________________
‘સંત-શિષ્ય’ની જીવનસરિતા
વળી પાછે નિવૃત્તિ અને શાન્તિના વિચાર મેાખરે આવ્યો. પૂજ્ય મહારાજશ્રીની આ ભાવનાની શ્રી ચોટીલાના ભકિતપ્રધાન સંઘને જાણ થતાં આગેવાન ભાઈઓએ પૂજય મહારાજકીની સેવાનો લાભ લેવા આગામી ચાતુર્માસ માટે વિનતિ કરી. પરિણામે પોતાના નિવૃત્તિના હેતુ બરાબર પાર પડશે એમ લાગવાથી તેઓએ વિનતિ સ્વીકારી અને ગામ બહાર થાણામાં શાહ હીરાચંદ્ર ઠાકરસીના મકાનમાં ચાતુર્માસ રહ્યા, અને સાગારી મૌન સ્વીકાર્યું. આ અરસામાં જ ભાઈશ્રી અંબાલાલ પટેલ, જે સંતબાલજી પાસે રહેતા હતા, તે કોઈ કારણસર છૂટા થયેલ તે હવે પછી પૂજ્ય મહારાજશ્રી પાસે સેવાભાવે જોડા હતા.
૧૭૧
૪૫. વાંકાનેર : સંવત ૨૦૦૧ : ઈ. સ. ૧૯૪૫
ઠાણા ૨ ઉપર મુજબ; ઉપરાંત વૈરાગી ભાઈશ્રી મેઘજીભાઈ તથા સેવાભાવે જોડાયેલ ભાઈશ્રી અંબાલાલ પણ સાથે હતા. ચોટીલાના ચાતુર્માસ દરમિયાન નિવૃત્તિના હેતુ ઠીક સર્યો હતો. સાગારી મૌનને લીધે સાધના સારી ચાલી. પછી પણ એવું એકાંત સ્થળ પસંદ કરવાની પૂ. મહારાજશ્રીની અભિલાષા હતી. એટલે એ ઉદ્દેશને લક્ષમાં રાખી અનુક્રમે વિહાર કરતા તેઓ સરાસુંદરી પધાર્યા. ત્યાં થોડા દિવસ રહ્યા. સરા ગામ નજીક હતું. વળી ત્યાંના શ્રાવકો પણ ભકિતપ્રધાન હતા. તેથી સરામાં લગભગ શેષકાળ પૂરો કર્યો. દરમિયાન લીંબડીના વતની પણ હાલ મુંબઈ વસતા પૂજ્ય મહારાજશ્રીના અનુરાગી શ્રી અમુલખ અમીચંદ દર્શનાર્થે સરામાં આવ્યા હતા. પ્રસંગોપાત્ત વાત નીકળતાં લીંબડીમાં બહેનો માટે એક ઉપાાયની ખાસ જરૂર છે એવું સૂચન થયું તેમ જ પૂજયશ્રી દેવચંદ્રજી પુસ્તકાલયને પણ મેાટા સ્વરૂપે સાર્વજનિક બનાવવાની જરૂર છે એવી વાતચીત થઈ. શ્રી અમુલખભાઈ સ્વભાવે ઉદાર અને વળી પૂ. મહારાજશ્રી પ્રત્યે ભકિતભાવવાળા હતા એટલે થોડી વિચારણાને અંતે પૂજ્ય મહારાજશ્રીની એ બન્ને સૂચનાઓને પોતે સ્વીકારી લીધી. પરિણામે થોડા સમયમાં પોતાના માતુશ્રી શિવબાના સ્મરણાર્થે સ્થા. જૈન પૌષધશાળા અને પિતાીના સ્મરણાર્થે પૂજયશ્રી દેવચંદ્રજી પુસ્તકાલયનું ભવ્ય મકાન તૈયાર કરી બન્ને મકાનો શ્રી સંઘને સુપ્રત કર્યા. દરમિયાન પૂ. મહારાજશ્રી ઠાણા ૨ સરાસુંદરીથી વિહાર કરતાં કરતાં લીંબડી પધાર્યા હતા. ચાલુ સાલના ચાતુર્માસ વાંકાનેરમાં નક્કી થયા હતા એટલે લીંબડીથી વિહાર કરતાં ચાતુર્માસ માટે વાંકાનેર પધાર્યા.
