhatti geNhatti geNhittA kaTTha muddAe muhaM baMdhaMti, baMdhittA uttaradisAe uttarAbhimuhe saMpatthie tae NaM se somile taiyadivasaMmi paccAvaraNhakAlasamayaMsi jeNeva asogavarapAyave teNeva uvAgacchai uvAgacchittA asogavarapAyavassa ahe kiDhiNa-saMkAiyaM Thavei ThavettA vediM vaDDhe gaMgAo mahAnaIo paccuttarAi paccuttarittA jeNeva asogavarapAyave teNeva uvAgacchai uvAgacchittA vediM raei raettA kaTThamuddAe muhaM baMdhai baMdhittA tusiNIe saMciTThai / tae NaM tassa somilassa puvvarattAvarattakAle ege deve aMtiyaM pAubbhUe taM ceva bhaNai jAva paDigae, tae NaM se somile kallaM pAuppabhAyAe rayaNIe0 jAva uttarAbhimuhe saMpatthie, tae NaM se somile cautthidivasaMmi paccAvaraNha - kAlasamayaMsi jeNeva vaDapAyave teNeva uvAgae vaDapAyavassa ahe kiDhiNa-saMkAiyaM ThavettA vediM vaDDhei uvalevaNa saMmajjaNaM karei jAva kaTThamuddAe muhaM baMdhai tusiNIe saMciTThai / tae NaM tassa somilassa puvvarattAvarattakAle ege deve aMtiyaM pAubbhUe taM ceva bhaNai jAva paDigae, tae NaM se somile kallaM pAuppabhAyAe rayaNIe0 jAva uttarAbhimuhe saMpatthie, tae NaM se somile paMcamadivasaMmi paccAvaraNhakAlasamayaMsi jeNeva uMbarapAyave teNeva uvAgacchai uMbarapAyavassa ahe kiDhiNasaMkAiyaM Thavei jAva kaTTha muddAe muhaM baMdhaMti jAva tusiNIe saMciTThai / [dIparatnasAgara saMzodhitaH] [6] [21-pupphiyANaM]
Page #8
--------------------------------------------------------------------------
________________ tae NaM tassa somilamAhaNassa pavvarattAvarattakAle ege deve jAva evaM vayAsI- haM bho! somilA! pavvaiyA duppavvaiyaM te paDhama bhaNai taheva tusiNIe saMciTThai, devo doccaMpi taccaMpi vadai somilA pavvaiyA duppavvaiyaM te, tae NaM se somile teNaM deveNaM doccaMpi taccapi evaM vutte samANe taM devaM ajjhayaNaM-3 evaM vayAsI kahaM NaM devANuppiyA! mama duppavvaiyaM ? tae NaM se deve somilaM mAhaNaM evaM vayAsI evaM khalu devANuppiyA tumaM pAsassa arahao purisAdAnIyassa aMtiyaM paMcANuvvaie sattasikkhAvaie duvAlasavihe sAvagadhamme paDivanne tae NaM tava annayA kayAiM asAhudaMsaNeNaM puvvarattAvarattakAlasamayaMsi kuTuMbajAgariyaM jAgaramANassa jAva puvvaciMtiyaM devo uccArei jAva jeNeva asogavarapAyave teNeva uvAgacchasi uvAgacchittA kiDhiNa-saMkAiyaM jAva tusiNIe saMciTThasi tae NaM ahaM puvvarattAvarattakAle tava aMtiyaM pAubbhavAmi haM bho somilA! pavvaiyA duppavvaiyaM te taha cceva devo niravayaM bhaNai jAva paMcamadivasaMmi paccAvaraNhakAlasamayaMsi jeNeva uMbarapAyave teNeva uvAgae kiDhiNa-saMkAiyaM Thavesi vediM vaDDhesi uvalevaNa-saMmajjaNaM karesi karettA kaTThamuddAe muhaM baMdhesi baMdhettA tusiNIe saMciTThasi taM evaM khalu devANuppiyA tava duppavvaiyaM / tate NaM se somile taM devaM evaM vayAsi kahaM NaM devANuppiyA! mama suppavvaittaM ? tae NaM se deve somilaM evaM vayAsi- jai NaM tumaM devANuppiyA iyANiM puvvapaDivaNNAiM paMca anuvvayAiM sayameva uvasaMpajjittA NaM viharasi to gaM tubbhaM iyANiM supavvaiyaM bhavejjA, tae NaM se deve somilaM vaMdai namasai vaMdittA namaMsittA jAmeva disiM pAubbhUe tAmeva disiM paDigae, tae NaM se somile mAhaNarisI teNaM deveNaM evaM vutte samANe puvvapaDivaNNAiM paMca anuvvayAiM sayameva uvasaMpajjittA NaM viharai, tae NaM se somile bahUhiM cauttha-chaTTaTThama jAva mAsaddhamAsa khamaNehiM vicittehiM tavovahANehiM appANaM bhAvemANe bahUiM vAsAiM samaNovAsagapariyAgaM pAuNai pAuNittA addhamAsiyAe saMlehaNAe