________________
સ્તવનામાંથી નિષ્પન્ન થતો સાધનામાર્ગ
મંજિલ એક, માર્ગ અનેક
બાંગ્લાદેશની પાટનગરી ઢાકાથી સો કિલોમીટર દૂર એક ગામ હતું. એનાથી થોડે દૂર, અડાબીડ રસ્તે ખેતરમાં એક આશ્રમ. જ્યાં એક સંત રહે. યોગ પરની એમની પક્કડ અદ્ભુત.
એક યુરોપિયન પ્રોફેસર કોઈ સત્સંગી પાસેથી આ સંતના તે વિષયના પારદર્શી જ્ઞાનની વાત સાંભળી ત્યાં આવવા નીકળ્યા. ઢાકા એરપોર્ટ પર ઊતરી તેમણે ટેક્સીવાળાઓને આ ગામનું નામ કહ્યું. પણ એવું અંતરિયાળ આ ગામ હતું કે કોઈ ટેક્સીવાળાએ એ ગામનું નામ પણ સાંભળ્યું ન હતું. પાક્કો રોડ કોઈ એ દિશામાં જતો નહોતો.
અચાનક એક ગાડી પ્રોફેસર પાસે આવીને ઊભી. ડ્રાઇવરે પૂછ્યું ક્યાં જવું છે?
