Padmacharitam Part 01

Author(s): Ravishenacharya, Darbarilal Nyayatirth
Publisher: Manikchand Digambar Jain Granthamala Samiti

Page 11

पद्मपुराणम् ।
.२
अभिनंदितनिःशेषभुवनं चाभिनंदनं । सुमतिं सुमतिं नाथं मतांतरनिराशिनं ॥ ५ ॥ उद्यदर्ककरालीढपद्माकरसमप्रभं । पद्मप्रभं सुपार्श्वे च सुपार्श्व सर्ववेदिनं ॥ ६ ॥ शरत्सकलचंद्राभं परं चंद्रप्रभं प्रभुं । पुष्पदंतं च संफुल्लकुंदपुष्पप्रभद्विजं ॥ ७ ॥ शीतलं शीतलध्यानदायिनं परमेष्ठिनं । श्रेयांसं भव्य सत्त्वानां श्रेयांसं धर्मदेशिनं ॥ ८ ॥ वासुपूज्यं सतामीशं वसुपूज्यं जितद्विषं । विमलं जन्ममूलानां मलानामतिदूरगं ॥ ९ ॥ अनंतं दधतं ज्ञानमनंतं कांतदर्शनं । धर्म धर्मधुवाधारं शांतं शांतिजिनाहितं ॥ १० ॥ कुंथुप्रभृतिसत्वानां कुंथुं हितनिरूपितं । अशेषक्लेशनिर्मोक्ष पूर्वसौख्यारणादरं ॥ ११ ॥ संसारस्य निहंतारं मलं मल्लिं मलोज्झितं । नमिं च प्रणताशेषं सुरासुरगुरुं विभुं ।। १२ ।। अरिष्टनेमिमन्यूनारिष्टनेमिं महाद्युतिं । पार्श्व नागेन्द्रसंसक्तपरिपार्श्व विशां पतिं ॥ १३ ॥ सुव्रतं सुव्रतानां च देशकं दोषदारिणं । यस्य तीर्थे समुत्पन्नं पद्मस्य चरितं शुभं ॥ १४ ॥ अन्यानपि महाभागान् मुनीन् गणधरादिकान् । प्रणम्य मनसा वाचा कायेन च पुनः पुनः १५ पद्मस्य चरितं वक्ष्ये पद्मालिंगितवक्षसः । प्रफुल्लपद्मवक्त्रस्य गुरुपुण्यस्य धीमतः ॥ १६ ॥ अनंतगुणगेहस्य तस्योदारविचेष्टिनः । गदितुं चरितं शक्तः केवलं श्रुतकेबली ॥ १७ ॥
प्रथमं पर्व ।