Page #1
--------------------------------------------------------------------------
________________ II SHREE VITRAAGAAYA NAMAH II UPPANEINA VIGAMEINA DHUVEINA aNuttarovavAi suttaM ANUTTAROVAVAI SUTRA
Page #2
--------------------------------------------------------------------------
________________ paMcama gaNadhara siri suhammasAmI viraiyaM aNuttarovavAiyadasAo aNuttarovavAi suttaM ANUTTAROVAVAI SUTRA mUla pATha Ardhamagadhi Aphorisms aMga Agama - 9 9th ANGA AGAMA Bhagwan Mahavira's Precepts Sutra First Composed By Fifth Ganadhara SRI SUDHARMA SWAMI Vallabhi Council (Synod) Chair DEVARDDHIGANI KSAMASRAMANA Published By GLOBAL JAIN AAGAM MISSION
Page #3
--------------------------------------------------------------------------
________________ aNuttarovavAiyadasAo aNuttarovavAi suttaM ANUTTAROVAVAI SUTRA First eBook Edition (PDF) - 2012 Source of Ardhamagadhi Aphorisms: GURUPRAN AAGAM BATRISI (Aagam Series) (Gujarati 2nd Edition, 2009) Published on the Occasion of 100th Birth Anniversary of SAURASHTRA KESHARI GURUDEV PUJYA SHREE PRANLALJI M. S. Text in "Mangal (Unicode)" Font Published By: GLOBAL JAIN AAGAM MISSION Clo. Pawancham, Mahavir Nagar, Kandivali (W), Mumbai - 400 067 Tel.: +91 92233 14335, e-mail: info@jainaagam.org www.jainaagam.org/www.parasdham.org Computer Source files can be made available for appropriate scholarly use, Please contact in writing at the email/phone contacts listed above.
Page #4
--------------------------------------------------------------------------
________________ Rashtra Sant Yug Diwakar Pujya Gurudev NamraMuni M.S. Inspired GLOBAL JAIN AAGAM MISSION Promoting Compassionate and Nonviolent Living MISSION: Global Jain Aagam Mission promotes the eternal truths of Jain Agama (precepts of Lord Mahavira) to build a compassionate and nonviolent lifestyle in the world. GOALS AND OBJECTIVES: * Translate all Jain Agamas (scriptures) into English and other world languages * Make Agamas available in all electronic forms * Promote awareness of Agama throughout the world * Educate and uphold Jain way of life using expertise of social media * Promote a compassionate and nonviolent lifestyle throughout the world * Encourage and promote research on Agamas to develop approaches to the world challenges (ecology & environment, global warming, world peace, psychology, health, scientific principles, etc.) * Hold periodic conventions to promote exchanges among world's scholars * Interface with interreligious organizations and other guiding institutions * Be a resource for information and referral * Work co-operatively with local, regional, national, and global organizations TRANSLATION OF JAIN AAGAMAS INTO ENGLISH: The Global Jain Aagam Mission has embarked on a project to translate and publish all Jain Agamas into English. The English translation of the Agama will help youth of today in India and abroad to learn and understand Lord Mahavira's preachings. The goal is to reach every household and every person in the world to impart the wisdom of the Agamas. In a non-sectarian way, this Mission will endeavor to deliver the Lord Mahavira's message to hearts of the people. The translated Agamas will be distributed to various libraries, universities and Jain institutions within our country and abroad. In addition, it will be made available on the Internet and in electronic forms of eBooks, etc. Many learned intellectuals from different countries and cultures have supported this project of translating the Agama's into English. The work is being performed in cities of Mumbai, Ahmedabad, Bangalore, Shravanbelgola, Delhi, Jaipur, Chennai, Kolkata, Banaras, Ladnu, Dubaii, and USA. In addition, this mission is receiving guidance and blessings from spiritual leaders of various religious traditions. INVITATION TO PARTICIPATE: We invite scholars, spiritual aspirants and shravaks to join us in making this mission a success. Your contribution of knowledge, time, and money will be appreciated. Please contact by email at info@jainaagam.org or by phone to: Girish Shah at Tel. +91-92233-14335 or Gunvant Barvalia at Tel. +91-98202-15542
Page #5
--------------------------------------------------------------------------
________________ paDhamo vaggo... paDhamaM ajjhayaNaM.. jAlI paDhamo vaggo. 2- 10 ajjhayaNANi. mayAlipabhii.. bIo vaggo. 1-13 ajjhayaNANi. dIhaseNAhi.. taio vaggo. paDhama ajjhayaNaM. dhaNNo aNuttarovavAi sutta Table of Contents viSaya sUcI taio vaggo. 2-10 ajjhayaNANi. suNakkhattAdi...... // aNuttarovavAhayadasAo suttaM samattaM // - 1 1 .3 ..3 ..3 ..3 .3 .3 14 .14 14 .15
Page #6
--------------------------------------------------------------------------