attANaM jhUsei jhUsettA tIsaM bhattAiM aNasaNAe chedei chedettA tassa ThANassa anAleiyapaDikkaMte virAhiyasammatte kAlamAse kAlaM kiccA sukkavaDiMsae vimAne uvavAyasabhAe devasayaNijjaMsi jAva ogAhaNAe sukkamahaggahattAe uvavanne, tae NaM se sukke mahaggahe ahaNovavanne samANe jAva bhAsamaNapajjattIe pajjattabhAvaM gae, evaM khalu goyamA! sukkeNaM mahaggeNaM sA divvA jAva abhisamannAgae ega paliovamaM ThiI, sukke NaM bhaMte! mahaggahe tAo devalogAo AukkhaeNaM kahiM gacchihii ? goyamA! mahAvidehe vAse sijjhihii jAva savvadukkhANamaMtaM kAhii evaM khalu jaMbU0 samaNeNaM nikkhevo0 tti bemi | 0 cautthaM ajjhayaNaM-bahuttiyA 0 [8] jai NaM bhaMte! ukkhevao0 evaM khalu jaMbU teNaM kAleNaM teNaM samaeNaM rAyagihe nAmaM nayare, guNasilae ceie, seNie rAyA, sAmI samosaDhe, parisA niggayA, teNaM kAleNaM teNaM samaeNaM bahuputtiyA devI sohamme kappe bahuputtie vimAne sabhAe suhammAe bahuputtiyaMsi sIhAsanaMsi cauhiM sAmANiyasAhassIhiM cauhiM mahattariyAhiM jahA sUriyAbhe jAva bhuMjamANI viharai, imaM ca NaM kevalakappaM jaMbuddIvaM dIvaM viuleNaM ohiNA AbhoemANI-AbhoemANI pAsai pacchA samaNaM bhagavaM mahAvIraM jahA sUriyAbho jAva namaMsittA sIhAsanavaraMsi puratthAbhimuhA saMnisaNNA AbhiogA jahA sUriyAbhassa sUsarA ghaMTA, AbhiogaM devaM saddAvei, jANa vimANaM vaNNao jAva uttarilleNaM [dIparatnasAgara saMzodhitaH] [7] [21-pupphiyANaM]
Page #9
--------------------------------------------------------------------------
________________ nijjANa-maggeNaM joyaNasAhassiehiM viggahehiM tahA AgayA jahA sUriyAbho, dhammakahA samattA, tae NaM sA bahuputtiyA devI dAhiNaM bhayaM pasArei- devakumArANaM aTThasayaM0 devakumAriyANa ya vAmAo bhuyAo aTThasayaM tayAnaMtaraM ca NaM bahave dAragA ya dAriyAo ya Dibhae ya DibhiyAo ya viuvvai, naTThavihiM jahA sUriyAbho ajjhayaNaM-4 uvadaMsittA paDigayA, bhaMte! tti bhagavaM goyame samaNaM bhagavaM mahAvIraM vaMdai namasai0 kUDAgArasAlA didaMto, bahuputtiyAe NaM bhaMte! devIe sA divvA deviDDhI pucchA jAva abhisamannAgayA ?| evaM khala goyamA! teNaM kAleNaM teNaM samaeNaM vANArasI nAmaM nayarI, aMbasAlavane ceie, tattha NaM vANArasIe nayarIe bhadde nAmaM satthavAhe hotthA, aDDhe jAva aparibhUe, tassa NaM bhaddassa subhaddA nAmaM bhAriyA sUmAlA vaMjhA aviyAurI jAnukopparamAyA yAvi hotthA, tae NaM se subhaddAe satthavAhIe annayA kayAi puvvarattAvarattakAlasamayaMsi kuDuMbajAgariyaM0 imeyAruve jAva saMkappe samuppajjitthA- evaM khalu ahaM bhaddeNaM satyavAheNaM saddhiM viulAiM bhogabhogAiM bhuMjamANI viharAmi, no ceva NaM ahaM dAragaM vA dAriyaM vA payAmi, taM dhannao NaM tAo ammayAo suladdhe jAva NaM tAsiM ammayANaM maNue jammajIviyaphale jAsiM manne niyagakucchisaMbhUyagAI thaNaduddhaluddhagAiM mahurasamullAvagANi maMjulamammaNapajaMpiyANi thaNamUlA kakkhadesabhAgaM abhisaramANANi paNhayaM piyaMti, puNo ya komalakamalovamehiM hatthehiM giNhiUNaM ucchaMganivesiyANi deMti samullavAe sumahare puNo-puNo maMjulamammaNappabhaNie ahaM NaM adhannA apunnA akayapuNNA etto egamavi na pattA ohaya jAva jhiyAi / teNaM kAleNaM teNaM samaeNaM suvvayAo NaM ajjAo iriyA samiyAo bhAsA samiyAo esaNA samiyAo AyANa-bhaMDamatta-nikkhevaNA samiyAo uccAra-pAsavaNa-khelajalla-siMghANa-pAriTThAvaNiyA samiyAto maNa guttAo vaya guttAo kAya guttAo gutiMdiyAo guttabaMbhacAriNIo bahussuyAo bahupariyArAo puvvANupuvviM caramANIo gAmANugAmaM dUijjamANIo jeNeva