Book Title: Bhagwati Sutrana Adbhut Bhavo Part 01 and 02 Author(s): Shobhna Kamdar Publisher: Shobhna Kamdar View full book textPage 4
________________ કેટલાક પ્રશ્નો અધ્યાત્મ જ્ઞાનની નવી ક્ષિતિજો ઉઘાડી આપે છે. આમ આમાં એક અલૌકિક દર્શન નિરુપાયું છે અને એ અલૌકિક દર્શનનું પ્રાગટ્ય જે રીતે પ્રશ્નોત્તરથી થયું છે, તે પદ્ધતિ પણ રસપ્રદ અને અર્થપૂર્ણ છે. આવા ભગવતી સૂત્રના ઉદ્દેશકોમાંથી જુદાં જુદાં વિચારો તારવીને અહીં આપ્યા છે અને એ રીતે પ્રશ્નના ઉત્તરમાં રજૂ થયેલું નવનીત અહીં સાંપડે છે. આ અગાઉ શ્રી શોભનાબહેન કામદારે સમયસારનો સાર', “સંક્ષિપ્ત નંદીસૂત્ર અને ‘શ્રી ઉત્તરાધ્યયન સૂત્રનો અર્ક (ભાગ ૧-૨) જેવાં પુસ્તકો લખ્યા છે અને એમ એ ગ્રંથોમાં આલેખાયેલા ગહન વિચારોનું સ્પષ્ટ રીતે આકલન કર્યું છે. આવા ગ્રંથોના ઊંડાણમાં જવું, એની પરીભાષા જાણવી, એના સંદર્ભો પામવા અને પછી એમાં રજૂ થયેલાં ભાવોને પ્રગટ કરવા – એ સ્વયં મહાપ્રયત્ન છે. આવો પ્રયત્ન કરતી વખતે શ્રી શોભનાબહેન કામદારને હૃદયમાં કેટલો બધો હર્ષોલ્લાસ પ્રગટ્યો હશે એની હું કલ્પના કરી શકું છું. એનો સ્વાધ્યાય કરતી વખતે સામે આગમ ગ્રંથ હોય અને ભીતરમાં નવા નવા અર્થોનું પ્રાગટ્ય થતું હોય એ પ્રક્રિયા સમયના એમના હર્ષોલ્લાસની કલ્પના કરું છું. એમના દ્વારા આવા ગ્રંથોમાંથી મોતી મળતાં રહે અને તેઓ ગ્રંથોના મહાસાગરમાં મરજીવાની માફક ડૂબકી મારીને સૂક્ષ્મ અને શાશ્વત મોતી આપતા રહે, એ જ અભ્યર્થના. - ડૉ. કુમારપાળ દેસાઇPage Navigation
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 ... 217