________________ aNuttarovavAi sutta paDhamo vaggo paDhamaM ajjhayaNaM jAlI 1 teNaM kAleNaM teNaM samaeNaM rAyagihe Nayare / ajja suhammassa samosaraNaM / parisA NiggayA jAva jaMbU pajjuvAsamANe evaM vayAsI- jai NaM bhaMte ! samaNeNaM bhagavayA mahAvIreNaM jAva saMpatteNaM aTThamassa aMgassa aMtagaDadasANaM ayamaDhe paNNatte, Navamassa NaM bhaMte ! aMgassa aNuttarovavAiyadasANaM samaNeNaM bhagavayA mahAvIreNaM jAva saMpatteNaM ke aDhe paNNatte ? tae NaM se suhamme aNagAre jaMbU aNagAraM evaM vayAsI- evaM khalu jaMbU! samaNeNaM bhagavayA mahAvIreNaM jAva saMpatteNaM Navamassa aMgassa aNuttarovavAiyadasANaM tiNNi vaggA pnnnnttaa| jai NaM bhaMte ! samaNeNaM bhagavayA mahAvIreNaM jAva saMpatteNaM Navamassa aMgassa aNuttarovavAiyadasANaM tao vaggA paNNattA, paDhamassa NaM bhaMte! vaggassa aNuttarovavAiyadasANaM samaNeNaM bhagavayA mahAvIreNaM jAva saMpatteNaM kaI ajjhayaNA paNNattA ? evaM khalu jaMbU ! samaNeNaM bhagavayA mahAvIreNaM jAva saMpatteNaM aNuttarovavAiya- dasANaM paDhamassa vaggassa dasa ajjhayaNA paNNattA, taM jahAjAli-mayAli-uvayAlI, parisaseNe ya vAriseNe ya / dIhadaMte ya laDhadaMte ya, vehalle vehAyase abhae i ya kumAre // jai NaM bhaMte! samaNeNaM bhagavayA mahAvIreNaM jAva saMpatteNaM paDhamassa vagassa dasa ajjhayaNA paNNattA, paDhamassa NaM bhaMte ! ajjhayaNassa samaNeNaM bhagavayA mahAvIreNaM jAva saMpatteNaM ke adve paNNatte ? evaM khalu jaMbU ! teNaM kAleNaM teNaM samaeNaM rAyagihe Nayare, riddhisthimiya samiddhe / guNasilae ceie | seNie rAyA, dhAriNI devI / sIho sumiNe / jAlIkumAro | jahA meho aTThaTThao dAo jAva aNNaM ca vipulaM dhaNa kaNaga-rayaNa-maNimottiya-saMkha-silappavAlarattarayaNa-saMtasAra-sAvaejjaM alAhi jAva AsattamAo kulavaMsAo pakAmaM dAuM, pakAmaM bhottuM, pakAmaM paribhAeuM / tae NaM se jAlIkumAre egamegAe bhAriyAe egamegaM hiraNNakoDiM dalayai, egamegaM suvaNNakoDiM dalayai, jAva egamegaM pesaNakAriM dalayai, aNNaM ca viulaM dhaNakaNaga jAva paribhAeuM dalayai / tae NaM jAlI kumAre uppiM pAsAya varagae jAva mANussae kAmabhoge paccaNubhavamANe viharai /
Page #7
--------------------------------------------------------------------------
________________ aNuttarovavAi sutta sAmI samosaDhe / seNio Niggao | jahA meho tahA jAlI vi Niggao, taheva NikkhaMto jahA meho / ekkArasa aMgAiM ahijjai / guNarayaNaM tavokammaM jahA khaMdagassa | evaM jA ceva khaMdagassa vattavvayA, sA ceva ciMtaNA, ApucchaNA, therehiM saddhiM viulaM pavvayaM taheva durUhai / NavaraM solasa vAsAiM sAmaNNa pariyAgaM pAuNittA kAlamAse kAlaM kiccA uDDhaM caMdimasura jAva NavagevejjayavimANapatthaDe ur3aDhaM duraM vIIvaittA vijaya vimANe devattAe uvvnnnne| tae NaM therA bhagavaMto jAliM aNagAraM kAlagayaM jANittA pariNivvANavattiyaM kAussaggaM kareMti, karittA pattacIvarAiM geNhaMti taheva uttaraMti jeNeva samaNe bhagavaM mahAvIre teNeva uvAgacchaMti, samaNaM bhagavaM mahAvIraM vaMdaMti NamaMsaMti, vaMdittA NamaMsittA evaM vayAsI- evaM khalu devANuppiyANaM aMtevAsI jAlI NAmaM aNagAre pagaibhaddae pagaiviNIe pagaiuvasaMte pagaipayaNukohamANa-mAyA-lobhe miumaddavasaMpaNNe allINe bhaddae viNIe / se NaM devANuppiehi abbhaNuNNAe samANe sayameva paMca mahavvayANi ArovittA, samaNA ya samaNIo ya khAmettA, amhehiM saddhiM vipulaM pavvayaM durUhai, taM ceva NiravasesaM jAva ime ya se aayaarbhNdde| bhaMte! ti bhagavaM goyame samaNaM bhagavaM mahAvIraM vaMdai NamaMsai, vaMdittA NamaMsittA evaM vayAsIevaM khalu devANuppiyANaM aMtevAsI jAlI NAmaM aNagAre pagaibhaddae jAva viNIe, se NaM jAlI aNagAre kAlagae kahiM gae, kahiM uvavaNNe? evaM khalu goyamA ! mamaM aMtevAsI jAlI NAmaM aNagAre pagaibhaddae jAva viNIe mama abbhaNuNNAe samANe sayameva paMca mahavvayAiM AruhettA, taM ceva savvaM avasesiyaM NeyavvaM, jAva kAlagae uDDhaM caMdima sUra- gahagaNa- Nakkhatta- tArArUvANaM bahUI joyaNAI, bahUiM joyaNasayAI, bahUiM joyaNasahassAiM, bahUiM joyaNasayasahassAI, bahUI joyaNakoDIo, bahUiM joyaNakoDAkoDIo uDDhaM dUraM uppaittA sohammIsANasaNaMkumAra mAhiMdabaMbhalaMtagamahAsukkasahassArANaya-pANayAraNaccue tiNNi ya aTThArasuttare gevejja vimANAvAsasae vIIvaittA vijae mahAvimANe devattAe uvavaNNe / jAlissa NaM bhaMte ! devassa kevaiyaM kAlaM ThiI paNNattA ? goyamA ! battIsaM sAgarovamAiM ThiI paNNattA / se NaM bhaMte ! tAo devaloyAo AukkhaeNaM, bhavakkhaeNaM, ThiikkhaeNaM kahiM gacchihii, kahiM uvavajjihii? goyamA ! mahAvidehe vAse sijjhihii / ___ evaM khalu jaMbU samaNeNaM bhagavayA mahAvIreNaM jAva saMpatteNaM aNuttarovavAiyadasANaM paDhamassa vaggassa paDhamassa ajjhayaNassa ayamaDhe pnnnntte| // paDhamaM ajjhayaNaM samattaM //
Page #8
--------------------------------------------------------------------------
________________ aNuttarovavAi sutta paDhamo vaggo 2-10 ajjhayaNANi mayAlipabhii 1 evaM sesANaM vi NavaNhaM bhANiyavvaM / NavaraM satta dhAriNisuA, vehalla- vehAyasA cellaNAe | abhao NaMdAe / AillANaM paMcaNhaM solasa vAsAiM sAmaNNapariyAo | tiNhaM bArasa vAsAiM / doNhaM paMca vAsAiM / AillANaM paMcaNhaM ANupuvvIe uvavAo vijae vejayaMte jayaMte aparAjie savvaTThasiddhe / dIhadaMte savvaTThasiddhe / ukkameNaM sesA | abhao vijae | sesaM jahA paDhame / evaM khalu jaMbU ! samaNeNaM bhagavayA mahAvIreNaM jAva saMpatteNaM aNuttarovavAiya dasANaM paDhamassa vaggassa ayamaDhe paNNatte / // paDhamo vaggo samatto || bIo vaggo 1-13 ajjhayaNANi dIhaseNAhi jar3a NaM bhaMte ! samaNeNaM bhagavayA mahAvIreNaM jAva saMpatte bavAiyadasANaM paDhamassa vaggassa ayamaDhe paNNatte, doccassa NaM bhaMte ! vaggassa aNuttarovavAiyadasANaM samaNeNaM bhagavayA mahAvIreNaM jAva saMpatteNaM ke aDhe paNNatte ? evaM khalu jaMbU ! samaNeNaM bhagavayA mahAvIreNaMjAva saMpatteNaM aNuttarovavAiya-dasANaM doccassa vaggassa terasa ajjhayaNA paNNattA / taM jahAdIhaseNe mahAseNe, laTThadaMte ya gUDhadaMte ya suddhadaMte ya / halle dume dumaseNe, mahAdumaseNe ya Ahie || sIhe ya sIhaseNe ya, mahAsIhaseNe ya Ahie / puNNaseNe ya bodhavve, terasame hoi ajjhayaNe //
Page #9