vANArasI nayarI teNeva uvAgayAo ahApaDirUvaM uggahaM uggiNhitA saMjameNa tavasA jAva viharaMti, tae NaM tAsiM suvvayANaM ajjANaM ege saMghADae vANArasIe nayarIe uccanIyamajjhimAiM kulAiM gharasamudAnassa bhikkhAyariyAe aDamANe bhaddassa satthavAhassa gihaM anupaviDhe / tae NaM sA subhaddA satthavAhI tAo ajjatAo ejjamANIo pAsai pAsittA hatuTThA khippAmeva AsanAo abbhuDhei abbhuDhettA sattaTThapayAiM anugacchai anugacchittA vaMdai namasai namaMsittA viuleNaM asanapAnakhAimasAimeNaM paDilAbhittA evaM vayAsI- evaM khala ahaM ajjAo! bhaddeNaM satthavAheNaM saddhiM viulAiM bhoga-bhogAiM bhuMjamANI viharAmI, no ceva NaM ahaM dAragaM vA dAriyaM vA payAmi, taM dhannAo NaM tAo ammayAo jAva etto egamavi na pattA taM tubbhe NaM ajjAo baNAyAo bahupaDhiyAo bahUNi gAmAgara nagara jAva saNNivesAI AhiMDaha bahaNaM rAIsara talavara-jAva satthavAhappabhiiNaM gihAI anupavisai atthi se kei kahiM ci vijjApaoe vA maMtappaoe vA vamanaM vA vireyaNaM vA vatthikammaM vA osahe vA bhesajje vA uvaladdhe jeNaM ahaM dAragaM vA dAriyaM vA payAejjA ? tae NaM tAo ajjAo subhadaM satthavAhiM evaM vayAsI- amhe NaM devANuppie! samaNIo niggaMthIo iriyAsamiyAo jAva guttabaMbhacAriNIo no khalu kappai amhaM eyamadraM kaNNehiM vi nisAmettae, kimaMga puNa uvadaMsittae vA samAyarittae vA ? amhe NaM devANuppie! puNaM tava vicittaM kevalipannattaM dhamma parikahemo, tae NaM sA subhaddA satthavAhI tAsiM ajjANaM aMtie dhamma soccA nisamma [dIparatnasAgara saMzodhitaH] [8] [21-pupphiyANaM]
Page #10
--------------------------------------------------------------------------
________________ haTThaTThA tAo ajjAo tikkhutto vaMdai namasaMti namaMsittA evaM vayAsI saddahAmi NaM ajjAo! niggaMthaM pAvayaNaM pattiyAmi roemi0 NaM ajjAo niggaMthIo! niggaMthaM pAyavaNaM roemi0 evameyaM tahameyaM avitahameyaM jAva se jaheyaM tubbhe vayaha, icchAmi NaM ahaM tubbhaM aMtie sAvagadhammaM paDivajjittae, ahAsuhaM devA! mA ajjhayaNaM-4 paDibaMdhaM karehi, tae NaM sA subhaddA satthavAhI tAsiM ajjANaM aMtie sAvagadhammaM paDivajjai paDivajjittA tAo ajjAo vaMdai jAva paDivisajjai tae NaM sA subhaddA satthavAhI samaNovAsiyA jAyA jAva viharai / tae NaM tIse subhaddAe samaNovAsiyAe annayA kayAi puvvarattAvarattakAlasamayaMsi kuDuMba jAgaramANIe jAva ayameyArUve jAva samuppajjitthA - evaM khalu ahaM bhaddeNaM satthavAheNaM saddhiM viulAI bhogabhogAiM jAva viharAmi no ceva NaM ahaM dAragaM vA dAriyaM vA payAmi, taM seyaM khalu mamaM kallaM jAva jalate bhaddaM satthavAhaM ApucchittA suvvayANaM ajjANaM aMtie muMDA bhavittA agArAo aNagAriyaM pavvaittAe, evaM saMpehei saMpehettA kalle jeNeva bhadde satthavAhe teNeva uvAgayA karatala0 jAva evaM vayAsI evaM khalu ahaM devANuppiyA! tubbhehiM saddhiM bahUiM vAsAI viulAI bhoga jAva viharAmi, no ceva NaM dAragaM vA dAriyaM vA payAmi, taM icchAmi NaM devANuppiyA! tubbhehiM abbhaNuNNAyA samANI suvvayANaM ajjANaM jAva pavvaittae, tae NaM se bhadde satthavAhe subhaddaM satthavAhiM evaM vayAsI- mA NaM tumaM devANuppie! iyANiM muMDA jAva pavvayAhi, bhuMjAhiM tAva devANuppie! mae saddhiM viulAI bhogabhogAI tao pacchA bhuttabhoI suvvANaM ajjANaM aMtie. pavvayAhiM, tae NaM subhaddA samaNovAsiyA bhaddassa eyamaTThe no ADhAi no pariyANai doccaMpi taccaMpi evaM vayAsI- icchAmi NaM devANuppiyA tubbhehiM abbhaNuNNAyA samANI jAva pavvaittae / tae NaM se bhadde satthavAhe jAhe no saMcAei