Moharajaparajayam

Author(s): Chaturvijay
Publisher: Central Library

Page 176

ता एयाण मुणीणं पयपउमनमसणेण अप्पाणं । परिगलियपावपंक पहायसमए करिस्सामि ।। एवं धम्ममणोरहकलियमणो पत्थिवो लहइ निदं। मंगलतूररवेणं पडिबुद्धो पच्छिमे जामे ॥ कयसयलगोसकिन्चो समत्तसामंतमंतिपरियरिओ। करितुरयरहसमेओ पत्तो सिरिदत्तगुरुपासे ॥ भूमिनिहितुत्तमंगो भत्तिसमग्गो गुरुं पणमिऊण । पुरओ निवो निविट्ठो कयंजली भणिउमाढत्तो॥ भयवं ! धन्ना तुब्भे संसारासारयं मणे धरिउं । जे चत्तसव्वसंगा परलोयाराहणं कुणह ।। अह्मारिसा अहन्ना परलोयपरंमुहा महारंभा। अनियत्तविसयतण्हा जे इहभवमेत्तपडिबद्धा ।। अह जंपिउं पवत्तो सिरिदत्तगुरू नहंगणं सयलं । तवसिरिमुत्तापंतीहिँ दंतकंतीहिँ धवलंतो ॥ मुहससिपवेससुविणोवमाइदुलहं नरत्तणं लहिउं । खणमेकं पि पमाओ बुहेण धम्मे न कायव्वो ॥ रन्ना भणियं भय ! का सा सुविणोवम त्ति १ मे कहसु । गुरुणा भणियं नरवर ! कहेमि जं पुच्छिअं तुमए ।
(मूलदेवकथानकमत्रानुसन्धातव्यम् ) इय धम्मदेसणामयरसेण सेत्तंमि भूमिणाहस्स ।। हिययम्मि समुल्लसिओ जिणिंदधम्माणुरायदुमो॥ भणियं निवेण भयवं ! कहियमिणं उभयभवहियं तुमए । अन्नो पिओ वि सव्वो जंपइ इहभवहियं चेव ।। ता समयम्मि वि मुत्तुं तणं व रज्जं विवेयगिरिवलं । पडिवन्निऊण धम्म सहलं काहं मणुयजम्मं ॥ ता वंदिर मुर्णिदं नियमन्दिरमागओ महीनाहो। धम्मोवएसविसरं सुमरन्तो गमइ दियहाई॥ अह पावसो पयट्टो सम्पाडियपहियदिययसंघट्टो। समरट्टमारनट्टो कयम्बसंदट्ठअलिवट्टो ॥ जत्थ विरहग्गिडझन्तविरहिणीहिययलद्धपसरेण । धूमभरेण व घणमण्डलेण मलिणीकयं गगणं॥ नवमेहपिययमेणं समप्पियं जत्थ तडिलयालोयं । कणयमयाभरणं पिव पयन्ति दिसापुरन्धीओ ॥
"Aho Shrutgyanam"