--------------------------------------------------------------------------
________________ M aNuttarovavAi sutta jai NaM bhaMte! samaNeNaM bhagavayA mahAvIreNaM jAva saMpatteNaM aNuttarovavAiyadasANaM doccas vaggassa terasa ajjhayaNA paNNattA, paDhamassa NaM bhaMte! ajjhayaNassa samaNeNaM bhagavayA mahAvIreNaM jAva saMpatteNaM ke aTThe pnnnntte| evaM khalu jaMbU ! teNaM kAleNaM teNaM samaeNaM rAyagihe Nayare, guNasilae ceie / seNie rAyA / dhAriNI devii| sIho sumiNe / jahA jAlI tahA jammaM, bAlattaNaM, kalAo / varaM haseAmaM kumAre / sacceva vattavvayA jahA jAlissa jAva aMtaM kAhi / evaM terasa vi rAyagihe / seNio piyA / dhAriNI mAyA terasahaM vi solasa vAsA pariyAo / ANupuvvIe vijae doNNi, vejayaMte doNNi, jayaMte doNNi, aparAjie doNNi, sesA mahAdumaseNamAI paMca savvaTThasiddhe / 3 evaM khalu jaMbU ! samaNeNaM bhagavayA mahAvIreNaM jAva saMpatteNaM aNuttarova- vAiyadasANaM doccassa vaggassa ayamaTThe paNNatte / mAsiyAe saMlehaNAe dosu vi vaggesu / // bIo vaggo samattaM // taio vaggo paDhama ajjhayaNaM dhaNNo bhaMte ! samaNeNaM bhagavayA mahAvIreNaM jAva saMpatteNaM aNuttarovavAiyadasANaM doccassa vaggassa ayamaTThe paNNatte, taccassa NaM bhaMte ! vaggassa aNuttarovavAiyadasANaM samaNeNaM bhagavayA mahAvIreNaM jAva saMpatteNaM ke aTThe paNNatte ? evaM khalu jaMbU! samaNeNaM bhagavayA mahAvIreNaM jAva saMpatteNaM aNuttarovavAiya- dasANaM taccassa vaggassa dasa ajjhayaNA paNNattA / taM jahAdhaNeya suNakkhatte ya, isidAse a Ahie / pellae rAmaputte ya, caMdimA piTThimA i ya // peDhAlaputte aNagAre, Navame poTTile vi ya / vehalle dasame vutte, ime ya dasa AhiyA // jai NaM bhaMte ! samaNeNaM bhagavayA mahAvIreNaM jAva saMpatteNaM aNuttarovavAiya-dasANaM taccassa vaggassa dasa ajjhayaNA paNNattA, paDhamassa NaM bhaMte ! ajjhayaNassa samaNeNaM bhagavayA mahAvIreNaM jAva saMpatteNaM ke aTThe paNNatte? 4
Page #10
--------------------------------------------------------------------------
________________ aNuttarovavAi sutta 2 evaM khalu jaMbU ! teNaM kAleNaM teNaM samaeNaM kAkaMdI NAmaM NayarI hotthA, riddhisthimiyasamiddhA / sahassaMbavaNe ujjANe savvouya puppha-phala- samiddhe / jiyasattU rAyA / tattha NaM kAkaMdIe NayarIe bhaddA NAmaM satthavAhI parivasai / ar3aDhA dittA vittA vitthiNNa-viula-bhavaNa-sayaNAsaNa-jANavAha jAyarUva-rayayA Aoga-paogasaMpauttAvicchaDDiya-paura-bhattapANA bahudAsI- dAsa- go-mahisa- gavelaga ppabhUyA bahujaNassa aparibhUyA | tIse NaM bhaddAe satyavAhIe putte dhaNNe NAmaM dArae hotthA / ahINa paMciMdiyasarIre lakkhaNa-vaMjaNa-guNovave emANummANapamANapaDipuNNa sujAyasavvaMga suMdaraMge sasisomAkAre kaMte piyadaMsaNe surUve paMcadhAIparigahie, jahA mahabbalo tahA dhaNNaM kumAraM ammApiyaro sAtiregaTThavAsajAyaM sohaNaMsi tihikaraNaNakkhatta muhattaMsi kalAyariyassa uvaNeti / tae NaM se kalAyarie dhaNNaM kumAraM lehAiyAo gaNiyappahANAo sauNarutapajjavasANAo bAvattariM kalAo suttao ya atthao ya karaNao ya sehAvei, sikkhAvei / taM jahA(1) leha (2) gaNiyaM (3) evaM (4) NaTuM (5) gIyaM (6) vAiyaM (7) saragayaM (8) pokkharagayaM (9) samatAlaM (10) jUyaM (11) jaNavAyaM (12) pAsayaM (13) aTThAvayaM (14) porekaccaM (15) dagamaTTiyaM (16) aNNavihiM (17) pANavihiM (18) vatthavihiM (19) vilevaNavihiM (20) sayaNavihiM (21) ajjaM (22) paheliyaM (23) mAgahiyaM (24) gAhaM (25) gIiyaM (26) siloyaM (27) hiraNNajuttiM (28) suvaNNajuttiM (29) cuNNajuttiM (30) AbharaNavihiM (31) taruNIpaDikammaM (32) itthilakkhaNaM (33) purisa lakkhaNaM (34) hayalakkhaNaM (35) gayalakkhaNaM (36) goNalakkhaNaM (37) kukkuDalakkhaNaM (38) chattalakkhaNaM (39) daMDalakkhaNaM (40) asilakkhaNaM (41) maNilakkhaNaM (42) kAgaNilakkhaNaM (43) vatthuvijjaM (44) khaMdhAramANaM (45) NagaramANaM (46) vUhaM (47) paDivUhaM (48) cAraM (49) paDicAraM (50) cakkavUhaM (51) garulavUhaM (52) sagaDavUhaM (53) juddhaM (54) NijuddhaM (55) juddhAtijuddhaM (56) advijuddhaM (57) muTThijuddhaM (58) bAhujuddhaM (59) layAjuddhaM (60) IsatthaM (61) charuNNavAyaM (62) dhaNuvveyaM (63) hiraNNapAgaM (64) suvaNNapAgaM (65) suttakheDaM (66) vaTTakheDaM (67) NAliyAkheDaM (68) pattacchejjaM (69) kaDagacchejjaM (70) sajIvaM (71) NijjIvaM (72) sunnrutN| tae NaM dhaNNe kumAre bAvattarikalApaMDie NavaMgasuttapaDibohie aTThArasavihadesippagArabhAsAvisArae gIyaraI gaMdhavvaNaTTakusale hayajohI gayajohI rahajohI bAhujohI bAhuppamaddI alaM bhogasamatthe jAe yAvi hotthA / / tae NaM sA bhaddA satthavAhI dhaNNaM dArayaM ummukkabAlabhAvaM viNNAya pariNayamittaM jovvaNagamaNupattaM bAvattarikalApaMDiyaM NavaMgasuttapaDibohayaM aTThArasavihadesippagAra bhAsAvisArayaM gIyaraiM gaMdhavva-NaTTa-kusalaM siMgArAgAra cAruvesaM saMgayagaya-hasiya- bhaNiyaciTThiya-vilAsa- NiuNajuttovayArakusalaM hayajohiM gayajohiM rahajohiM bAhujohiM bAhuppamadi
Page #11
--------------------------------------------------------------------------