bahUhiM AghavaNAhiM ya pannavaNAhiM ya saNNavaNAhiM ya viNNavaNAhiM ya Aghavittae vA0 jAva viNNavittae vA tAhe akAmae ceva subhaddAe nikkhamaNaM anumannitthA, tae NaM se bhadde satthavAha viulaM asaNaM0 uvakkhaDAvei mitta nAi0 jAva AmaMtei tao pacchA bhoyaNavelAe jAva mitta- nAi0 sakkArei sammANei, subhaddaM satthavAhiM NhAyaM jAva pAyacchittaM savvAlaMkAravibhUsiyaM purisasahassavAhiNiM sIyaM durUher3a, tato sA subhaddA mitta nAi0 jAva saddhiM saMparivuDA savviDDhIe jAva duMduhi-nigghosaNAiyavaraveNaM vANArasInayarIe majjhaMmajjheNaM jeNeva suvvayANaM ajjANaM uvassae teNeva uvAgacchittA purisasahassa vAhiNiM sIyaM Thavei, subhaddaM satthavAhiM sIyAo paccoruhei, tae NaM bhadde satthavAhe subhaddaM satthavAhiM purao kAuM jeNeva suvvayA ajjA teNeva uvAgacchai suvvayAo ajjAo vaMdai namasai vaMdittA namaMsittA evaM vayAsI evaM khalu devANuppiyA! subhaddA satthavAhI mamaM bhAriyA iTThA kaMtA jAva mA NaM vAiyA pittiyA siMbhiyA sannivAiyA vivihA rogAyaMkA phusaMtu, esa NaM devANuppiyA! saMsArabhauvviggA bhIyA jammaNamaraNANaM devANuppiyANaM aMtie muMDA bhavittA jAva pavvayAi, taM eyaM NaM ahaM devANuppiyANaM sIsiNibhikkhaM dalayAmi, paDicchaMtu NaM devANuppiyA! sIsiNibhikkhaM, ahAsuhaM devANuppiyA! mA paDibaMdhaM kareha, tae NaM sA subhaddA satthavAhI suvvayAhiM ajjAhiM evaM vuttA samANI haTThatuTThA jAva sayameva AbharaNamallAlaMkAraM omuyai omuittA sayameva paMcamuTThiyaM loyaM karei karettA jeNeva suvvayAo ajjAo teNeva uvAgacchai uvAgacchittA suvvayAo ajjAo tikkhutto AyAhiNa-payAhiNaM0 vaMdai namasai vaMdittA namaMsittA evaM vayAsI- / [dIparatnasAgara saMzodhitaH] [9] [21-pupphiyANaM]
Page #11
--------------------------------------------------------------------------
________________ Alitte NaM ajjA loe palitteNaM ajjA0 jahA devAnaMdA tahA pavvaiyA jAva ajjA jAyA iriyAsamiyA jAva guttabaMdhayAriNI tae NaM sA subhaddA ajjA annayA kayAi bahujanassa ceDarUvesu mucchiyA jAva ajjhovavaNNA abbhaMgaNaM ca uvvaTTaNaM ca phAsuyapANaM ca alagattaMga ca kaMkaNANi ya aMjanaM ca vaNNagaM ca cuNNagaM ca khellagANi ya khajjallagANi ya khIraM ca pupphANi ya gavesai gavesittA bahujanassa dArae ya ajjhayaNaM-4 DiMbhiyAo ya appegaiyAo abbhaMgei jAva NhAvei appegaiyANaM pAe rayai appegaiyANaM oTThe rayai appegaiyANaM acchINi aMjei appegaiyANaM usue karei appegaiyANaM tilae karei appegaiyAo digiMdala karei appegaiyANaM paMtiyAo karei appegaiyANaM chijjAI karei appegaiyA vaNNaeNaM samAlabhai appegaiyA cuNNaeNaM samAlabhai appegaiyANaM khellaNagAI dalayai appegaiyANaM khajjalagAI dalayai appegaiyAo khIrabhoyaNaM bhuMjAvei appegaiyANaM pupphAiM omuyai appegaiyAo pAesu Thavei appegaiyAo jaMghAsu Thavei evaM-Urusu ucchaMge kaDIe piTThIe piTTe urasi khaMdhe sIse ya karayalapuDeNaM gahAya halaulemANI- halaulemA AgAyamANI-AyAyamANI parigAyamANI - pari- gAyamANI puttapivAsaM ca dhUyapivAsaM ca nattuyapivAsaM ca nattipivAsaM ca paccaNubhavamANI viharai / tae NaM tao suvvayAo ajjAo subhaddaM ajjaM evaM vayAsI amhe NaM devANuppie! samaNIo niggaMthIo iriyAsamiyAo jAva guttabaMbhayAriNIo no khalu amhaM kappar3a dhAikammaM karettae, tumaM caNaM devANuppie bahujanassa ceDarUvesu mucchiyA jAva ajjhovavaNNA abbhaMgaNaM jAva nattuipivAsaM vA paccaNubhavamANI viharasi, taM NaM tumaM devANuppie eyassa ThANassa Aloehi jAva pAyacchittaM paDivajjAhi, taNaM sA subhaddA ajjA