Book Title: Vatsalyadhara Prabhu Premi Gyanchandraji
Author(s): Dulerai Matliya
Publisher: Mahavir Sahitya Prakashan Mandir Ahmedabad
View full book text
________________
રસ્તામાં ખુલ્લા પગે ગરમ રેતીથી દઝાય ને વગડામાં ભૂખ્યા પડ્યા રહેવા સિવાય છૂટકો ન હતો. પણ સડકને કાંઠે કેરીનું મીઠું ફળ જોવામાં આવ્યું. સુધાની તૃપ્તિ થઈ ગઈ. આમ પ્રભુકૃપાના ગુણ ગાતે-અનુભવતે દયાનિધિ પળેપળ ફિકર રાખી રહ્યો છે તેવી પ્રતીતિ કરી ધોલેરા પહોંચી ગયો. મને ખાતરી થઈ ગઈ કે ભગવાન સદ્ગુરુને ભેટે કરાવશે જ.” આ પ્રવાસમાં એમને જગતના અધિષ્ઠાન રૂપ, પાલક, પિષક અને રક્ષક શ્રીહરિનાં દર્શન થયાં. “અખિલ બ્રહ્માંડમાં એક તું શ્રીહરિ જૂજવે રૂપે અનંત ભાસે તે નરસિહના પદની જાણે કે પ્રતીતિ કરાવતા જ હોય તેવા ભરવાડ, સાંઢિયાવાળો, ટ્રક ડ્રાઈવર, પ્રોફેસર, વેપારી, સાધક દંપતી, તોરણના પટેલ અને તરુવર રૂપે જેમ પ્રભુએ પાલનપોષણ કર્યું, તેમ દૂધ આપવાને ઈનકાર કરી અપમાન કરનારા વ્રતરક્ષક હરિના સ્વરૂપમાં પ્રભુકૃપાનાં નાનચંદભાઈને સતત દર્શન થયાં. પ્રભુના આ પાલક, પોષક અને રક્ષક કૃપામય સ્વરૂપમાં નિમજ્જના કરતાં એમને સ્પષ્ટ થયું કે, “પ્રભુની કૃપા જરૂર એમને સદ્ગુરુને ભેટો કરાવશે – એવી શ્રદ્ધાથી ધોલેરા પહોંચી ગયા.