________________ aNuttarovavAi sutta | 7 alaM bhogasamatthaM yAvi jANittA battIsaM pAsAya vaDiMsae kArei, abbhugayamUsie pahasie viva maNikaNagarayaNabhatticitte vAudbhUyavijaya vejayaMtipaDAgAchattAicchattakalie, tuMge, gagaNatalamabhilaMghamANasihare, jAlaMtara rayaNa paMjarummilliyavva maNikaNagathubhiyAe, viyasiya sayapattapuMDarIe tilaya rayaNaddha- caMdaccie NANAmaNimayadAmAlaMkie, aMto bahiM ca saNhe tavaNijja ruila vAluyApatthaDe, suhaphAse sassirIyarUve pAsAdIe jAva paDirUve | tesiM majjhe egaM bhavaNaM aNegakhaMbhasayasaNNiviTuM lIlaTThiyasAlabhaMjiyAge abbhuggayasukayavairaveiyAtoraNavararaiyasAlabhaMjiyAsusiliTThavisiThThalaTThasaMThiyapasattha veruliyakhaMbhaNANAmaNikaNagarayaNakhacitaujjalaM bahasamasavibhattaNiciyaramaNijja bhamibhAgaM IhAmiya jAva bhatticittaM khaMbhuggayavaira veiyAparigayAbhirAmaM vijjAharajamala juyalajuttaM accIsahassa mAlINIyaM pivaM rUvagasahassakaliyaM bhisamANaM bhibbhisamANaM cakkhulloyaNalesaM suhaphAsaM sassirIyarUvaM kaMcaNamaNirayaNathUbhiyAgaM NANAviha paMcavaNNa ghaMTApaDAgaparimaMDiyaggasiharaM dhavalamarIcikavayaM viNimmayaMta lAulloiyamahiyaM jAva gaMdhavaTTibhUyaM pAsAdIyaM darisaNijjaM abhirUvaM paDirUvaM / tae NaM sA bhaddA satthavAhI taM dhaNNaM dArayaM battIsAe ibbhavarakaNNagANaM egadivaseNaM pANiM gehAvei / battIsao dAo / taM jahA- battIsaM hiraNNakoDIo, battIsaM suvaNNakoDINo, battIsaM mauDe mauDappavare, battIsa kuMDalajuyale kuMDalajuyalappavare, battIsaM hAre hArappavare, battIsaM addhahAre addhahArappavare, battIsaM egAvalIo egAvalippavarAo, evaM muttAvalIo, evaM kaNagAvalIo, evaM rayaNAvalIo, battIsaM kaDagajoe kaDagajoyappavare, evaM tuDiyajoe, battIsaM khomajuyalAiM khomajuyalappavarAiM, evaM paDagajuyalAiM, evaM paTTajuyalAiM evaM dugullajuyalAiM, battIsaM sirIo, battIsaM hirIo, evaM dhiIo, kittIo buddhIo, lacchIo, battIsaM NaMdAiM, battIsaM bhaddAiM, battIsaM tale talappavare savvarayaNAmae, battIsaM NagaravarabhavaNakeU, battIsaM jhae jhayappavare, battIsaM vaye vayappavare dasagosAha- ssieNaM vaeNaM, battIsaM NADagAiM NADagappavarAI battIsaibaddheNaM NADaeNaM, battIsaM Ase Asappavare savvarayaNAmae sirigharapaDirUvae, battIsaM hatthI hatthippavare savvarayaNAmae sirigharapaDirUvae, battIsaM jANAiM jANappavarAI, battIsaM jugAiM jugappavarAI, evaM siviyAo, evaM saMdamANIo, evaM gillIo thillIo, battIsaM viyaDajANAI viyaDajANappavarAI, battIsaM rahe pArijANie, battIsaM rahe saMgAmie, battIsaM Ase Asappavare, battIsaM hatthI hatthipavare, battIsaM gAme gAmappavare dasakulasAhassieNaM gAmeNaM, battIsaM dAse dAsappavare, evaM ceva dAsIo, evaM kiMkare, evaM kaMcuijje, evaM varisadhare, evaM mahattarae, battIsaM sovaNNie olaMbaNadIve, battIsaM ruppAmae olaMbaNadIve, battIsaM savaNNaruppAmae olaMbaNadIve, battIsaM sovaNNie ukkaMcaNadIve, battIsaM paMcaradIve, evaM ceva tiNNi vi, battIsaM sovaNNiya thAle, battIsaM ruppamae thAle, battIsaM suvaNNaruppamae thAle, battIsaM sovaNNiyAo pattIo 3, battIsaM sovaNNiyAI thAsayAiM 3, battIsaM sovaNiyADaM mallagADaM 3. battIsaM sovaNiyAo taliyAo 3. battIsaM sovaNiyAo
Page #12
--------------------------------------------------------------------------
________________ aNuttarovavAi sutta kAvaiyAo 3, battIsaM sovaNNie avaeDae 3, battIsaM sovaNiyAo avayakkAo 3, battIsaM sovaNNie pAyapIDhae 3, battIsaM sovaNNiyAo bhisiyAo 3, battIsaM sovaNiyAo karoDiyAo 3, battIsaM sovaNNie pallaMke 3, battIsaM sovaNiyAo paDisejjAo 3, battIsaM haMsAsaNAiM, battIsaM koMcAsaNAiM, evaM garulAsaNAI, uNNayAsaNAiM, paNayAsaNAI, dIhAsaNAI, bhaddAsaNAI, pakkhAsaNAI, magarAsaNAI, battIsaM paumAsaNAI, battIsaM disAsovatthiyAsaNAI, battIsaM tellasamugge, jahA rAyappaseNaijje, jAva battIsaM sarisavasamagge, battIsaM khujjAo (jahA uva- vAie) jAva battIsaM pArisIo, battIsaM chatte, battIsaM chattadhAriNIo ceDIo, battIsaM cAmarAo, battIsaM cAmaradhAriNIo ceDIo, battIsaM tAliyaMTe, battIsaM tAliyaMTadhAriNIo ceDIo, battIsaM karoDiyAo, battIsaM karoDiyAdhAriNIo ceDIo, battIsaM khIradhAIo jAva battIsaM aMkadhAIo, battIsaM aMgamaddiyAo, battIsaM ummadiyAo, battIsaM pahAviyAo, battIsaM pasAhiyAo, battIsaM vaNNagapesIo, battIsaM cuNNagapesIo, battIsaM kIDAkArIo, battIsaM davakArIo, battIsaM uvatthANiyAo, battIsaM NADaijjAo, battIsaM koDubiyaNIo, battIsaM mahANasiNIo, battIsaM bhaMDArINIo, battIsaM ajjhAdhAriNIo, battIsaM papphadhAraNIo, battIsaM pANidhAraNIo, battIsaM balikArIo, battIsaM sejjAkArIo, battIsaM abhiMtariyAo paDihArIo, battIsaM bAhiriyAo paDihArIo, battIsaM mAlAkArIo, battIsaM pesaNakArIo, aNNaM vA subaha hiraNNaM vA suvaNNaM vA kaMsaM vA dUsaM vA viulaM dhaNa kaNaga0 jAva saMtasArasAvaejja, alAhi jAva AsattamAo kulavaMsAo pakAmaM dAuM, pakAma bhottuM, pakAmaM paribhAeuM / tae NaM se dhaNNe kumAre egamegAe bhajjAe egamegaM hiraNNakoDiM dalayai jAva egamegaM pesaNakAriM dalayai, aNNaM vA subahuM hiraNNaM vA jAva paribhAeuM / tae NaM se dhaNNe kumAre upi pAsAya varagae jAva mANussae kAmabhoge bhuMjamANe viharai / teNaM kAleNaM teNaM samaeNaM samaNe bhagavaM mahAvIre jAva samosaDhe | parisA NiggayA | rAyA jahA koNio tahA jiyasatta Niggao | tae NaM tassa dhaNNassa