suvvayANaM ajjANaM eyamahaM no ADhAi no parijANai aNADhAyamANI aparijANamANI viharai, tae NaM tAo samaNIo niggaMthIo subhaddaM ajjaM hIleMti niMdaMti khiti haM abhikkhaNaM-abhikkhiNaM eyamahaM nivAreMti / tae NaM tIse subhaddAe ajjAe samaNIhiM niggaMthIhiM hIlijjamANIe jAva abhikkhaNaMabhikkhaNaM eyamadvaM nivArijjamANIe ayameyArUve ajjhattIe jAva samuppajjitthA jayA NaM ahaM agAravasaM AvAsAmi tayA NaM ahaM appavasA, jappabhidaM ca NaM ahaM muMDA bhavittA agArAo aNagAriyaM pavvaiyA tappabhir3aM ca NaM ahaM paravasA, puvviM ca mamaM samaNIo niggaMthIo ADheMti parijArNeti, iyANiM no ADheMti no parijANaMti taM seyaM khalu me kallaM jAva jalaMte suvvayANaM ajjANaM aMtiyAo paDi - nikkhamittA pADiekkaM uvassayaM uvasaMpajjittA NaM viharittae, evaM saMpehei saMpehettA kallaM jAva jalate suvvayANaM ajjANaM aMtiyAo paDinikkhametti, paDinikkhamittA pADiyakkaM uvassayaM uvasaMpajjittA NaM viharai, tae NaM sA subhaddA ajjA ajjAhiM aNohaTTiyA anivAriyA sacchaMdamaI bahujanassa ceDarUvesu mucchiyA jAva abbhagaNaM ca jAva nattipivAsaM ca paccaNubhavamANI viharai / tae NaM sA subhaddA ajjA pAsatthA pAsatthavihArI osaNNA osaNNavihArI kusIlA kusIlavihArI saMsattA saMsattavihArI ahAchaMdA ahAchaMdavihArI bahUI vAsAiM sAmaNNapariyAgaM pAuNa pAuNittA addhamAsiyAe saMlehaNAe attANaM jhosettA tIsa bhattAiM aNasaNAe chedettA tassa ThANassa anAloiya apaDikkaMtA kAlamAse kAlaM kiccA sohamme kappe bahuputtiyAvimANe vavAsabhA devasayaNijjaMsi devadU-saMtariyA aMgulassa asaMkhejjai bhAgamettAe ogAhaNAe bahuputti devatA [dIparatnasAgara saMzodhitaH ] [10] [21-pupphiyANaM]
Page #12
--------------------------------------------------------------------------
________________ uvavannA, tae NaM sA bahuputtiyA devI ahuNovavaNNamettA samANI paMcavihae pajjattIe jAva bhAsamaNapajjattIe pajjattabhAvaM gayA / evaM khalu goyamA! bahuputtiyAe devIe sA divvA deviDDhI jAva abhisamaNNAgae, se keNaTTeNaM bhaMte! evaM vuccai bahuputtiyA devI bahuputtiyA devI ? goyamA ! bahuputtiyA NaM devI jAhe-jAhe sakkassa deviMdassa devaraNNo uvatthANiyaM karei tAhe - tAhe bahave dArae ya dAriyAo ya DiMbhae ya DiMbhiyAo ya viuvvai viuvvittA jeNeva sakke deviMde devarAyA teNeva uvAgacchai uvAgacchittA sakkassa deviMdassa ajjhayaNaM-4 devaraNNo divvaM deviDddhaM divvaM devajjuiM divvaM devAnubhAvaM uvadaMsei, se teNaTTheNaM goyamA ! evaM vuccai bahuputtiyA devI bahuputtiyA devI / bahuputtiyAe NaM bhaMte! devINaM kevaiyaM kAla ThitI pa0 ? goyamA ! cattAri palio mAI ThiI pannattA, bahuputtiyA NaM bhaMte! devI tAo devalogAo AukkhaeNaM bhavakkhaeNaM ThiikkhaeNaM anaMtaraM cayaM caittA kahiM gacchihii kahiM uvavajjihii ? goyamA ! iheva jaMbuddIve dIve bhArahe vAse viMjhagiripAyamUle vibhela- sannivese mAhaNa - kulaMsi dAriyattAe paccAyAhii / tae NaM tIse dAriyAe ammApiyaro ekkArasame divase vIikkaMte nivatte asuijAkammakaraNe saMpatte bArasAhe divase ayameyArUvaM nAmadhejjaM kareMti hou NaM amhaM imIse dAriyAe nAmadhejjaM somA, tae NaM sA somA ummukkabAlabhAvA viNNaya-pariNayamettA jovvaNagamaNuppattA rUveNa ya jovvaNeNa ya lAvaNNeNa ya ukkiTThA ukkiTThasarIrA jAva bhavissai, tae NaM taM somaM dAriyaM ammApiyaro ummukkabAlabhAvaM viNNaya-pariNayamettaM jovvaNagamaNuppattaM paDirUvieNaM sukkeNaM paDirUvieNaM ya vinaeNaM niyagassa bhAiNejjassa raTThakUDassa bhAriyattAe dalaissaMti, sA NaM bhAriyA bhavissai