Kappasuttam Vhas Vises Chunni Sahiyam Part 03

Author(s): Bhadrabahuswami, Sanghdasgani Kshamashraman,
Publisher: Shubhabhilasha Trust

Page 17

८६०
विसेसचुण्णि
[बंभावायपगयं आलोयणाए अंतरं अलभमाणो रूसिज्जा, पडिपुच्छगो वा आलोयणावट्ठियं दटुं रुसेज्ज । एवं असंखडं होज्ज, वादिपाहुणगमहणगिलाणे दुल्लभभिक्खा एषां व्याख्या
चिंतेति वादसत्थे, वादि पडियरति देति पडिवायं । महइ गणे पाहुणगा, वीसामण पज्जुवासणया ॥५६९७॥ आलोयणा सुणिज्जति, जाव य दिज्जइ गिलाणबालाणं । हिंडंति चिरं अन्ने, पाओगुभयस्स वा अट्ठा ॥५६९८॥
"चिंतेति वादसत्थे०"["आलोयणा०"] गाहाद्वयम् । अण्णे य अपुव्वगाण साधूहि णेति, अण्णे नियत्तंति पाओग्गं पाहुणगादीणं । 'उभयस्स' त्ति भत्तपाणस्स वा अट्ठाए दीहं कालं हिंडंति ।
पाउग्गोसहउव्वत्तणादि अतरंति जं च वेज्जस्स । किमहिज्जउ खलु भिक्खे, केसवितो भिक्खहिंडीहिं ॥५६९९॥ "पाउग्गोसह०" गाहा । कण्ठ्या । एएहिं कारणेहिं गच्छ वाघायं णाउं ते गंतुमणा बाहिं, आपुच्छंती तहिं तु आयरियं । भणिया भणंति भंते !, ण ताव पज्जत्तगा तुब्भे ॥५७००॥ उप्पण्णे उवसग्गे, दिव्वे माणुस्सए तिरिक्खे य । हंदि ! असारं नाउं, माणुस्सं जीवलोगं च ॥५७०१॥ ते निग्गया गुरुकुला, अन्नं गामं कमेण संपत्ता ।
काऊण विद्दरिसणं, इत्थीरूवेणुवस्सग्गो ॥५७०२॥
"ते गंतुमणा०" ["उप्पण्णे०" "ते निग्गया०"] गाहा । आयरिएण वारिया दिव्वमाणुस्सतिरियउवसग्गाणं सहणे वयेहा' अहियासेतुं । ते एवं भणिया एवं भणंति-आयरियं तुब्भं चेव चलणप्पसाएण सक्केहामो अहियासेउं, जाणामो जहा असारं माणुस्सं भोगा य माणुस्सगा। ताहे ते वारिया वि संता सच्छंदेणं णिग्गया एगम्मि उवणार गामे भिक्खवेलाए एगाए देउलियाए ठिया । तत्थ जो तेसिं मूलिओ सो पडिवस्सयपालो सेसा भिक्खटाए पविट्ठा । अह एगा सम्मदिट्टिया देवया चितेइ -
१. विहारे च न तावदद्यापि यूयं पर्याप्ताः मलवृ । २. उवसएज्जग चूर्णिः ।