Navtattva Prakaran

Author(s): Pravinchandra K Mota
Publisher: Gitarth Ganga

Page 177

૧૬૨
નવતત્ત્વ પ્રકરણ | મૂલ
इंदिअ कसाय अव्वय, जोगा पंच चउ पंच तिनि कमा । किरियाओ पणवीसं, इमा उ ताओ अणुक्कमसो ।।२१।। काइय अहिगरणिया, पाउसिया पारितावणी किरिया । पाणाइवायारंभिय, परिग्गहिआ मायवत्ती अ ।।२२।। मिच्छादसणवत्ती, अपच्चक्खाणा य दिट्ठि पुट्ठि य । पाडुच्चिय सामंतोवणीअ नेसत्थि साहत्थी ।।२३।। आणवणि विआरणिया, अणभोगा अणवकंखपच्चइया । अन्ना पओग समुदाण पिज्ज दोसेरियावहिया ।।२४।। समिई गुत्ती परिसह, जइधम्मो भावणा चरित्ताणि । पण ति दुवीस दस बार, पंचभेएहिं सगवना ।।२५।। इरिया भासेसणादाणे, उच्चारे समिईसु अ । मणगुत्ती वयगुत्ती, कायगुत्ती तहेव य ।।२६।। खुहा पिवासा सी उण्हं, दंसाचेलारइथिओ । चरिया निसीहिया सिज्जा, अक्कोस वह जायणा ।।२७।। अलाभ रोग तणफासा, मल-सक्कार-परीसहा । पन्ना अन्नाण सम्मत्तं, इअ बावीस परीसहा ।।२८।। खंती मद्दव अज्जव, मुत्ती तव संजमे अ बोधव्वे । सच्चं सोअं आकिंचणं च बंभं च जइधम्मो ।।२९।। पढममणिच्चमसरणं, संसारो एगया य अन्नत्तं । असुइत्तं आसव संवरो य तह णिज्जरा नवमी ।।३०।।