Varakh Narakno Saral Marg

Author(s): Navinchandra K Kapadia
Publisher: Navinchandra K Kapadia

Page 6

આંતરડાની વચ્ચે ચાંદી ટીપીને વરખ બનાવાય છે. વરખ બનાવતી વેળા કુમાશ ચામડામાં ચોક્કસ પ્રકારની કુમાશ નહીં રહેવાને કારણે થોડી વરખ બનાવ્યા પછી નવું ચામડું લેવું પડે છે અને તેને માટે ઘેટાનું નવું બચ્ચું મારી નાખવું પડે છે. | સ્વામિનારાયણ પ્રકાશ પાનું 21 માર્ચ 2000 માં જણાવેલ છે કે આ વરખ બનાવવાની પ્રક્રિયા અત્યંત ક્રૂર છે. આ વરખ બનાવવામાં ગાયના આંતરડાની ચામડીનો ઉપયોગ કરવામાં આવે છે અને તેથી જ શાકાહારમાં માનનાર વ્યક્તિ માટે સંપૂર્ણપણે અભક્ષ્ય બને છે. - મુંબઈ સમાચાર મંગળવાર તા.14/3/2000 માં જૈન સમાચાર સંકલન શ્રી મહેન્દ્ર પુનાતર લખે છે કે જૈન દેરાસરોમાં અને પૂજાપાઠ પ્રસંગે ચાંદીના વરખનો ખૂબજ મોટા પ્રમાણમાં ઉપયોગ થાય છે. તાજેતરમાં અમદાવાદમાં કેટલાક જૈન આચાર્યોએ ચાંદીના વરખનો ઉપયોગ બંધ કરવા આદેશ આપ્યો છે. ચાંદીનો વરખ બળદનાં આંતરડામાંથી નીકળતા પ્રવાહ થી બનાવવામાં આવે છે. જેનો અહિંસા પ્રેમી જૈન સમાજ કેમ ઉપયોગ કરી શકે? મહાવીર ભગવાનની મૂર્તિ પર તેમજ પૂજાપાઠ વખતે ફળફળાદી ઉપર ચાંદીના વરખ લગાવવાની પરંપરાગત પધ્ધતિ પર નિષેધ રાખવાનો સમય પાકી ગયો છે. જૈન સમાજ પ્રત્યક્ષ-પરોક્ષ આ અહિંસા લક્ષી કાર્યમાં જોડાઈ પાપમાં ભાગીદાર ન બને તે જરૂરી છે. એમ કુલીનકાંત ચાંપશી લુઠિયા અને હરિહર પટેલે એક નિવેદનમાં જણાવ્યું છે.
પ. પૂ. આચાર્ય મહારાજ સાહેબ પણ આદેશ આપે કે વરખ શ્રી ભગવંતની પ્રતિમા પર ન લગાડાય અને વરખ વાળી કોઈપણ ખાધ્ય વસ્તુ ન વપરાય. ઉપરના મુંબઈ સમાચાર ના સમાચાર મુજબ આપણે જેનોએ તેનો અમલ જરૂરથી તુરંતજ કરવો જોઈએ અને દરેક સંઘે અને દરેક જૈન દેરાસરના ટ્રસ્ટીઓએ વરખ પર પ્રતિબંધ મૂકવાનો નિર્ણય તુરંતજ કરવો જોઈએ. જેટલો જલ્દીથી અમલ કરાશો તેટલી હિંસા અટકશે માટે સમય ખૂબજ અગત્યનો છે.
૧૨R - 4