Prabandh Chintamani

Author(s): Ramchandra D Shastri
Publisher: Ramchandra D Shastri

Page 356

३२० प्रबन्धचिन्तामणी:सर्ग ५ प्रत्यक्षीभूयेत्युक्तः। शृणु त्वया प्राग्भवे कदाचिदजा केनापि एकेन सोदरेण पाणिभ्यां श्रवणयोर्द्धता तदपरेण मारिता ततः सा अजा मृत्वा इयं योषिदजनि येन व्यापादिता स साम्प्रतं पतिरभूत यत्त्वया तदा कर्णौ विकृतौ तदा तव समागमे जाते सति करौ छिनौ तदा कथं ममोपालम्भ इति कृपाणिकाप्रबन्धः॥ ___पुरा शङ्कपुरनगरे श्रीशङ्के नाम नृपतिस्तत्र नामकर्मभ्यां धनदः श्रेष्ठी स कदाचित्करिकर्णतालतरलां कमलां विमृश्योपायनपाणिर्नृपोपान्तमुपेत्य तं परितोष्य च तत्प्रसादीहतायां भुवि चतुर्भिर्नन्दनैः सह समालोच्य सुलग्ने जैनप्रासादमचीकरत् । तत्र प्रतिष्ठितबिम्बानां स्थापना विधाय तस्य प्रासादस्य समारचनाय बहून्यायद्वाराणि रचयन् तत्लपर्याकुलतया नानाविधकुसुमवृक्षावलीसम. लंकतमभिराममारामं च निर्माप्य तचिन्तकेषु नियुक्तेषु उदिते प्राक्तनान्तरायकर्मणि क्रमात् संव्हियमाणसंपदधमर्णतया तत्र मानम्लानिमाकल. य्यानतिदूरवर्तिनि क्वापि ग्रामे कृतवसतिनगरयातायातेन सुतोपात्तजीविकः कियन्तमपि कालमति