________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
ઓકટોબર - ૨૦૦૬
શ્રી આત્માનંદ પ્રકાશ વર્ષ: ૬, અંક: ૪
ભાવનગર જૈન સ્પે. મૂ. તપા. સંઘના ઉપક્રમે યોજાયેલી ગુણાનુવાદ સભા સકલ સંઘના કાર્યોમાં જીવન વ્યતિત કરનાર જૈનાચાર્યના કાળધર્મથી મોટી ખો૮ પડી છે
જૈનાચાર્ય શ્રી વિજય ચંદ્રોદયસૂરીશ્વરજી મ.સા. જૈન શાસનના ચમકતા સિતારા હતા. ભાવનગર જૈન શ્વે. મૂ. પૂ. તપાસંઘના ઉપક્રમે તા.૧૩-૮-૦૬ ના નૂતન ઉપાશ્રયે પૂ.આ.શ્રી વિજયહેમચંદ્રસૂરિજી મ.સા., પૂ.આ.શ્રી વિજયપ્રદ્યુમ્નસૂરિજી મ.સા. આદિની શુભ નિશ્રામાં પૂ.આ.શ્રી વિજયચંદ્રોદયસૂરીશ્વરજી મ.સા.ની ગુણાનુવાદ સભાનું આયોજન કરવામાં આવ્યું હતું.
આ સભામાં સમસ્ત ભાવનગરમાં બિરાજમાન પૂ. સાધુ - સાધ્વીજી ભગવંતો પધાર્યા હતા. સભાનું સંચાલન શ્રી મનીષભાઈ કનાડિયાએ કર્યું હતું.
પૂ.આ.શ્રી હેમચંદ્રસૂરિજી મ.સા. એ પોતાના વકતવ્યમાં સ્વર્ગસ્થ આચાર્યશ્રીના જીવનમાં રહેલા નિખાલસતા/સરળતા/નિપુણતા તેમજ સાહસિકતા વગેરે ગુણો વર્ણવ્યા હતા. ગમે તેવા અઘરા કાર્યો હોય તેઓ કદી હિંમત હારતા નહિ અને તે કાર્ય કરીને જ રહેતા. અંજનશલાકા અને પ્રતિષ્ઠા તો એમના જીવનમાં વણાઈ ગયા હતા. ૧૬ વર્ષની વયે સંયમ સ્વીકારી ૬૨ વર્ષના દીક્ષા પર્યાયમાં શ્રી સંઘના અગણિત કાર્યો કરીને જીવન ધન્ય બનાવ્યું હતું.
પૂ.આ.શ્રી વિજયપ્રદ્યુમ્નસૂરિજી મ.સા. એ જણાવ્યું હતું કે સ્વર્ગસ્થ આચાર્યશ્રીથી ભાવનગરનો સંઘ સારી રીતે માહિતગાર છે. અહીં તેમણે અનેક ઐતિહાસીક કાર્યો કર્યા છે. એમના જીવનમાં થાક શું કહેવાય એ એમણે કદી કળાવા દીધું નથી. તેઓના જીવનમાં વિનોદવૃત્તિ પણ એવી હતી. વાતો એવી ખૂબીથી કરતાં કે સાંભળનારા પેટ પકડીને હસે. કોઈ એવા મોટા શહેર નહી હોય કે જેમાં તેમણે અંજન
શલાકા/પ્રતિષ્ઠા કરાવી ન હોય. તેમના વડિલબંધુ પૂ.આ.શ્રી વિજયઅશોકચંદ્રસૂરિજી મ.સા. નો એમના દરેક કાર્યોમાં પૂરેપૂરો સહયોગ રહેતો.
ભાવનગર જૈન સંઘના પ્રમુખશ્રી સૂર્યકાંત રતિલાલ શાહે પૂ. આચાર્યશ્રીએ ભાવનગર જૈન સંઘ ઉપર કરેલા ઉપકારોનું વર્ણન કરી અહીં થયેલા ૮00 સિદ્ધિતપ વિશ્વરેકોર્ડ સર્યાનું જણાવ્યું હતું. આવા શાસન પ્રભાવક આચાર્યશ્રીની વિદાયથી જૈન શાસન, શાસનસમ્રાટ સમુદાયને તથા વિશેષ કરીને ભાવનગર જૈન સંઘને કદી ન પુરાય તેવી ખોટ પડી છે. આ પ્રસંગે બાર નવકાર ગણી પૂજ્યશ્રીના દિવ્ય આત્માની શાંતિ ઈચ્છવામાં આવી હતી.
શ્રાવક – શ્રાવિકાઓ, આગેવાનો તથા શ્રમણ -શ્રમણીઓની વિશાળ હાજરીમાં આ ગુણાનુવાદ સભા યોજાઈ હતી.
અન્ય શ્રમણ ભગવંતોએ પણ સ્વર્ગસ્થ આચાર્યશ્રીના અનેક ગુણોનું વર્ણન કરી એ ગુણોમાંથી અમુક અંશો આપણામાં આવે તોય જીવન ધન્ય બની જાય તેવી શુભકામના વ્યક્ત કરી હતી.
આટલું જરૂર યાદ રાખો..
હા, રેલ્વેના ટાઈમ ટેબલમાં ફેરફાર થઈ શકે છે, ઝમ્બો જેટ પ્લેન લેઈટ આવી શકે છે, ટપાલ કે ટેલીગ્રામ ગેરવલ્લે જઈ શકે છે, દૂધવાળો – છાપાવાળો કે કપડાવાળો કદાચ સમયમાં ગરબડ કરી શકે છે પણ યાદ રાખજો કે યમરાજના આગમનમાં કોઈ ફેરફાર થતો નથી. મૃત્યુ તો નિશ્ચિત સમયે જ આવે છે.
For Private And Personal Use Only
