Bandhswamitva Tritiya Karmgranth

Author(s): Ramyarenu
Publisher: Rander Road Jain Sangh

Page 320

असमत्तपणिंदितिरिय णरेसु विण तित्थणारगसुराऊ । पणयालीसजुअसयं, देवेसु विणा - उत्थि णिरयाऊ ॥ ६ ॥ सगयालीसहियसयं, एवं तुरिए गुणम्मि तित्थूणा । छायालब्भहियसयं, आइमदुइअतइअगुणेसुं ॥७॥ णिरयाउतित्थरहियं, छचत्तअहियसयमत्थि भवति । तह चउगुणेसु वि णवरि, सयमाहारचउगस्स बीअगुणे ॥८ ॥ णिरयतिरियाउगूणा, गेविज्जंतेसु आणयाईसुं । छायालसयं एवं, तुरिए पढमाइतिगुणेसुं ॥९ ॥ पणयालीसजुअसयं, तित्थूणाऽणुत्तरेसु तुरिअगुणे । आहारदुगे छट्ठे, तिरिणिरयाऊ विणा छचत्तसयं ॥१०॥ ओघव्व णरपणिंदिय-तसभवियेसु सयला गुणा तेर दुमणवयणकायउरल - सुक्काहारेसु पढमा - ऽत्थि ॥११॥ दुमणवय-णयण- अणयण- सण्णीसु हवेज्ज बारसगुणाऽज्जा । दस लोहे चउ विउवा - ऽजएसु चउ छ व कुलेसासुं ॥१२॥ बारसयं तेरसयं, जा पुमथीसु नवमे कमाऽज्जाई । पणचउतिजुअसयं जा, कोहाइतिगे कमा णवमे ॥ १३ ॥ णाणतिगे ओहिम्मि य, नव अजयाई उ वेअगे चउरो । केवलदुगे दुवेंऽता -ज्जा दो तिण्णि व अणाणतिगे ॥१४॥ होइ सठाणं देसे, सुहमे सासाणमीसमिच्छेसुं । अहखाए चरमचऊ, सत्तज्जा तेउपउमासुं ॥ १५ ॥ णवरं तित्थयरं विण, सगचत्तालीससंजुयसयं तु । गुणठाणम्मिय पढमे, तीसु पसत्थासु लेसासुं ॥१६॥ एगिंदिविगलभूदग-वणेसु विण तित्थणारगसुराऊ । पणयालसयं बीए, णराउआहारचउगूणा ॥ १७ ॥ चउआलीससयं जिण - तिआउहीणाऽत्थि तेउवाऊसुं । णिरयामराउगूणा, छायालसयं उरलमीसे ॥ १८ ॥
303