Kasaypahudam Part 02

Book Title: Kasaypahudam Part 02
Author(s): Gundharacharya, Fulchandra Jain Shastri, Kailashchandra Shastri
Publisher: Bharatiya Digambar Sangh

View full book textPrevious | Next

Page 510
________________

१ पयडिविहत्तिगयगाहा-चुरिणसुत्ताणि पंगदीए मोहणिज्जा विहत्ति तह हिदीए अणुभागे ।
उक्कस्समणुकस्सं झीणमझीणं च हिदियं वा ॥२२॥ चु० सु०-संपहि, एदिस्से गाहाए अत्थो वुच्चदे। तं जहा, मोहणिजपयडीए विहत्तिपरूवणा, मोहणिजहिदीए विहत्तिपरूवणा, मोहणिजअणुभागे विहत्तिपरूवणा च कायव्वा त्ति एसो गाहाए पढमद्धस्स अत्थो। एदेहि तिहि वि अत्थेहि एक्को चेव अत्थाहियारो । 'उक्कस्समणुकस्सं' चेदि उत्ते पदेसविसय-उकस्साणुक्कस्साणं गहणं कायव्वं; अण्णेसिमसंभवादो। पयडि-द्विदि-अणुभाग-पदेसाणमुक्कस्साणुक्कस्साणं गहणं किण्ण कीरदे ? ण, तेसिं गाहाए पढमत्थे (-द्धे ) परूविदत्तादो। एदेण पदेसविहत्ती सूइदा । 'झीणमझीणं' त्ति उत्ते पदेसविसयं चेव झीणाझीणं घेत्तव्वं; अण्णस्स असंभवादो। एदेण झीणाझीणं सूचिदं। 'हिदियं' त्ति वुत्ते जहण्णुक्कस्सष्टिदिगयपदेसाणं गहणं । एदेण हिदियंतिओ सूइदो। एदे तिण्णि वि अत्थे घेत्तूण एक्को चेव अत्थाहियारो; पदेसपरूवणाद्वारेण एयत्तुवलंभादो । एसो गुणहरभडारएण णिदित्थो ।। ___ 'विहत्तिहिदि अणुभागे च त्ति' अणियोगद्दारे विहत्ती णिक्विवियब्वा । णाम विहत्ती ढवणविहत्ती दव्वविहत्ती खेत्तविहत्ती कालविहत्ती गणणविहत्ती संठाणविहत्ती भावविहत्ती चेदि । ____णोआगमदो दव्वविहत्ती दुविहा, कम्मविहत्ती चेव णोकम्मविहत्ती चेव । कम्म विहत्ती थप्पा। तुल्लपदेसियं दव्वं तुल्लपदेसियस्स अविहत्ती। वेमादपदेसियस्स विहत्ती । तदुभयेण अवत्तव्वं । खेत्तविहत्ती तुल्लपदेसोगाढं तुल्लपदेसोगाढस्स अविहत्ती। कॉलविहत्ती तुल्लसमयं तुलसमयस्स अविहत्ती । गणणविहत्तीए एक्को एकस्स अविहत्ती।
संठाणविहत्ती दुविहा संठाणदो च, संठाणवियप्पदो च । संठाणदो वह वहस्स अविहत्ती । व तंसस्स वा चउरंसस्स वा आयदपरिमंडलस्स वा विहत्ती। वियप्पेण वसंठाणाणि असंखेजी लोगा। एवं तंस-चउरंस-आयदपरिमंडलाणं। सरिसव सरिसवहस्स अविहत्ती। एवं सव्वत्थ ।
जा सा भावविहत्ती सा दुविहा, आगमदो य णोऑगमदो य । आगमदो उवजुत्तो पाहुडजाणओ। णोआगमदो भावविहत्ती ओदइओ ओदइयस्स अविहत्ती । ओदईओ उपसमिएण भावेण विहत्ती । तदुभएण अवत्तव्वं । एवं सेसेसु वि । एवं सव्वत्थ ।२।
जा सा दव्वविहत्तीए कम्मविहत्ती तीए पयदं । तत्थ सुत्तगाहा
(१) पृ० १ । (२) पृ० २ । (३) पृ० ४। (४) पृ० ५। (५) पृ० ६ । (६) प०७ । (७) पृ० ८। (८) पृ० ९। (९) पृ० १० । (१०) पृ० ११ । (११) पृ० १२ । (१२) पृ० १३ । (१३) पृ० १६ ।
Jain Education International
For Private & Personal Use Only
www.jainelibrary.org


Page Navigation
1 ... 508 509 510 511 512 513 514 515 516 517 518 519 520