Jain Adarsh Prasango Part 01

Author(s): Bhadreshwarvijay
Publisher: Bhadreshwarvijay

Page 3

સુખનો સરળ રસ્તો અનુમોદના
ઉત્તમના ગુણ ગાવતા ગુણ આવે નિજ ગ તે ગુણ તાસ અનુમોદીએ પુણ્ય અનુબંધ શુભ યોગ રે
સર્વ જીવ ઊંચા સુખોને ઈચ્છે છે. જ્ઞાનીઓ ફરમાવે છે કે સુખ મેળવવાના ઉપાયો આ છે :- ગુણપ્રાપ્તિ, ગુણરાગ, ગુણીની ભક્તિ વગેરે. પરંતુ અનેક દોષોથી ભરેલા આજના માનવોને એ ભાન થઈ ગયું છે કે આ બધા ઉપાય બહુ મુશ્કેલ છે. આપણે માટે તો ઉપરની બે કડીમાં અનુભવીઓએ સચોટ અને સરળ ઉપાય બતાવ્યો છે કે ગુણીની પ્રશંસા અને અનુમોદનાથી પણ રથકાર અને હરણ વગેરેની જેમ સદ્ગુણો, અતિની પરંપરા અને પ્રાંતે શિવસુખ અવશ્ય મળે છે.
વર્તમાનકાળના ઉત્તમ ધર્મીઓની આરાધના આ પુસ્તકોમાં વાંચતા અત્યંત આનંદિત થયેલો આપણો આત્મા સહજપણે જ ધર્મીઓના ગુણાનુવાદ તથા અનુમોદના કરે છે. તેથી ગુણહીન આપણો આત્મા પણ અનેક આત્મિક લાભ મેળવી લે છે.
પ.પૂ. ઉપાધ્યાય યશોવિજય મ.સા. વગેરેએ દુર્ગુણોથી ભરેલા આપણી સમક્ષ પ્રશંસા અને અનુમોદના આ બે સાવ સહેલા ધર્મનો જબ્બર પ્રભાવ અનેક ગ્રંથોમાં વર્ણવ્યો છે. વળી વર્તમાનમાં આપણા જેવાં જ માનવોની ધર્મઆરાધના વાંચતા આપણી શક્તિ અને સંયોગ પ્રમાણેની આરાધના અલ્પ પ્રયત્નથી આપણે પોતે પણ જીવનમાં લાવી ભાવિ ભવોમાં મહાન ગુણી બની જઈએ છીએ. અને બીજું, સદ્ગુણોની ઓટવાળા આ વર્તમાનકાળમાં શ્રેષ્ઠ ધર્મ આરાધના કહી શકાય તેવા ધાર્મિક, સત્ય, વર્તમાન, પ્રેરક આ પ્રસંગો આ પુસ્તકોમાં સંગ્રહિત કર્યા છે. કોઈક નાના માણસની થોડી સારી વાત પણ ઘણાને ખુશ કરી દે છે. આમાં તો ધર્મી જૈનોની અદ્ભુત આરાધના વાંચતા વાંચતા બધાને અપાર આનંદ આવશે જ એ નિઃશંક છે. તેથી જ માત્ર ૧૦ વર્ષમાં અનેક આવૃત્તિ અને લાખો નકલોમાં પ્રગટ થયેલ આ સરસ અને સુંદર પુસ્તકો તમે જરૂર વારંવાર વાંચશો અને અનેકોને વંચાવી પુણ્યભંડાર ભરશો.
ભગવાન જેવો આપણો આત્મા અનાદિકાળથી ભયંકર દુઃખો ભોગવી રહ્યો છે. અનંતપુણ્ય મળેલા આ દુર્લભ માનવભવમાં વિલાસી વાતાવરણમાં કદાચ તમે ધર્મ કરી શકતા નથી. તો પણ આવા પુસ્તકો એ ત્રીજા ઔષધ જેવા છે.
જૈન આદર્શ પ્રસંગો-૧
૩