Viman Vatthu

Author(s): Jagdish Kashyap
Publisher: Uttam Bhikkhu

Page 41

३६]
विसालक्खिविमानं
[ ३५
३७–विसालक्खिविमानं (३६) का नाम त्वं विसालक्खि रम्मे चित्तलता वने। समन्ता अनुपरियासि नारीगणपुरक्खता ॥१॥ यदा देवा तावतिङसा पविसन्ति इमं वनं । सयोग्गा सरथा सब्बे चित्रा होन्ति इधागता ॥२॥ तुय्हञ्च इध पत्ताय उय्याने विचरन्तिया। कायेन दिस्सति चित्तं केन रूपं तवेदिसं। देवते पूच्छिता चिक्ख किस्स कम्मस्सिदं फलं ॥३॥ येन कम्मेन देविन्द रूपं मय्हं गाती च मे। इद्धी च आनुभावो च तं सुनोहि पुरिंदद ॥४॥ अहं राजगहे रम्मे सुनन्दा नामुपासिका । सद्धा सीलेन सम्पन्ना संविभागरता सदा ॥५॥ अच्छादनञ्च भत्तञ्च सेनासनं पदीपियं । अदासिं उजुभूतेसु विप्पसन्नेन चेतसा ॥६॥ चातुसि पञ्चदसिं या च पक्खस्स अट्ठमी। पाटिहारियपक्खञ्च अट्ठङगसुसमागतं । उपोसथं उपवसि सदा सीलेसु संवुता ॥७॥ पाणातिपाता विरता मुसावादा च सञता । थेय्या च अतिचारा च मज्जपाना च आरका ॥८॥ पञ्चसिक्खापदे रता अरियसच्चान कोविदा । उपासिका चक्खुमतो गोतमस्स यसस्सिनो ॥९॥ तरसा मे जातिकुलं आसि सदा मालाभिहारति ताहं भगवतो थूपे सब्बमेवाभिरोपयिं ॥१०॥ उपोसथे वहं गन्वा मालागन्धविलेपनं । थूपस्मि अभिरोपेसि पसन्ना सकेहि पाणिहि ॥११॥ तेन कम्मेन देविन्द रूपं मय्हं गती च मे । इद्धी च आनुभावो च यञ्च मालाभिरोपयिं ॥१२॥ यञ्च सीलवती आसिं न तं ताव विपच्चति । आसा च पन मे देविन्द सकदगामिनी सियन्ति ॥१३॥
विसालक्खिविमानं नवमं ॥९॥
Shree Sudharmaswami Gyanbhandar-Umara Surat