________________
૨૮
ના બે મોટા કાઉસ્સગીયાવિદ્યમાન છે, તેના ઉપર અનુકેમે વિ. સં. ૧૨૧૯૧૩૪ અને ૧૩૪ના લેખે ખોદેલા છે, એટલે આ ત્રણે ચીજો પ્રાચીન છે. પણ તેમાં આ ગામનું કે આ મંદિરનું નામ નથી તેથી બીજે ગામથી કે અહીંના આરસના મંદિરમાંથી પાછળથી લાવીને અહીં પધરાવી હોય એવી કલ્પના પણ થઈ શકે. આ ત્રણે લેખમાં બીજા 'કઈ ગામનું નામ પણ નથી, એટલે કદાચ આ ત્રણે વસ્તુઓ અહીંના આરસના મંદિરમાં પધરાવવા માટે કરાવી હોય, અને તેમાં પધરાવી હોય, એમ પણ માની શકાય. પછી આરસના મંદિરમાંથી જ્યારે બધી મૂત્તિઓ “લઈ લેવામાં આવી હશે ત્યારે આ ત્રણે ચીજોને ત્યાંથી લાવીને આ મંદિરમાં પધરાવી હશે, એમ લાગે છે.
આ મંદિરને ઘાટ,એની બાંધણી વગેરે જોતાં આ મંદિર ત્રણસો-ચારસો વરસથી વધારે જૂનું જણાતું નથી. કદાચ આ ઠેકાણે પહેલાં પ્રાચીન અને સુંદર મંદિર હોય અને પાછળથી જીર્ણોદ્ધારના વખતે સમયાનુસાર કેઈએ આવું સાદું મંદિર બંધાવ્યું હોય તો એ પણ સંભવિત છે.
આ મંદિરમાં મૂળ નાયકજીના સ્થાન પર પ્રભુજીની જે મૂર્તિ બિરાજમાન છે, તેના પર લાંછન સ્પષ્ટ નથી, સાવ ઘસાઈ ગયેલ છે, એટલે તે કયા ભગવાનની મૂત્તિ છે? તેની ખાત્રી થતી નથી. પણ આ પ્રદેશના લોકો આ દેરાસરજીના મૂળ નાયક શ્રી ગોડી પાર્શ્વનાથજી
