________________
'અમાસના દિવસે કલ્યાણકારી કલ્યાણકભૂમિની સ્પર્શના |
દેવાંગના ને દેવતાઓ, જેની સેવના ઝંખતા, મળી તીર્થકલ્પો વળી, જેના ગુણલાં ગાવતા, જિનો અનંતા જે ભૂમિએ, પરમપદને પામતા, એ ગિરનારને વંદતા, મુજ જન્મ આજ સફળ થયો.
શાસ્ત્રકારો ફરમાવે છે કે...
ગિરનાર મહાતીર્થની મધ્યે આજ પર્યત અનંતા તીર્થંકર પરમાત્માના દીક્ષા-કેવળ અને મોક્ષ કલ્યાણક થયેલ છે તથા અન્ય અનંતા તીર્થંકર પરમાત્માના માત્ર મોક્ષકલ્યાણક થયા છે. - આ મહાતીર્થ ઉપર થયેલ અનંતા તીર્થકર કલ્યાણક દિનોની તિથિ તથા ચોક્કસ સ્થાનથી પણ આપણે આજે અજ્ઞાત છીએ ત્યારે આપણા જન્મો જનમના અજ્ઞાન તિમિરને દૂર કરવા...
ચાલો ! શ્રી નેમિનાથ પ્રભુના કેવળજ્ઞાન કલ્યાણકની માસિક તિથિના દિવસે આ કલ્યાણકભૂમિની સ્પર્શના-ભક્તિની સાથે સાથે ભૂતકાળમાં થયેલ અનંતા તીર્થંકર પરમાત્માના દીક્ષાકલ્યાણક કેવળજ્ઞાનકલ્યાણક અને મોક્ષ કલ્યાણકની પાવનભૂમિની પણ સ્પર્શના-ભક્તિની આરાધના દ્વારા આપણા અનંતાજન્મોના વિષય-કષાયના કર્મમલને દૂર કરી આત્મકલ્યાણની આરાધના કરીએ. | શ્રી નેમિપ્રભુના કેવળજ્ઞાન કલ્યાણક અવસરે અમાસના દિવસે કરોડો દેવતાઓ દ્વારા સમવસરણની રચના થઈ હતી ત્યારે શ્રી નેમિપ્રભુના શાસનના તથા શ્રી ગિરનારજી મહાતીર્થના અધિષ્ઠાયિકા દેવી તરીકે અંબિકાદેવીની સ્થાપના પણ થઈ હતી.
'બાલબ્રહ્મચારી શ્રી નેમિપ્રભુના કલ્યાણક દિન
અવનકલ્યાણક - આસો વદ ૧૨ શૌરીપુરી જન્મકલ્યાણક - શ્રાવણ સુદ ૫ શૌરીપુરી દિક્ષાકલ્યાણક - શ્રાવણ સુદ ૬ સહસાવન(ગિરનાર) કેવળજ્ઞાનકલ્યાણક - ભાદરવા વદ અમાસ સહસાવન (ગિરનાર) મોક્ષકલ્યાણક - અષાઢ સુદ ૮ પાચમી ટૂંક (ગિરનાર)
દર માસની અમાસે ગિરનારજી મહાતીર્થની યાત્રા કરવા અવશ્ય પધારો...
૨૦૮