iTThA kaMtA jAva bhaMDakaraMDagasamANA tellakelA iva susaMgoviyA celapelA iva susaMparigahiyA rayaNakaraMDago viva susArakkhiyA susaMgoviyA mA NaM sIyaM jAva vivihA royAyaMkA phusaMtu, tae NaM sA somA mAhaNI raTThakUDeNaM saddhiM viulAI bhogabhogAiM bhuMjamANI saMvacchare saMvacchare juyalagaM payAyamANI solasehiM saMvaccharehiM battIsaM dAragarUve payAhii / tae NaM sA somA mAhaNI tehiM bahUhiM dAragehi ya dAriyAhi ya kumAraehi ya kumAriyAhi ya DiMbhaehi ya DiMbhiyAhi ya appegaiehiM uttANasejjaehiM appegaiehiM thaNapAehiM appegaiehiM pIiga-pAehiM appegaiehiM paraMgaNaehiM appegaiehiM parakkamamANehiM appegaiehiM pakkhelaNehiM appegaiehiM tha maggamANehiM appegaiehiM khIraM maggamANehiM appegaiehiM tellaM maggamANehiM appegaiehiM khellaNayaM maggamANehiM appegaiehiM khajjagaM maggamANehiM appegaiehiM khillaNayaM appegaiehiM kUraM maggamANehiM appegaehiM pANiyaM maggamANehiM appegaiehiM hasamANehiM appegaiehiM maggamANehiM haNamANehiM appegaiehiM hammamANehiM appegaiehiM vippalAyamANehiM appegaiehiM aNugammamANehiM appegaiehiM appegaiehiM royamANehiM appegaiehiM kaMdamANehiM appegaiehiM vilavamANehiM appegaiehiM kUvamANehiM maggamANehiM appegaihiM ukkuvamANehiM appegaiehiM niddAyamANehiM appegaiehiM payalAyavamANehiM appegaiehiM hadamANehiM appegaiehiM vamamANehiM appegaiehiM cheramANehiM appegaiehiM muttamANehiM mutta-purisa-vamiyasulittovalittA mailavasaNapoccaDA jAva asuivibhacchA paramaduggaMdhA no saMcAehi raTThakUDeNaM saddhiM viulAI bhogabhogAiM bhuMjamANI viharittae, [dIparatnasAgara saMzodhitaH] [11] [21-pupphiyANaM]
Page #13
--------------------------------------------------------------------------
________________ tae NaM tIse somAe mAhaNIe annayA kayAi puvvarattAvarattakAlasamayaMsi kuTuMbajAgariyaM jAgaramANIe ayameyArUve jAva samuppajjitthA- evaM khalu ahaM imehiM bahUhiM dAragehiM ya jAva DibhiyAhi ya appegaiehiM uttANasejjaehiM jAva appegaiehiM muttamANehiM dujjAehiM dujjammaehiM hayavippahayabhaggehiM egappahArapaDiehiM jeNaM mutta-purIsa-vamiya-sulittovalittA jAva paramaduggaMdhA no saMcAemi rahakUDeNaM saddhiM jAva bhuMjamANI viharittae, taM dhannAo NaM tAo ammayAo jAva jIviyaphale jAo NaM vaMjhAo aviyAuriyAo jAnukopparamAyAo surabhisugaMdhagaMdhiyAo viulAiM mANussagAiM bhogabhogAiM bhuMjamANIo viharaMti, ahaM NaM adhannA apuNNA aphayapuNNA no saMcAemi rahakUDeNa saddhiM viulAiM jAva viharittae | ajjhayaNaM-4 teNaM kAleNaM / teNaM samaeNaM suvvayAo nAma ajjAo IriyAsamiyAo jAva bahuparivArAo puvvANupuvviM caramANIo jeNeva bibhele sannivese uvAgacchaMti uvAgacchittA ahApaDirUvaM oggahaM jAva viharaMti tae NaM tAsiM suLyANaM ajjANaM ege saMghADae bibhele sannivese ucca-nIya-jAva aDamANe rahakUDassa gihaM anupaviTe, tae NaM sA somA mAhaNI tAo ajjAo ejjamANIo pAsai pAsittA haTThA0 khippAmeva AsanAo abbhuDhei abbuDhettA sattaTTha payAiM anugacchai anugacchittA vaMdai namasai vaMdittA namaMsittA viuleNaM asaNaM jAva paDilAbhettA evaM vayAsI- evaM khalu ahaM ajjAo! raDakUDeNaM saddhiM0 solasahiM saMvaccharehiM battIsaM dAragarUve payAyA tae NaM ahaM tehiM bahuhiM dAraehi ya jAva DibhiyAhi ya appegaiehiM uttANasejjaehi jAva muttamANehiM dujjAehiM jAva no saMcAemi viharittae, taM icchAmi gaM ahaM ajjAo! tumheM aMtie dhamma nisAmettae, tate NaM tAo ajjAo somAe mAhaNIe vicittaM kevavipannattaM dhamma parikaheMti tae NaM sA somA