Nyayavatara

Author(s): Saumyangratnavijay, Yashratnavijay
Publisher: Jingun Aradhak Trust

Page 407

(पूज्यश्रीसिद्धसेनदिवाकरसूरिस्तुतयः
कवयः सिद्धसेनाद्या वयं तु कवयो मताः । मणय : पद्मरागाद्या ननु काचोपि मेचकः ॥ ३९ ॥ प्रवादि-करियूथानां केशरी नयकेशरः । सिद्धसेनकविर्जीयाद्विकल्प-नखरांकुरः ॥ ४० ॥
- भगवज्जिनसेनकृत आदिपुराण प्र. पर्व.
जगत्प्रसिद्धबोधस्य वृषभस्येव निस्तुषाः । बोधयन्ति सतां बुद्धिं सिद्धसेनस्य सूक्तयः ॥ ३० ॥
- श्रीजिनसेनाचार्यकृत हरिवंशपुराण
यदुक्तकल्पलतिकां सिञ्चन्तः करुणामृतैः । कवयः सिद्धसेनाद्या वर्धयन्तु हृदि स्थिताः ॥
श्रीकल्याणकीर्तिकृत यशोधरचरित्र
आयरियसिद्धसेणेण, सम्मइए पइट्ठिअजसेण । दूसमणिसादिवागर-कप्पत्तणओ तदक्खेणं ॥ १०४८ ॥
-श्रीहरिभद्रसूरिकृत पंचवस्तुक
क्व सिद्धसेनस्तुतयो महार्था अशिक्षितालापकला क्व चैषा। तथापि यूथाधिपतेः पथस्थः स्खलद्गतिस्तस्य शिशुर्न शोच्यः ॥
- श्रीहेमचन्द्राचार्यकृत अयोगव्यवच्छेदिका