________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
૩૦૪
શ્રી આત્માનંદ પ્રકાશ. સરસ્વતી દેવીની મનોહર મૂર્તિ છે. ચતુર્હસ્તા મૂર્તિ છે. જમણા હાથમાં નીચે માળા અને ઉપર પુસ્તક છે. ડાબા હાથમાં ઉપર ચક-(કમળ) જેવું છે અને નીચે વરદાન આપવાનો ભાવ છે. મૂર્તિ ઉપર લેખ પણ છે. સંવત ૧૨૬૯ માં શાન્તિસૂરિજીએ આ સરસ્વતીની મૂર્તિની પ્રતિષ્ઠા કરી છે. આ સિવાય ગામમાં જિનમંદિરમાં ૧૦૯૨, ૧૧૬૯, ૧૨૦૦, ૧૨૪૩-૧૪૪૫ આદિ સમયના સાંડેકગચ્છ, નાણકીયગચ્છ આદિના લેખે છે જે ગછના ઇતિહાસમાં સુંદર પ્રકાશ પાડે તેવા છે.
એક તો ૧૨૪૩ ની જિનપ્રતિમા સાદેવી સુલાગણિની, કમલશ્રી, અભયશ્રી, મલયશ્રી આદિના ઉપદેશથી બનેલી છે અને જેની પ્રતિષ્ઠા શ્રી શાન્તિસૂરિજીએ કરેલી છે. બન્ને બાજુ ઉપદેષ્ટા સાદવીની મૂર્તિ પણ છે. આ પ્રમાણે શિલાલેખ છે, તેમ જ મન્દિરની બહાર ગોખલામાં શ્રી મહેન્દ્રસૂરિજીની ભવ્ય પ્રતિમા છે.
- તેમાં વચમાં મહેન્દ્રસૂરિજી છે, બને પડખે શ્રાવક, શ્રાવિકા છે, નીચે સ્થાપનાજી છે અને તેની પાસે તદ્દન નાની મૂર્તિ શાન્તિસૂરિજીની છે. છ પંક્તિને લેખ પણ છે. સંવત્ ૧૨૦૦ માં મહેન્દ્રસૂરિજીની પ્રતિમાની સ્થાપના શાન્તિસૂરિજીએ કરી એ ભાવ છે. જમણું ખભા ઉપર કપડાની સ્પષ્ટ આકૃતિ છે. પ્રવચન મુદ્રાએ મૂર્તિ બનાવી છે. ડાબા હાથમાં પાટી–પુસ્તક છે જેમાં ૧૬વોફિરું કરેલું છે. જમણા હાથમાં મુહપત્તિ છે. પ્રતિમા સુંદર છે.
* ૧ અારી ગામ બહાર વા થી માઈલ દૂર મહાકુડેશ્વર-માર્કન્ડેશ્વર મહાદેવના મન્દિર પછવાડે પણ સરસ્વતીની સુન્દર મૂર્તિ છે. આ સ્થાન પણ ઘણું પ્રાચીન છે. અહીં સરસ્વતીને બે હાથ છે. લેખ નથી. મારા મત મુજબ તો ગામના જિનમંદિરમાં બિરાજમાન સરસ્વતીની પ્રતિમા પ્રાચીન લાગે છે. અહીં આબુના પ્રસિદ્ધ ગિરાજ શ્રી શાન્તિસૂરિજી મળ્યા. ખૂબ જ આનંદમાં ત્યાં આઠ દિવસ રહ્યા અને તેમની સાથે મળ્યા. તેઓના જ અતીવ આગ્રહથી, પ્રેમથી જ આટલા દિવસો ત્યાં રહેવું પડયું. તેઓ ત્યાંની મિયાણુ, ભિલ, રાજપુત તથા અન્ય શુદ્ર જાતિને મદિરા, માંસ શિકાર, હિંસા છોડાવે છે. રાજા મહારાજા અને યુરોપિયન તથા અનેક અજેનેને પણ ઉપદેશ આપી હિંસા બંધ કરાવવા બનતું કરે છે, એ જોઈ બહુ જ આનંદ થયો છે.
૨ આ સ્થાનના મૂલ લેખો જેવા ઈચ્છનાર મહાનુભાવોએ એ ન સત્ય પ્રકાશ માસિક જેવું.
For Private And Personal Use Only
