Nandanvan Kalpataru 2016 05 SrNo 35

Author(s): Kirtitrai
Publisher: Jain Granth Prakashan Samiti

Page 109

पहाणपुरिसे पट्ठवेइ । ते तत्थ गंतूण वंदित्ता संतप्पाणं मुणिदं नच्चा निवं जाणावेइ । नरिंदो सव्विड्ढीए समागओ समाणो मुणिवरपयपंकयं नमित्ता नियावराहं खामेइ । खमित्ता उवएसं च सोच्चा सम्मत्तं पत्तो गिहत्थजोग्गवयाई गिण्हेइ । एवं सो राया निम्मलवयाराहणेण समाहीए कालं किच्चा कमेण देवलोगे गओ । कमेण सिवं गमिहिइ ।
धम्मरुई वि अणगारो सव्वपावं आलोइत्ता पडिक्कमित्ता सग्गं गओ, कमेण सिज्जिहिइ । एवं दुज्जणस्सावि सुसाहुसंसग्गो परिणामे सुहदायगो होइ । उवएसो -
सोच्चा नावियनंदस्स, भवे दुक्खपरंपरं । आसायणं न कुव्वेज्जा, निग्गंथाणं महेसिणं ॥ सुसाहुजणसंसग्गे नंदनाविअस्स कहा समत्ता
- जयंतीपयरणाओ
*
*
*
१००