Dharmabhyudayam

Author(s): Punyavijay
Publisher: Atmanand Jain Sabha

Page 26

धर्माभ्युदयम् । (इति अन्यत्र व्रजन्निव तत्तुल्यलोकेन संबोधनं कृत्वेव स्थाप्यते । कृतमौने च सर्वजने)
पुरन्दर:-( मन्त्रिणं प्रति) अमात्य ! सांप्रतमसाम्प्रतं भवतः कालक्षेपकरणेन । शीघ्रमेव धवलगृहं गत्वा मौहूर्तिकोत्तमप्रदत्तप्रधानमुहूर्ते राजन्यनन्दनः सुनन्दनः पृथिव्यां राजन्वतीत्वहर्षपीयूषवर्षायाभिषिच्यताम् । नरेश्वराकस्मिकतनहणसमुत्थविरहव्यथादुःखितपद्मावतीदेवीपुरःसरान्तःपुरपरिकरो राजवल्लभलोकश्च सर्वः संबोधनीयोऽस्ति ।
अमात्यः यदादिशति त्रिदशस्वामी । पुनरागमनवन्दनाय वन्दामहे श्रीवीरजिनेश्वरमत्रभवन्तं राजर्षि च ।
पुरन्दर:-अयमस्माभिः प्रदीयमानः सत्यार्थप्रथमान: शत्रुञ्जयाभिधान: पुण्यवत्परिभोग्यः प्रतिहतापायः कोऽपि वस्त्राभरणसमुदायः परिगृह्यताम् ।
अमात्यः-स्वामिन् ! अनेन कृतसमग्रजगन्मङ्गलसंग्रहेण समुल्लासिश्रीवलसूदनानुग्रहेण किमपूर्णमस्माकम् ।
पुरन्दर:-अमात्य ! गरीयान् कल्याणप्रस्तावोऽयम् । सर्वथा न विधेय एव निषेधः । ( इति खहस्तेन प्रतिपन्थिनिमथनपथ्यं नेपथ्यं समर्पयति ।)
महाननुग्रहः । ( इति गृहीत्वा अमात्यः शिरसाऽभिवन्दते।)
पुरन्दर:-अमात्य ! समारब्धबाहुबलिविजयनाव्यावलोकनकुतूहलिनः स्वर्गलोकगमनाय वयमपि समुत्सुका वर्तामहे । कथय यदस्माभिरमिन्नवसरे विधेयमास्ति।
___www.jainelibrary.org