taM ceva jahA jamAlI tahA Niggao | NavaraM pAyacAreNaM jAva pajjavAsai / tae NaM samaNe bhagavaM mahAvIre dhaNNassa kumArassa tIse ya mahaimahAliyAe isi parisAe jAva dhamma parikahei / parisA paDigayA / tae NaM dhaNNe kumAre samaNassa bhagavao mahAvIrassa aMtie dhamma soccA, Nisamma haTThatuTTha jAva hiyae, uTThAe udvei udvettA samaNaM bhagavaM mahAvIraM tikkhutto AyAhiNaM payAhiNaM karei karettA vaMdai NamaMsai vaMdittA NamaMsittA evaM vayAsIsaddahAmi NaM bhaMte ! NiggaMthaM pAvayaNaM / pattiyAmi NaM bhaMte ! NiggaMthaM pAvayaNaM / roemi NaM bhaMte ! NiggaMthaM pAvayaNaM / abbhuTemi NaM bhaMte ! NiggaMthaM pAvayaNaM / evameyaM bhaMte ! tahameyaM bhaMte ! avitahameyaM bhaMte ! asaMdiddhameyaM bhaMte ! jAva se jaheyaM tabbhe vayaha, jaM NavaraM |
Page #13
--------------------------------------------------------------------------
________________ aNuttarovavAi sutta an ammayaM bhadaM satthavAhiM ApucchAmi / tae NaM ahaM devANuppiyANaM aMtie muMDe bhavittA agArAo aNagAriyaM pavvayAmi / ahAsuhaM devANuppiyA ! mA paDibaMdhaM kareha / 10 tae NaM se dhaNNe kumAre samaNeNaM bhagavayA mahAvIreNaM evaM vutte samANe hadva-tuDhe samaNaM bhaga vaM mahAvIraM tikkhutto vaMdai NamaMsai vaMdittA NamaMsittA, jAva jeNeva ammayAo teNeva uvAgacchaDa, uvAgacchittA ammayAo jaeNaM vijaeNaM vaddhAveDa jaeNaM vijaeNaM vaddhAvittA evaM vayAsI- evaM khalu ammayAo! mae samaNassa bhagavao mahAvIrassa aMtiyaM dhamme NisaMte, se vi ya me dhamme icchie, paDicchie, abhiruie / tae NaM dhaNNaM kumAraM ammayAo evaM vayAsI- dhaNNesi NaM tumaM jAyA, kayatthesi NaM tumaM jAyA, kayapuNNesi NaM tumaM jAyA, kayalakkhaNesi NaM tumaM jAyA, jaM NaM tume samaNassa bhagavao mahAvIrassa aMtiyaM dhamme NisaMte, se vi ya dhamme icchie, paDicchie, abhiruie | taeNaM se dhaNNekumAre ammayAo doccaMpi evaM vayAsI- evaM khalu ammayAo! mae samaNassa bhagavao mahAvIrassa aMtie dhamme NisaMte jAva abhi- ruie / tae NaM ahaM ammayAo ! saMsArabhauvvigge, bhIe jamma-jarA- maraNeNaM, taM icchAmi NaM ammayAo ! tubbhehiM abbhaNaNNAe samANe samaNassa bhagavao mahAvIrassa aMtiyaM muMDe bhavittA agArAo aNagAriyaM pavvaittae / tae NaM sA dhaNNassa kumArassa mAyA taM aNiTuM, akaMtaM, appiyaM amaNuNNaM amaNAma, asuyapuvvaM pharusaM giraM soccA mucchiyA jAva royamANI, kaMdamANI, tippamANI, soyamANI, vilavamANI dhaNNaM kumAraM evaM vayAsI- tuma si NaM jAyA ! amhaM iTe, kaMte, pie, maNNuNe, maNAme, thejje, vesAsie, sammae, aNumae, bamae bhaMDakaraMDagasamANe rayaNe rayaNabhUe, jIviyaussAse hiyayaNaMdijaNaNe uMbarapupphamiva dullahe savaNayAe kimaMga puNa pAsaNasAe ! taM No khalu jAyA ! amhe icchAmo tubbhaM khaNamavi vippaogaM sahittae, taM acchAhi tAva jAyA ! jAva tAva amhe jIvAmo, tao pacchA amhehiM kAlagaehiM samANehiM pariNayavaye, vaDDhiyakulavaMsa- taMtukajjammi Niravayakkhe samaNassa bhagavao mahAvIrassa aMtiyaM muMDe bhavittA agArAo aNagAriyaM pavvaihisi / tae NaM dhaNNe kumAre ammayaM evaM vayAsI- taheva NaM taM ammayAo ! jaM NaM tubbhe mamaM evaM vayaha- tumaM si NaM jAyA ! amhaM iDhe kaMte jAva pavvaihisi / evaM khalu ammayAo ! mANussae bhave aNegajAi-jarA- maraNa-roga sArIramANasa pakAmadukkha-veyaNa-vasaNasaovaddavAbhibhUe, adhuve, aNiie, asAsae saMjjhabbha- rAgasarise, jalabubbuyasamANe, kusaggajalabiMdusaNNibhe, suviNagadaMsaNovame, vijju- layAcaMcale, aNicce, saDaNapaDaNaviddhaMsaNadhamme, puvviM vA pacchA vA avassa vippa- jahiyavve bhavissai, se kesa NaM jANai ammayAo ! ke puvviM gamaNayAe, ke pacchA gamaNayAe ? taM icchAmi NaM ammayAo ! tubbhehiM abbhaNuNNAe samANe samaNassa bhagavao mahAvIrassa aMtiyaM muMDe bhavittA agArAo aNagAriyaM pavvaittae |
Page #14
--------------------------------------------------------------------------
________________ aNuttarovavAi sutta 11 13 tae NaM taM dhaNNaM kumAraM bhaddA satthavAhI jAhe No saMcAei jAva jiyasattuM Apucchai / icchAmi NaM devANuppiyA ! dhaNNassa dArayassa NikkhamamANassa chatta-mauDa-cAmarAo ya vidinnnnaao| tae NaM jiyasattU rAyA bhaI satyavAhiM evaM vayAsI- acchAhi NaM tumaM devANuppie ! suNivuttavIsatthA, ahaNNaM sayameva dhaNNassa dArayassa NikkhamaNasakkAraM karissAmi | sayameva jiyasattU NikkhamaNaM karei, jahA thAvaccAputtassa kaNho / tae NaM dhaNNe dArae sayameva paMcamuTThiyaM loyaM karei jAva pavvaie | tae NaM dhaNNe dArae aNagAre jAe IriyAsamie jAva guttabaMbhayArI | tae NaM se dhaNNe aNagAre jaM ceva divase muMDe bhavittA agArAo aNagAriyaM pavvaie, taM ceva divasaM samaNaM bhagavaM mahAvIraM vaMdai NamaMsai vaMdittA NamaMsittA evaM vayAsI- icchAmi NaM bhaMte ! tubbhehiM abbhaNuNNAe samANe jAvajjIvAe chaTuM chaTeNaM aNikkhitteNaM AyaMbilapariggahieNaM tavokammeNaM appANaM bhAvemANe viha- rittae / chahassa vi ya NaM pAraNayaMsi kappar3a me AyaMbilaM paDigAhettae No ceva NaM aNAyaMbilaM / taM pi ya saMsaTuM No ceva NaM asaMsaTuM / taM pi ya NaM ujjhiyadhammiyaM No ceva NaM Najjhiya dhammiyaM / taM pi ya jaM aNNe bahave samaNa mAhaNa atihi- kivaNa vaNImagA NAvakhaMti | ahAsuhaM devANuppiyA ! mA paDibaMdhaM kareha / tae NaM se dhaNNe aNagAre samaNeNaM bhagavayA mahAvIreNaM abbhaNuNNAe samANe haTTha-tuDhe jAvajjIvAe chaTuM chaTeNaM aNikkhitteNaM tavokammeNaM appANaM