Swapna Dravya Ange Marmik Bodh

Author(s): Kalyansagarsuri
Publisher: Simandhar Jinmandir Pedhi

Page 7

તેમ જ મયૂર-હંસ-કોયલ-કબૂતર-મેના-પોપટ-ચકલા-ચકલી-હોલાતેતર-બાજ-સમળી-ધૂવડ અને ગીધ આદિ પક્ષિઓના ભવોમાં અનેકવિધ મહાપાપો કરીને અનેકવાર નરકાદિમાં ઉત્પન્ન થઈને વિવિધ પ્રકારના અપાર દુઃખો સહન કરતાં કરતાં કામનિર્જરાના બળે અગણિતકાળે આ જીવાત્મા કોળી-વાઘરી-ધીવર-મહેતર અત્યંજ ચમાર આદિ જેવા પામરકક્ષાના માનવભવો પામ્યો. તે ભવોમાં ઘોર અજ્ઞાન અને મહામોહથી તીવ્ર અભિભૂત થયેલ આ પામર જીવાત્માએ અતિતીવ્ર કિલષ્ટ અધ્યવસાયે હિસા-જૂઠ-ચોરીવ્યભિચાર-બળાત્કાર માનવહત્યા આદિ અનેકવિધ ઘોરાતિઘોર મહાપાપો આચરીને નરક નિગોદ આદિમાં ઉત્પન થયો. ત્યાં પૂર્વોક્ત દુઃખો સહન કરતાં કલ્પનાતીત અસંખ્ય-અનંતકાળ વ્યતીત થયો.ત્યાંની કાળ મર્યાદા પૂર્ણ થતાં નરક નિગોદાદિમાંથી નીકળીને તિર્યંચાયાદિમાં પરિભ્રમણ કરતાં સંખ્યાતા-અસંખ્યાતા કે અનંતા ભવે અકામનિર્જરા થતાં કાંઈક અંશે પાપકર્મનું ભારણ ઓછું થવાથી પુનઃ માનવભવ પામ્યો. તે ભાવમાં પણ ઘોર અજ્ઞાન અને મહામોહવશ, પાપાચરણની લીલા ચાલુ જ રહી. તેના કારણે પુન: પુનઃ અનંતાનંતીવાર નરક નિગોદાદિની ઘટમાળ ચાલુ'ને ચાલુ જ રહી. એ રીતે અસંવ્યવહાર સૂક્ષ્મ નિગોદમાંથી સંવ્યવહાર સૂક્ષ્મનિગોદમાં આવ્યા પછી પણ અનંતાનંત પુદ્ગળપરાવર્તો એક એક આકાશપ્રદેશે વ્યતીત થયા. એ અનંતાનંતભવોમાંથી કોઈક ભવે આ જીવાત્મા તથા પ્રકારના પ્રબળ પુણ્યનો અવિપતિ થવાથી આદેશમાં ઉત્તમ જાતિકુળવાળા જૈને માતા પિતાને ત્યાં જન્મ થયો. પંચેન્દ્રિયની પરિપૂર્ણતાયુક્ત નિરોગી કાયાવાળો અને હિતાહિતનો વિવેક કરી શકે તેવો ઉત્તમ માનવભવ મળ્યો. અનંત પરમતારક