Prem Stavana

Author(s): Bhaktiratnavijay
Publisher: 108 Parshwanath Bhaktivihar Mahaprasad Jain Trust

Page 5

આમુખ...65 જ્ઞાની પુરૂષોના વચનામૃતોનું વારંવાર વાચન નિદિધ્યાસન અને તેને અંતરમાં વણી લેવાં, તરૂપ યથાર્થ સમજણ કરવી અને તે પ્રમાણે પરિણામની પરિણતિ થવી, એ ભક્તિ છે. સત્ પુરૂષોના પ્રત્યક્ષપણામાં તેમનો પ્રાપ્ત થતો બોધ એ ભક્તિનો હેતુ છે, પણ તેમના પરોક્ષપણામાં તેમના વચનામૃતોના સંગ્રહરૂપ શાસ્ત્રો એ જીવને કાર્યકારી અને હિતકારી નિમિત્ત થાય છે.
સર્વમાન્ય, આત્મજ્ઞ એવા શ્રી આનંદઘનજી, શ્રી યશોવિજયજી, શ્રી પદ્મવિજયજી, શ્રી મોહનવિજયજી, શ્રી ઉદયરત્નજી, શ્રી જ્ઞાનવિમલજી આદિ મહાત્માઓના ભક્તિ ભાવના, ઉલ્લાસના ફળરૂપ પ્રાપ્ત થતા સ્તવનો, ચૈત્યવંદનો, સ્તુતિઓ, સઝાયો આદિનો આમાં સમાવેશ કર્યો છે.
સર્વે મુમુક્ષુ અને વાંચક વર્ગ આ પુસ્તકનો સદુપયોગ કરશે, આશાતનાથી બચાવશે અને કોઈ ત્રુટિ હોય તો જણાવશે એ આશા છે.
આ પુસ્તકમાં મુખ્ય પ્રેરણાબળ “પ. પૂ. તપાગચ્છાધિપતિનું છે, સાથે સાથે પ.પૂ. આ. શ્રી વિજય ભાનુચંદ્રસૂરિજી મ.સા., પ.પૂ. નૂતન આ. શ્રી વિજય હેમચંદ્રસૂરિજી મ.સા. તથા પ. પૂ. નૂતન ગણીવર્ય શ્રી કુલચંદ્રવિજયજી (K.C.) મ.સા.નું સુંદર માર્ગદર્શન સાંપડેલ છે. પૂ. બાલમુનિશ્રી કુલદર્શન વિ., પૂ. બાલમુનિશ્રી હેમદર્શન વિ. પૂ. બાલમુનિ શ્રી ભાગ્યચંદ્ર વિ. આદિ બાલમુનિઓએ યથાયોગ્ય સહકાર આપેલ છે. પૂ.પ્રવર્તિની સાવિદ્યુ—ભાશ્રીજીના શિષ્યા પ્રશિષ્યાઓ મુફ સંશોધન કાર્યમાં મદદરૂપ બન્યા છે.
આ પુસ્તક છપાવવામાં શ્રી વીરેન્દ્રભાઈ બી. શાહ, અમદાવાદ, તથા દાન દાતાઓના અમો આભારી છીએ.
હકીકતમાં આ પુસ્તક વરસો પહેલાં પૂ. મુનિશ્રી કુલચંદ્ર વિજયજી મ.સા. (હાલ-નૂતન ગણી) ના બીજા વરસી તપના પારણા નિમિત્તે છપાવવામાં આવેલ, “પ્રેમ જ્યોત” નામના પુસ્તકની સવિસ્તાર દ્વિતીય આવૃત્તિ જ છે.