________________
આવ્યો. પ્રભાતે વનને વિષે ભમતાં ભમતાં કુમાર સહિત કુમારીને દેખીને રાજા કુમરને હણવાને અર્થે દોડ્યો. કુમર પણ હાથમાં ખડ્ઝ લઈને રાજાની સન્મુખ આવ્યો. રાજાએ હાકોટ્યો થકો કુમર યુદ્ધ પ્રત્યે યાચતો હતો. રાજાએ સૈન્યને પ્રેર્યું, તે વારે કુમર યુદ્ધ કરવા સન્નદ્ધબદ્ધ થયો. તિહાં ખગે ખગ્ન, મુષ્ટિએ મુષ્ટિ, એમ યુદ્ધ કરતાં વિદ્યાજડીના પ્રભાવથી કુમરે રાજાના સૈન્યને જીત્યું. સૈનિકોએ નાસવા માંડ્યું. હવે એવું કુમારનું પ્રબલ ભુજાનું પરાક્રમ દેખીને શ્રીચંદ્રરાજા કુમર પ્રત્યે નમીને ઈષ્ટ વલ્લભ હિતનાં વચને કરી કહેતો હતો કે હે સત્ત્વાંગી પુરુષ ! તમારા પરાક્રમ કરીને તમે ઉત્તમ કુલના છો, એવું અમે જાયું; પરંતુ હે જામાતા! તમે અમારા જમાઈ જે થયા તેનું કારણ મને કહો. એવાં રાજાનાં વચન સાંભલી કુમાર બોલ્યો કે હે રાજન્ ! એ વાત તમારી પુત્રીજ તમને કહેશે. પછી કુમરના સંકેત કરી કુમારી પ્રથમ થકી વિમાતાનો પ્રબંધ નિર્વિશેષે કરી કહેતી હતી. રાજા પોતાની બાલિકાના મુખ થકી સર્વ વૃત્તાંત સાંભલીને હર્ષવંત થયો. તે વારે સર્વ સૈન્ય એકઠું કરી કુમારને સાથે લઈ રાજા પોતાના નગર ભણી ચાલ્યો.
એવામાં વર્ષાદ થયો તેથી પાણીની ધારાઓ પડવાથી પર્વતની પાસે પાણીના પ્રવાહે કરીને નદી પૂર આવી છે. તેને કાંઠે રાજા પણ સેના સહિત આવ્યો. તેવા અવસરે નદીપૂરના પ્રવાહને વિષે રથે વલગેલી, મુખે પોકાર કરતી, પાણીના પ્રવાહમાં બુબારવ કરીને હે ધીર ! વીર! અમારો બેહુનો ઉદ્ધાર કરો! ઉદ્ધાર કરો! અમારી સાર કરો! સાર કરો!! એમ બોલતી એવી બે કન્યાઓને પાણીના પૂરમાં તણાતી લોકોએ દીઠી. તે જોઈ સર્વ સૈનિક લોકો હાહાકાર કરવા લાગ્યા. તેવામાં કુમારની દૃષ્ટિએ તે કન્યાઓ પડી. તે વારે પરોપકાર બુદ્ધિએ કરીને કુમર નદીના પૂરને વિષે પડી, જડીને પ્રભાવે કરી સ્ત્રીયુગલને પાણીના પૂરમાંથી બહાર કાઢીને કાંઠાને વિષે આપ્યું. આવો કુમરનો મહિમા દેખી ચિત્તમાં ચમત્કાર પામી રાજા મનમાં વિચારવા લાગ્યો કે અહો ! આ કોઈક પણ મોટો પુરુષ છે.
પછી ચંદ્રરાજા તે બે કન્યાઓ પ્રત્યે પૂછવા લાગ્યો કે હે પુત્રીઓ ! તમે કેમ પાણીના પૂરને વિષે પડી ? તે વારે તે કન્યાઓ કહેવા લાગી કે હે રાજન્ સાંભળો. ૧૮૦
શ્રી પર્યુષણા
Jain Education International 2010_03
For Private & Personal Use Only
www.jainelibrary.org