bhAvemANe viharai / tae NaM se dhaNNe aNagAre paDhamachaTThakhamaNapAraNayaMsi paDhamAe porisIe sajjhAyaM karei / bIyAe porisIe jhANaM jhiyAyai, taiyAe porisIe aturiyamacavalamasaMbhaMte muhapottiyaM paDilehei, paDilehittA bhAyaNAI vatthAiM paDilehei paDilehittA, bhAyaNAI pamajjar3a pamajjittA, bhAyaNAiM uggahei uggahittA, jeNeva samaNe bhagavaM mahAvIre teNeva uvAgacchai, uvAgacchittA samaNaM bhagavaM mahAvIraM vaMdai NamaMsai, vaMdittA NamaMsittA evaM vayAsI- icchAmi NaM bhaMte! tubbhehiM abbhaNuNNAe chaTThakkhamaNa-pAraNagaMsi kAkaMdIe NayarIe ucca-NIya- majjhimAiM kulAiM gharasamudANassa bhikkhAyariyAe aDittae | ahAsuhaM devANuppiyA mA paDibaMdhaM kareha / 16 tae NaM dhaNNe aNagAre samaNeNaM bhagavayA mahAvIreNaM abbhaNaNNAe samANe samaNassa bhagavao mahAvIrassa aMtiyAo sahasaMbavaNAo ujjANAo paDiNikkhamai, paDiNikkhamittA aturiyamacavalamasaMbhaMte jugaMtarapaloyaNAe diTThIe purao riyaM sohamANe sohamANe jeNeva kAkaMdI NagarI teNeva uvAgacchai, uvAgacchittA kAkaMdIe NayarIe ucca NIya-majjhimAI kulAiM gharasamudANassa bhikkhAyariyaM aDamANe AyaMbilaM, paDigAhei No aNAyaMbilaM jAva NAvakaMkhaMti / tae NaM se dhaNNe aNagAre tAe abbhaNuNAe payayAe payattAe paggahiyAe esaNAe esamANe jai bhattaM labhai, to pANaM Na labhai, aha pANaM labhai to bhattaM Na labhai /
Page #15
--------------------------------------------------------------------------
________________ aNuttarovavAi sutta tae NaM se dhaNNe aNagAre adINe avimaNe akaluse avisAdI aparitaMtajogI jayaNaghaDaNajogacaritte ahApajjattaM samudANaM paDigAhei / paDigAhittA kAkaMdIo NayarIo paDiNikkhamai paDiNikkhamittA jeNeva samaNe bhagavaM mahAvIre teNeva uvAgacchai, uvAgacchittA samaNassa bhagavao mahAvIrassa adUrasAmaMte gamaNAgamaNAe paDikkamai esaNamaNesaNaM AloeDa, AloettA bhattapANaM paDidaMsei / tae NaM se dhaNNe aNagAre samaNeNaM bhagavayA mahAvIreNaM abbhaNuNNAe samANe amucchie agiddhe agaDhie aNajjhovavaNNe bilamiva paNNagabhUeNaM appANeNaM AhAraM AhArei AhArittA saMjameNa tavasA appANaM bhAvemANe viharai / tae NaM samaNe bhagavaM mahAvIre aNNayA kayAi kAkaMdIo NagarIo sahasaMbavaNAo ujjANAo paDiNikkhamai / paDiNikkhamittA bahiyA jaNavaya vihAraM viharai / tae NaM se dhaNNe aNagAre samaNassa bhagavao mahArIrassa tahArUvANaM therANaM aMtie sAmAiyamAiyAI ekkArasa aMgAI ahijjai / ahijjittA saMjameNaM tavasA appANaM bhAvemANe viharai / tae NaM se dhaNNe aNagAre teNaM urAleNaM viuleNa payatteNaM paggahieNaM kallANeNaM siveNaM dhaNNeNaM maMgalleNaMsassirIeNaM udaggeNaM udatteNaM uttameNaM udAreNaM mahANubhAgeNaM tavokammeNaM sukke lukkhe Nimmase advicammAvaNaddhe kiDikiDiyAbhUe kise dhamaNisaMtae jAe yAvi hotthA, jIvaMjIveNaM gacchar3a, jIvaMjIveNa ciTThai, bhAsaM bhAsittA vi gilAi, bhAsaM bhAsamANe gilAi, bhAsissAmIti gilAyai / se jahANAmae kaTThasagaDiyA i vA pattasagaDiyA ivA patta tila bhaMDaga sagaDiyA i vA eraMDakaTThasagaDiyA i vA iMgAlasagaDiyA i vA uNhe diNNA sukkA samANI sasadaM gacchai, sasaI ciTThai, evAmeva dhaNNe vi aNagAre sasaI gacchai, sasaI ciTThai, uvacie taveNaM, avacie maMsa-soNieNaM, huyAsaNe viva bhAsarAsi paDicchaNNe, taveNaM, teeNaM, tava-teyasirIe aIva aIva uvasobhemANe uvasobhemANe ciTThai / dhaNNassa NaM aNagArassa pAyANaM ayameyArUve tavarUvalAvaNNe hotthA- se jahANAmae sakkachallI i vA kadvapAuyA i vA jaragga ovAhaNA ivA, evAmeva dhaNNassa aNagArassa pAyA sukkA lukkhA NimmaMsA advicammachirattAe paNNAyaMti, No ceva NaM maMsasoNiyattAe / dhaNNassa NaM aNagArassa pAyaMguliyANaM ayameyArUve tavarUvalAvaNNe hotthA- se jahANAmae kalasaMgaliyA i vA maggasaMgaliyA i vA mAsasaMgaliyA i vA, taruNiyA chiNNA, uNhe diNNA, sakkA samANI milAyamANI ciTThai, evAmeva dhaNNassa pAyaMgaliyAo sakkAo lukkhAo NimmaMsAo aTThicammachirattAe paNNAyaMti, No ceva NaM maMsa soNiyattAe | dhaNNassa NaM aNagArassa jaMghANaM ayameyArUve tavarUvalAvaNNe hotthA-se jahAnAmae kAkajaMghA i vA, kaMka jaMghA i vA, DheNiyAliyAjaMghA i vA evAmeva dhaNNassa aNagArassa jaMghAo sukkAo lukkhAo NimmaMsAo aTThicammachirattAe paNNAyaMti, No ceva NaM maMsa soNiyattAe / 10
Page #16
--------------------------------------------------------------------------
________________ 20 21 aNuttarovavAi sutta dhaNNassa NaM aNagArassa jANUNaM ayameyAruve tavarUvalAvaNNe hotthA se jahANAmae kAlipore i vA mayUrapore i vA DheNiyAliyApore i vA evAmeva dhaNNassa aNagArassa jANU sukkA lukkhA NimmaMsA aDicammachirattAe paNNAyaMti, No ceva NaM maMsa soNiyattAe / dhaNNassa NaM aNagArasasa Urussa ayameyAruve tavaruvalAvaNNe hotthA se jahANAmae sAmakarille i vA borakarille i vA sallaikarille i vA sAmalikarille i vA taruNie uhe diNe, sukke samANe milAyamANe ciTThai, evAmeva dhaNNassa aNagArassa UrU sukkA lakkhA NimmaMsA aTThicammachirattAe paNNAyaMti, No ceva NaM maMsa soNiyattAe / dhaNNassa NaM aNagArassa kaDipattassa imeyArUve tavarUva lAvaNNe hotthA se jahANAma uTTapAde i vA jaraggavapAe i vA, mahisapAe i vA evAmeva jAva No ceva NaM maMsa soNiyattAe / se dhaNNassa NaM aNagArassa uyarabhAyaNassa imeyArUve tava rUva lAvaNNe hotthAjahANAmae sukka die (dIvie) i vA bhajjaNaya kabhalle i vA kaTThakolaMbae i vA evAmeva jAva No ceva NaM maMsa soNiyattAe | dhaNNassa NaM aNagArassa pAsuliya kaDyANaM imeyArUve tavaruva lAvaNNe hotthA se jahANAmae thAsayAvalI ivA, pANAvalI ivA, muMDAvalI i vA evAmeva jAva No ceva NaM maMsa soNiyattAe / dhaNNassa NaM aNagArassa piTThi-karaMDayANaM imeyArUve tavarUva lAvaNNe hotthA se jahA NAmae kaNNAvalI i vA golAvalI i vA vaTTayAvalI i vA evAmeva jAva No ceva NaM maMsa soNiyattA | dhaNNassa NaM aNagArassa urakaDayassa imeyAruve tavarUva lAvaNNe hotthA se jahA NAmae cittakaTTare i vA vIyaNapatte i vA tAliyaMTapatte i vA evAmeva jAva No ceva NaM maMsa soNiyattA | dhaNNassa NaM aNagArassa bAhANaM imeyAruve tavarUva lAvaNNe hotthA se jahANAmae samisaMgaliyA i vA bAhAyAsaMgaliyA i vA, agatthiyasaMgaliyA i vA, evAmeva jAva No ceva NaM maMsa soNiyattAe / dhaNNassa NaM aNagArassa hatthANaM imeyArUve tavarUva lAvaNNe hotthA se jahANAmae sukkagaNiyA i vA vaDapatte i vA palAsapatte i vA evAmeva jAva No ceva NaM maMsa soNiyattAe / " dhaNNassa NaM aNagArassa hatthaMguliyANaM imeyArUve tavarUva lAvaNNe hotthA- se jahANAmae kalasaMgaliyA ivA, muggasaMgaliyA i vA mAsasaMgaliyA i vA taruNiyA chiNNA Ayave diNNA sukkA samANI milAyamANI ciTThati evAmeva jAva No ceva NaM maMsa soNiyattAe / 22 dhaNNassa NaM aNagArassa gIvAe imeyArUve tavarUva lAvaNNe hotthA se jahANAmae karagagIvA ivA, kuMDiyAgIvA i vA uccaTThavaNae i vA evAmeva jAva No ceva NaM maMsa soNiyattAe / 11
Page #17
--------------------------------------------------------------------------
________________ aNuttarovavAi sutta dhaNNassa NaM aNagArassa haNuyAe imeyArUve tavarUva lAvaNNe hotthA- se jahANAmae lAuyaphale i vA, hakuvaphale i vA, aMbagaTThiyA i vA, Ayave diNNA sukkA samANI milAyamANI ciTuMti, evAmeva jAva No ceva NaM maMsa soNiyattAe / dhaNNassa NaM aNagArassa uTThANaM imeyArUve tavarUva lAvaNNe hotthA-se jahANAmae sukkajaloyA i vA, silesaguliyA i vA, alattaguliyA i vA, evAmeva jAva No ceva NaM maMsa soNiyattAe / dhaNNassa NaM aNagArassa jibbhAe imeyArUve tavarUva lAvaNNe hotthA- se jahANAmae vaDapatte i vA, palAsapatte i vA, sAgapatte i vA, evAmeva jAva No ceva NaM maMsa soNiyattAe / dhaNNassa NaM aNagArassa NAsAe imeyArUve tavarUva lAvaNNe hotthA- se jahANAmae aMbapesiyA i vA, aMbADagapesiyA i vA, mAuliMgapesiyA i vA taruNiyA chiNNA, sukkA samANI milAyamANI ciTuMti, evAmeva jAva No ceva NaM maMsa soNiyattAe / dhaNNassa NaM aNagArassa acchINaM imeyArUve tavarUva lAvaNNe hotthA- se jahANAmae vINAchidde i vA, vaddhIsagachidde i vA, pabhAiyatArigA i vA evAmeva jAva No ceva NaM maMsa soNiyattAe / dhaNNassa NaM aNagArassa kaNNANaM imeyArUve tavarUva lAvaNNe hotthA- se jahANAmae mUlAchalliyA i vA, vAluMkachalliyA i vA kArellayachalliyA i vA, evAmeva jAva No ceva NaM maMsa soNiyattAe / dhaNNassa NaM aNagArassa sIsassa imeyArUve tavarUva lAvaNNe hotthA- se jahANAmae taruNagalAue i vA, taruNagaelAlae i vA, siNhAlae i vA taruNae chiNNe, Ayave diNNe, sukke samANe milAyamANe ciTThai, evAmeva dhaNNassa aNagArassa sIsaM sukkaM lukkhaM NimmaMsaM aTThi-camma-chirattAe paNNAyai, No ceva NaM maMsaM-soNiyattAe / evaM savvattha NavaraM uyara-bhAyaNa-kaNNa-jIhA-uTThA eesiM aTThI Na bhaNNai, camma-chirattAe paNNAyai ti bhaNNai / dhaNNe NaM aNagAre sukkeNaM bhukkheNaM lukkheNaM pAyajaMghoruNA, vigayataDi- karAleNaM kaDikaDAheNaM, pihimavassieNaM udarabhAyaNeNaM joijjamANehiM pAsulikaDaehiM, akkhasuttamAlA iva gaNejjamANehiM piDhikaraMDagasaMdhIhiM, gaMgAtaraMgabhUeNaM urakaDagadesabhAeNaM, sukkasappasamANAhiM bAhAhiM, siDhilakaDAlI viva laMbatehi ya aggahatthehiM, kaMpaNavAio vevamANIe viva sIsaghaDIe, pammANavayaNakamale, ubbhaDaghaDamuheva ucchuDDaNayaNakose jIvaMjIveNaM gacchai, jIvaMjIveNaM ciTThai, bhAsaM bhAsittA gilAi, bhAsaM bhAsamANe gilAi, bhAsaM bhAsissAmi tti gilAi | se jahANAmae iMgAlasagaDiyA i vA evaM jahA khaMdao tahA jAva hayAsaNe iva bhAsarAsipalicchaNNe taveNaM teeNaM tavateyasirIe aIva aIva uvasobhemANe uvasobhemANe ciTThai /
Page #18
--------------------------------------------------------------------------
________________ aNuttarovavAi sutta 25 teNaM kAleNaM teNaM samaeNaM rAyagihe Nayare, guNasilae ceie, seNie rAyA | teNaM kAleNaM teNaM samaeNaM samaNe bhagavaM mahAvIre samosaDhe / parisA NiggayA | dhammakahA / parisA paDigayA | tae NaM se seNie rAyA samaNassa bhagavao mahAvIrassa aMtie dhamma soccA Nisamma samaNaM bhagavaM mahAvIraM vaMdai NamaMsai, vaMdittA NamaMsittA evaM vyaasii-| imAsiM NaM bhaMte ! iMdabhUi pAmokkhANaM coddasaNhaM samaNasAhassINaM kayare aNagAre mahAdukkarakArae ceva mahANijjaratarAe ceva ? evaM khalu seNiyA ! imAsiM iMdabhUi pAmokkhANaM coddasaNhaM samaNasAhassINaM dhaNNe aNagAre mahAdukkarakArae ceva mahANijjaratarAe ceva / se keNaTeNaM bhaMte ! evaM vuccai- imAsiM iMdabhUi pAmokkhANaM coddasaNhaM samaNasAhassINaM dhaNNe aNagAre mahAdukkarakArae ceva mahANijjaratarAe ceva ? evaM khalu seNiyA ! teNaM kAleNaM teNaM samaeNaM kAkaMdI NAma NayarI jAva se dhaNNe aNagAre uppiM pAsAyavaragae jAva paccaNubhavamANe viharai / tae NaM ahaM aNNayA kayAI puvvANupuvvIe caramANe gAmANugAmaM dUijjamANe jeNeva kAkaMdI NayarI jeNeva sahasaMbavaNe ujjANe teNeva uvAgae / uvAgamittA ahApaDirUvaM uggahaM uggiNhAmi saMjameNaM tavasA