mAhaNI tAsiM ajjANaM aMtie dhamma soccA nisamma haTTha jAva hiyayA tAo ajjAo vaMdainamaMsai namaMsittA evaM vayAsI-saddahAmi NaM ajjAo! niggaMthaM pAvayaNaM jAva abbhuTTemi NaM ajjAo niggaMthaM pAvayaNaM evameyaM ajjAo! jAva se jaheyaM tubbhe vayaha jaM navaraM ajjAo! rahakUDaM ApucchAmi tae NaM ahaM devANuppiyANaM aMtie muMDa0 jAva pavvayAmi, ahAsuhaM devANuppie! mA paDibaMdhaM0 | tae NaM sA somA mAhaNI tAo ajjAo vaMdai jAva paDivisajjei, tae NaM sA somA mAhaNI jeNeva rahakUDe teNeva uvAgayA karatala jAva evaM vayAsI evaM khalu mae devANuppiyA! ajjANaM aMtie dhamme nisaMte se 'vi ya NaM dhamme icchie paDicchie jAva abhiruIe, tae NaM ahaM icchAmi devANuppiyA! tubbhehiM abbhaNaNNAyA savvayANaM ajjANaM aMtie0 jAva pavvaittae, tae NaM se rahakaDe somaM mAhaNiM evaM vayAsI- mA NaM tumaM devANuppie! iyANiM muMDA bhavittA0 pavvayAhi bhaMjAhi tAva devANuppie! mae saddhiM viulAI bhogabhogAiM, tao pacchA bhuttabhoI suvvayANaM ajjANaM aMtie0 pavvayAhi / tae NaM sA somA mAhaNI rahakUDassa eyamadvaM paDisaNei tae NaM sA somA mAhaNI NhAyA jA appamahagghAbharaNAlaMkiyasarIrA ceDiyAcakkavAlaparikiNNA sAo gihAo paDinikkhamai paDinikkhamittA bibhelaM sannivesaM majjhaMmajjheNaM jeNeva suvvayANaM ajjANaM uvassae teNeva uvAgacchai uvAgacchittA suvvayAo ajjAo vaMdai namasai vadittA namaMsittA pajjuvAsai, tae NaM tAo suvvayAo ajjAo somAe mAhaNIe vicittaM kevalipannattaM dhamma parikaheMti jahA jIvA bajjhaMti jahA jIvA maccaMti0 tae NaM sA somA mAhaNI suvvayANaM ajjANaM aMtie duvAlasavihaM sAvagadhamma paDivajjai paDivajjittA suvvayAo dIparatnasAgara saMzodhitaH] [12] [21-pupphiyANaM]
Page #14
--------------------------------------------------------------------------
________________ ajjAo vaMdai jAva namaMsittA jAmeva disiM pAubbhayA tAmeva disi paDigayA, tae NaM sA somA mAhaNI samaNovAsiyA jAyA- bhigayajIvAjIvA jAva appANaM bhAvemANI viharai / tae NaM tAo suvvayAo ajjAo annayA kayAi bibhelAo sannivesAo paDinikkhamaMti, paDinikkhamittA bahiyA janavayavihAraM viharaMti tae NaM tAo suvvayAo ajjAo annayA kayAi puvvANapavviM caramANIo jAva viharaMti, tae NaM sA somA mAhaNI imIse kahAe laddhatA samANI hadvA0 NhAyA taheva niggayA jAva vaMdai namasai vaMdittA namaMsittA dhamma soccA jAva navaraM-rahakUDaM ApucchAmi tae NaM pavvayAmi, ahAsahaM0 tae NaM sA somA mAhaNI savvayAo ajjAo vaMdar3a namasai vaMdittA namaMsittA savvayANaM aMtiyAo paDinikkhamai paDinikkhamittA jeNeva sae gihe jeNeva rahakUDe teNeva uvAgacchar3a ajjhayaNaM-4 uvAgacchittA karayalapariggahiyA taheva Apucchai jAva pavvaittae, ahAsuhaM devANuppie! mA paDibaMdhaM0 te NaM se rahakUDe viulaM asanaM taheva jahA pavvabhave subhaddA jAva ajjA jAyA- iriyAsamiyA jAva guttabaMbhayAriNI / tae NaM sA somA ajjA suvvayANaM ajjANaM aMtie sAmAiyamAiyAiM ekkArasa aMgAI ahijjai ahijjittA bahUhiM cauttha-chaTTaTThama-dasama-duvAlasehiM jAva bhAvemANI bahUiM vAsAiM sAmaNNapariyAgaM pAuNai pAuNittA mAsiyAe saMlehaNAe attANaM jhosettA saTThi bhattAI aNasaNAe cheittA AloiyapaDikkaMtA samAhipattA kAlamAse kAlaM kiccA sakkassa deviMdassa devaraNo sAmANiyadevattAe uvavajjihii, tattha NaM atthegaiyANaM devANaM do sAgarovamAiM ThiI pannattA, tattha NaM somassavi devassa do sAgarovamAiM ThiI pannattA se NaM bhaMte! some deve tAo devalogAo AukkhaeNaM bhavakkhaeNaM ThiikkhaeNaM cayaM caittA kahiM gacchihii kahiM uvavajjihii ? goyamA! mahAvidehe vAse jAva aMtaM kAhii / evaM khala jaMbU samaNeNaM bhagavayA mahAvIreNaM jAva saMpatteNaM pupphiyANaM cautthassa ajjhayaNassa ayamaDhe pannatte tti bemi / 0 paMcama ajjhayaNaM-punnabhadde 0 [9] jai NaM bhaMte! samaNeNaM bhagavayA mahAvIreNaM ukkhevao0 evaM khala jaMbU! teNaM kAleNaM teNaM samaeNaM rAyagihe nAmaM nayare, guNasilae ceie, seNie rAyA, sAmI samosarie, parisA niggayA, teNaM kAleNaM teNaM samaeNaM punnabhadde deve sohamme kappe punnabhadde vimANe sabhAe suhammAe punnabhaiMsi sIhAsaNaMsi cauhiM sAmANiyasAhassIhiM jahA sUriyAbhe jAva battIsaivihaM naTTavihiM uvadaMsittA jAva jAmeva disiM pAubbhUe tAmeva disi paDigae, kUDAgArasAlA0 puvvabhavapucchA, evaM khalu goyamA! teNaM kAleNaM teNaM samaeNaM iheva jaMbuddIve dIve bhArahe vAse maNivaiyA nAmaM nayarI hotthA riddha-tthimiya-samiddhA, caMdotArAyaNe ceie, tattha NaM maNivaiyAe nayarIe punnabhadde nAma gAhAvaI parivasaI aDDhe0 teNaM kAleNaM teNaM samaeNaM therA bhagavaMto jAisaMpannA jAva jIviyAsa-maraNabhayavippamukkA bahussuyA bahupariyArA puvvANupuvviM caramANA jAva samosaDhA, parisA niggayA, tae NaM se punnabhadde gAhAvaI imIse kahAe laddhaDhe samANe hadvatuDhe jAva jahA pannattIe gaMgadate taheva niggacchar3a jAva nikkhaMto jAva guttabaMbhayArI, dIparatnasAgara saMzodhitaH] [13] [21-pupphiyANaM]
Page #15
--------------------------------------------------------------------------
________________ tae NaM se punnabhadde anagAre tahArUvANaM therANaM bhagavaMtANaM aMtie sAmAiyamAiyAiM ekkArasa aMgAI ahijjai ahijjittA bahUhiM cauttha-chaTThaTThama-dasama-duvAlasehiM jAva bhAvittA bahUI vAsAiM sAmaNNapariyAgaM pAuNai pAuNittA mAsiyAe saMlehaNAe appANaM jhosettA saDhi bhattAiM aNasaNAe chedittA Aloiya-paDikkaMte samAhipatte kAlamAse kAlaM kiccA sohamme kappe punnabhadde vimANe uvavAyasabhAe devasayaNijjaMsi jAva bhAsamaNapajjattIe pajjattabhAvaM gae, evaM khalu goyamA! punnabhadde deveNaM sA divvA devir3aDhI jAva abhisamaNNAgayA... punnabhaddassa devassa kevaiyaM kAlaM ThiI pannattA ? go0! do sAgarovamAiM ThiI pannattA, punnabhadde deve tAo devalogAo jAva kahiM gacchihiti0 ? go0! mahAvidehe vAse sijjhihii jAva aMtaM kAhii, evaM khalu jaMbU! samaNeNaM bhagavayA mahAvIreNaM jAva saMpatteNaM nikkhevao0 tti bemi | ajjhayaNaM-6 0 charTa ajjhayaNaM-mANibhadde 0 [10] jai NaM bhaMte! samaNeNaM bhagavayA mahAvIreNaM jAva saMpatteNaM ukkhevao0 teNaM kAleNaM teNaM samaeNaM rAyagihe nayare, guNasilae ceie, seNie rAyA, sAmI samosarie, teNaM kAleNaM teNaM samaeNaM mANibhadde deve sabhAe suhammAe mANibhadaMsi sIhAsaNaMsi cauhiM sAmANiyasAhassIhiM jahA punnabhaddo taheva AgamanaM naTTavihI, puvvabhavapucchA, maNivaI nayarI mANibhadde gAhAvaI, therANaM aMtie pavvajjA, ekkArasa aMgAI ahijjai bahUI vAsAiM pariyAo mAsiyA saMlehaNA sahi bhattAiM0 mANibhadde vimANe devattAo uvavAo, do sAgarovamAiM ThiI mahAvidehe vAse sijjhihii0 evaM khalu jaMbu! nikkhevao / 07-10 - ajjhayaNANi 0 [11] evaM datte sive bale aNADhie savve jahA punnabhadde deve, savvesiM do sAgarovamAiM ThiI, vimANA devasarinAmA, puvvabhave datte caMdanAnAmAe sive mihilAe bale hatthiNapure nayare aNADhie kAkaMdIe ceiyAiM-jahA saMgahaNIe / muni dIparatnasAgareNa saMzodhitAH sampAditAzca "pupphiyANaM uvaMgasuttaM" sammattaM | 21 / "pupphiyANaM" dasamaM uvaMgasuttaM sammattaM dIparatnasAgara saMzodhitaH] [14] [21-pupphiyANaM]