Atmanand Prakash Pustak 084 Ank 05

Author(s): Kantilal J Doshi
Publisher: Jain Atmanand Sabha Bhavnagar

Page 4

ભાવાર્થ મહાસતી રામતી નેમિનાથ પ્રભુને કહે છે, “હે નાથ! પશુઓના પોકારનું બહાનું બતાવીને આ૫ તારણે આવીને રથ પાછો ફેરવીને ચાલ્યા ગયા ! અને મારી સાથેની નવ ભવની પ્રીત ભૂલી ગયા શું? તે આપ પરણવા નીકળ્યા ત્યારે કેવી જાતનું મુહૂર્ત જેવડાવ્યું હતું ? ૧.
હે સ્વામીનાથ ! જે હરણને કારણે ચંદ્ર કલંકિત કહેવાય છે, અને જે હરણને કારણે રામ અને સીતાજીનો વિયોગ થયે હતું તે કુરંગ (હરણ)ને વચને આપ પાછા ફર્યા એવી વાત કણ માને ? ૨.
હે સ્વામીનાથ! મને આપે મનમાંથી ઉતારી દીધી તેનું સાચું કારણ તે હું જાણી ગઈ છું હે ! પ્રભુ! અનંત સિદ્ધોએ ભેગવેલી ધૂતારી મુક્તિ-વધૂને મેળવવાની આપને ઈચ્છા થઈ છે એ જ સાચું કારણ છે ને? કે ણ જાણે આપે તે મુક્તિરમણી સાથે શું ગુપ્ત સંકેત કર્યો હશે! ૩.
પરંતુ હે પ્રભુ આપ સમજી લેજે કે મુક્તિ વધૂ સાથે પ્રીત કરવી સહેલી છે પણ તેને ટકાવી રાખવી એ ઘણું અઘરું છે. સર્પને હાથમાં રમાડ કે અગ્નિની જવાળા સાથે કામ પાડવું એ બે જેટલા અઘરા છે એટલું જ કઠણ એ મુક્તિ-વધૂ સાથે પ્રેમ ટકાવી રાખવે એ છે. ૪.
પણ હે પ્રભુ લગ્નના પ્રસંગે આપે ભલે મારે હાથ ઉપર હાથ મૂક્યો નહિ, (ભલે હસ્તમેળા ૫ ન કર્યો, પણ હવે મને દીક્ષા લેવાને અવસર આપે જેથી હે જગતના નાથ મારા શિર ઉપર આપને હાથ રહે (અર્થાત્ આપને હાથે જ વાસક્ષેપ નખાવીશ.) ૫.
આ પ્રમાણે વિલાપ કરતા રાજીમતીજી નેમિનાથ પ્રભુ પાસે ગયાં અને તેમની પાસે દીક્ષા હીધી. વાચક યશ એટલે કે ઉપાધ્યાયશ્રી યશોવિજયજી કહે છે કે અંતમાં એ દંપતી નેમરાજુલ સિદ્ધ થયા એમને આપણે પ્રણામ કરીએ. ૬.
સફળતાની ચાવી તમારા મગજમાંથી ગુલામી મને દશા હાંકી કાઢે. તમે માલીક છે. સ્વતંત્ર છે. મુખ્ય મુશ્કેલી એ છે કે આપણામાંના ઘણાખરા, માનસિક જડતા અનુવવીએ છીએ. એ જડતા કે જે આપણને બંધનમાં રાખી રહી છે તેને દૂર કરી, આપણામાં યોગ્ય વિચારો જાગ્રત કરી, આપણી જાતને હલાવીએ તે સઘળા સંગ આપણને અનુકૂળ થશે. કાષ્ઠત નાગ્રત ઊઠો અને જાગે.
– ડેસનના લખાણના આધારે
[આત્માનંદ પ્રકાશ