appANaM bhAvemANe viharAmi | parisA NiggayA, taheva jAva pavvaie jAva bilamiva paNNaga bhaeNaM appANeNaM AhAraM AhAreDa / dhaNNassa NaM aNagArassa pAdANaM ADhattaM sarIravaNNao savvo uccAreyavvo jAva tava teya sirIe aIva aIva uvasobhemANe uvasobhemANe ciTThai / se teNaTeNaM seNiyA ! evaM vuccai imAsiM cauddasaNhaM samaNasAhassINaM dhaNNe aNagAre mahAdukkarakArae mahANijjaratarAe ceva / 27 tae NaM se seNie rAyA samaNassa bhagavao mahAvIrassa aMtie eyamaDhe soccA Nisamma haTTha tuDhe samaNaM bhagavaM mahAvIraM tikkhutto AyAhiNaM payAhiNaM karei, karittA, vaMdai NamaMsai vaMdittA gaMmasittA jeNeva dhaNNe aNagAre teNeva uvAgacchai uvAgacchittA dhaNNaM aNagAraM tikkhutto AyAhiNaM pAyAhiNaM karei karittA vaMdai NamaMsai vaMdittA NamaMsittA evaM vayAsIdhaNNe si NaM tuma devANuppiyA ! supuNNe si NaM tumaM devANuppiyA, sukayatthe si NaM tuma devANuppiyA, kayalakkhaNe si NaM tumaM devANuppiyA, suladdhe NaM devANuppiyA tava mANussae jammajIviyaphale tti kaTTa vaMdai NamaMsai, vaMdittA NamaMsittA jeNeva samaNe bhagavaM mahAvIre teNeva uvAgacchai uvAgacchittA samaNaM bhagavaM mahAvIraM tikkhutto AyAhiNaM payAhiNaM karei karettA vaMdai NamaMsai vaMdittA NamaMsittA jAmeva disaM pAubbhUe, tAmeva disaM paDigae / 28 tae NaM tassa dhaNNassa aNagArassa aNNayA kayAi puvvarattAvarattakAlasamayaMsi dhammajAgariyaM jAgaramANassa imeyArUve ajjhatthie jAva samuppajjitthA 13
Page #19
--------------------------------------------------------------------------
________________ 29 aNuttarovavAi sutta evaM khalu ahaM imeNaM urAleNaM tavokammeNa kise dhamaNisaMtae jAe evaM jahA khaMdao taheva ciMtA / ApucchaNaM / therehiM saddhiM viulaM pavvayaM durUhai / mAsiyA saMlehaNA / NavamAsA pariyAo jAva kAlemAse kAlaM kiccA uDDhaM caMdima sUra-gahagaNa - Nakkhatta-tArArUvANaM jAva Navagevejje vimANa patthaDe uDDhaM dUraM vIIvaittA savvaTThasiddhe vimANe devattAe uvavaNNe / therA taheva oyaraMti jAva ime se AyArabhaMDa | bhaMte ! tti bhagavaM goyame taheva Apucchai jahA khaMdayassa / bhagavaM vAgarei jAva savvaTThasiddhe vimANe uvavaNNe | dhaNassa NaM bhaMte! devassa kevaiyaM kAlaM ThiI paNNattA ? goyamA ! tettIsa sAgarovamAiM ThiI paNNattA / se NaM bhaMte! tAo devalogAo kahiM gacchihii ? kahiM uvavajjihii ? goyamA ! mahAvidehe vAse sijjhihii / // paDhamaM ajjhayaNaM samattaM // taio vaggo 2-10 ajjhayaNANi sukkhAdi ukkhevao biiyassa / evaM khalu jaMbU ! teNaM kAleNaM teNaM samaeNaM kAkaMdI NayarI / jiyasattU rAyA / tatthaNaM kAkaMdIe NayarIe bhaddA NAmaM satthavAhI parivasai, aDDhA jAva aparibhUyA / tIse NaM bhaddA satthavAhIe putte suNakkhatte NAmaM dArae hotthA ahINa paMciMdiya jAva surUve / paMcadhAiparikkhitte, jahA dhaNNo tahA jAva uppiM pAsAyavaragae jAva paccaNubhavamANA viharai | te kANaM teNaM samaeNaM samaNassa bhagavao mahAvIrassa samosaraNaM / jahA dhaNNo tahA suNakkhatto vi Niggao / jahA thAvaccAputtassa tahA suNakkhattassa NikkhamaNaM jAva aNagAre jAe IriyAsamie jAva baMbhayArI / tae NaM se suNakkhatte aNagAre jaM ceva divasa samaNassa bhagavao mahAvIrassa aMtie muMDe bhavittA agArAo aNagAriyaM pavvaie taM ceva divasaM, evaM jaheva dhaNNo taheva abhiggahaM abhigiNhai jAva bilamivapaNNaga bhUeNaM appANeNaM AhAraM AhArei, AhArettA saMjameNaM tavasA appANaM bhAvemANe viharai / sAmI bahiyA jaNavaya - vihAraM viharai / ekkArasa aMgAI ahijjai jAva saMjameNaM tavasA appANaM bhAvemANe viharai / tae NaM se suNakkhatte aNagAre teNaM urAleNaM jAva jahA khaMdao / 14
Page #20
--------------------------------------------------------------------------
________________ M aNuttarovavAi sutta teNaM kAleNaM teNaM samaeNaM rAyagihe Nayare / guNasilae ceie / seNie rAyA / sAmI samosaDhe / parisA NiggayA / rAyA Niggao / dhammakahA / rAyA paDigao / parisA paDigayA / taNaM tassa suNakkhattassa aNagArassa aNNayA kayAi puvvarattAvaratta- kAlasamayaMsi dhamma-jAgariyaM sesaM jahA khaMdayassa NavaraM bahu vAsA pariyAo jAva savvaTThasiddhe vimANe devattAe uvavaNNe / tettIsa sAgarovamAiM ThiI jAva mahAvidehe sijjhihii / P evaM suNakkhatta gameNaM sesA vi aTTha ajjhayaNA bhANiyavvA / NavaraM ANupuvvIe doNNi rAyagihe, doNNi sAkee, doNNi vANiyaggAme / Navamo hatthiNA pure / dasamo rAyagihe / NavahaM bhaddAo jaNaNIo, NavaNhaM vi battIsao dAo / NavaNhaM NikkhamaNaM thAvaccAputtassa sarisaM / vehallassa (NikkhamaNaM) piyA karei / chammAsA vehallae / Nava dhaNe / sANaM bahU vAsA / mAsaM saMlehaNA / savvaTThasiddhe savve / mahAvidehe sijjhissNti| evaM dasa ajjhayaNANi / 2 evaM khalu jaMbU ! samaNeNaM bhagavayA mahAvIreNaM AigareNaM jAva siddhigaiNAmadheyaM ThANaM saMpatteNaM aNuttarovavAiyadasANaM taccassa vaggassa ayamaTThe paNNatte / aNuttarovavAiyadasANaM ego sukkhaMdho / viga / tisu ceva divasesu uddisijjNti| tattha paDhame vagge dasa uddesagA / biie vagge terasa uddesagA / taie vagge dasa uddesagA / tao suyakhaMdho samuddissai, tao aNuNNavijjai, dosu divasesu / // taio vaggo samatto // // aNuttarovavAiyadasAo suttaM samattaM // w 15
Page #21
--------------------------------------------------------------------------
________________ Published By: GLOBAL JAIN AAGAM MISSION Pawandham, Mahavir Nagar, Kandivali (W), Mumbai - 400 067