Jain Adarsh Prasango Part 01

Author(s): Bhadreshwarvijay
Publisher: Bhadreshwarvijay

Page 9

વગેરેને વાગ્યું નથી ને ? વગેરે ચિંતા થાય જ. આમના તો બે સંતાનો મર્યા અને અન્ય બે જણને ખૂબ વાગ્યું અને બીજા બે બાળકો સાથે જ હતાં. ત્યારે તો એ માતાને પોતાના સંતાનો અને પરિવારની ખૂબ ચિંતા હોય. પરંતુ એ શ્રાવિકાને ખ્યાલ આવી ગયો હશે કે મોત પાસે છે, તેથી સ્વ આરાધના માટે સાવધ થઈ ગયા ! કોઇપણ ચિંતા ન કરતા પોતાને માત્ર નવકાર સંભળાવવાની જ વાતો કરે !!! આ બહેન પણ પુત્ર વત્સલ હતાં. ગાડીમાં પણ મૃત્યુને દિવસે પણ તે સંતાનોને નવી સ્તુતિ વગેરે ગોખાવતા હતાં. ! આવી ધર્મરાગી મા સમાધિ મૃત્યુ પામવા સતર્ક બની ગઈ.
ઇજાગ્રસ્તોને ટ્રકમાં હોસ્પીટલમાં લઈ જતા હતાં. આ શ્રાવિકાને રસ્તામાં શ્વાસની તકલીફ થઇ હતી. છતાં પતિએ શું થાય છે એમ પૂછતાં એ જવાબ ઉડાવી દઇ બહેને આગ્રહ કર્યો, “મને નવકાર સંભળાવો.” આનું કારણ છે. આ બહેને જીવતાં ધર્મ આત્મસાત્ કરેલ ! ખૂબ ગુણીયલ હતી. બાળવયથી જ ધર્મ અભ્યાસ, તપ વગેરે કરવા માંડેલા ! શ્રાવિકાઓમાં, સગાસંબંધીઓમાં સર્વની આદરપાત્ર આ ધર્મિષ્ઠાબહેનના આખા જીવનમાં ધર્મ જ પ્રધાન હતો !!! આ શ્રાવિકા સંતાનોને, સંઘને સદા આરાધના કરાવતી હતી. પોતાના પતિની હોસ્પીટલમાં ચિકિત્સા માટે પધારેલ બધાં સાધુ, સાધ્વીની ખડે પગે સેવા કરતી. જો કે પોતે તત્ત્વવેત્તા હતી. મારા પ. પૂ. ગુરુદેવ માટે આ બહેનને અતિશય આદર હતો, છતાં દરેક સમુદાયના સાધુસાધ્વીની વૈયાવચ્ચ ભાવભક્તિથી કરતી હતી !! કદી કોઇની પણ નિંદા ન કરે !!! આ જ બાબત એ સિદ્ધ કરે છે કે આ શ્રાવિકાને સંયમ-પ્રીતિ હતી !! ફાલતુ બાબતોથી એ અલિપ્ત હતી ! જૈન આદર્શ પ્રસંગો-૧ 4િ [ ]