________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
ડ ટાઈમ ટેબલ .
વલસાડ, તા. ૨૦-૧-૧૯૧૨ વિવેક દૃષ્ટિથી સર્વ કાર્યો કરવાનો અભ્યાસ પાડવો જોઈએ, કારણ ઉપયોગ રાખી તે કાર્યો કરવાથી ભૂલ થતી નથી.
જે જે કાર્યો કરવામાં આવે તે કેટલા કર્યા તે ઉપર જ લક્ષ્ય નહિ આપતા તે તે કાર્ય કેવું સુંદર કર્યું તે ઉપર જ લક્ષ્ય આપવું જોઈએ. થોડું કરવું પણ સુંદર કરવું. આવી વૃત્તિથી ઉત્તમ કાર્યો કરી શકાય છે.
જેનું ફળ ઉત્તમ હોય એવી ક્રિયાઓ કરવામાં આત્માની શક્તિઓને વાપરવી જોઈએ. જે જે કાર્યો કરવામાં આવે તેની ચારે તરફથી તપાસ કરવી જોઈએ. દરેક કાર્યોમાંથી નવો અનુભવ મેળવવો જોઈએ. ઘણાં કામ લઈને પડતાં મૂકવા કરતાં એક કામ લઈને તેને પરિપૂર્ણ કરવું એ ઘણું સારું છે.
નિયમસર અનુક્રમ પદ્ધતિથી કાર્ય કરવાની ટેવ પાડવાથી તે તે કાર્યો કરવામાં આત્માની શક્તિનો નિયમસર ઉપયોગ થાય છે.
શાસ્ત્રોના આધારે સાધુના આચારોને પણ નિયમ પદ્ધતિથી રચવામાં આવ્યા છે એમ દેખાય છે. આત્માની શક્તિઓને પ્રાપ્ત કરવાના વિચારો અને આચારોને પણ કાલક્રમ નિયમ પદ્ધતિથી સેવવા જોઈએ.
કાલાદિ નિયમસર કાર્ય કરનારો માણસ વખતની કિંમત આંકી શકે છે અને બીજા માણસો ઉપર તે સારો દાખલો બેસાડી શકે છે. આંગ્લ આદિ દેશોના માણસો પોતાના ટાઈમ ટેબલ પ્રમાણે સર્વે કાર્યો કરે છે તેથી તેઓ પ્રવૃત્તિ માર્ગના નેતાઓ તરીકે સર્વત્ર પુજાય છે. પહેલાં આર્યવર્તમાં પણ કાલાદિક્રમ નિયમ પદ્ધતિસર કાર્યોને કરવામાં આવતાં હતાં. હાલ કેળવણીના અભાવે કાલક્રમ વ્યવસ્થા પર:સર કાર્ય કરનારાઓ થોડા દેખાય છે. નિયમસર કાર્ય કરવાની પદ્ધતિ આ દેશમાં હજી જોઈએ તે પ્રમાણે આચારમાં મુકી શકાઈ નથી. જો કે તે પ્રમાણે ઘણે અંશે પ્રવૃત્તિ થાય છે તો પણ તે બરાબર તો નહિ જ. સર્વ સાધુઓ જો ટાઈમ ટેબલ પ્રમાણે નિયમિત કાર્ય કરે તો તેઓ સમયની સાફલ્યતાપૂર્વક ઘણા કાર્યો કરી શકે. જાપાન દેશની સ્ત્રીઓ પણ પોતાના ટાઈમ ટેબલ પ્રમાણે કાર્ય કરે છે અને તે દેશની જાહોજલાલી સારી રીતે થઈ છે.
ઘણા કામ લઈને પડતાં મૂકવા કરતાં એક કામ
લઈને તેને પરિપૂર્ણ કરવું એ ઘણું સારું છે.
(સ્વ. શ્રીમદ્ બુદ્ધિસાગરસૂરિજી મ. સા. ની નોધપોથીઓનું પુસ્તક ‘પાથેય’માંથી સાભાર)
For Private And Personal Use Only
