Atmanand Prakash Pustak 026 Ank 07

Author(s): Jain Atmanand Sabha Bhavnagar
Publisher: Jain Atmanand Sabha Bhavnagar

Page 12

૧૭૬
શ્રી આત્માન પ્રકાશ.
©©©A | સર્વ નાશનું મૂળ. ||
જે વખતે અખીલ ભારત ઉપર રજપુત રાજાએ પોતાની આણ ફેરવી રહ્યા હતા, જે વખતે હિંદ હિંદુઓથી મઘમઘી રહ્યું હતું, જે વખતે ભારત સ્વતંત્રતાની બંસી બજાવી રહ્યું હતું, જે વખતે દિલ્હી અજમેર ને કને જના રજપુત રાજાઓ એજ્યતાની સાંકળથી બંધાએલા હતા, જે વખતે ચેહાણ અને રાઠોડ વીરે પરસ્પર સહાય આપી દુમનને હંફાવતા હતા, તે વખતે કેઈપણની તાકાત ન હતી કે હિંદ તરફ આંખ પણ ફેરવી શકે? પરંતુ દુર્ભાગે માત્ર એક રજપુત કન્યા (સંયુક્તા ) માટે આપસ આપસ લડાઈઓ કરી, અંદર અંદર વેર ઝેર વધારી, ઐકયતાનો નાશ કરી, કુસંપરૂપી કીડાને ઉત્પન્ન કરી, પૃથ્વીરાજ અને જયચંદ્ર બળહીન થયા. તે તકનો લાભ લઈ સરહદપરથી શાહબુદિન ઘેરીએ હિંદમાં પગ પેસારો કર્યો, હિંદુ રાજયોને પરતંત્રતાની જંજીરમાં નાખ્યા.
જગતભરના ઈતિહાસનું અવલોકન કરતાં જણાય છે કે કેઈપણ રાષ્ટ્ર, કોઈપણ કોમ અગર કેઈપણ સમાજનું જે અધ:પતન થયું હોય તો તેમના આંતરિક કજીયાઓને લીધેજ.
હવે આધુનિક સમયને વિચાર કરીએ તો જ્યાં સુધી હિંદમાં હિંદુ અને મુસલમાને આપ આપસ લડયા કરશે, ગોવધ તથા મસજીદ પાસે વાજા વગાડવાની ગરમાગરમ ચર્ચાઓ ઉપસ્થિત કર્યા કરશે, એક બીજી કેમ પોતાને હિંદી તરીકે ઓળખતા નહિ શીખે, હાથમાં હાથ મીલાવી અરસપરસનો ભેદ નહિ તોડે ત્યાં સુધી હિંદ કદાપી ઉદયને શિખરે પહોંચી શકશે નહિ. દેશની આબાદી થશે નહિ, અને સુખને ખરો માર્ગ જડશે નહિ. દેશના મહાન નેતાઓ હિંદને સંસ્થાનિક સ્વરાજ્ય (Dominion States) અગર સંપૂર્ણ સ્વતંત્રતા ( Independence) અપાવવા માટે તનતોડ પ્રયાસ કરી રહ્યા છે, હિંદુ મુસલમાનને એકસંપમાં લાવવા માટે અંતરના લેહી એક કરી રહ્યા છે, ત્યારે જૈન સમાજ આપણું સ્થાન કયાં છે? ઉન્નતિને આરે છે કે અવનતિના ખાડામાં છે, આપણે પોતાના જ દેશીભાઈઓનું અનુકરણ કરીને, બીજી કોમેની પાછળ પાછળ ચાલીને આપણે જરૂર આગેકુચ કરવી પડશે. દુર્દશાની ગર્તામાંથી જરૂર બહાર નીકળવું પડશે.
વેતાંબર અને દિગંબરોના કજીયાઓને દેશવટો આપવો પડશે. યોગ્ય દિક્ષા અને અયોગ્ય દિક્ષાઓની પ્રવૃત્તિરૂપ ચર્ચાઓનો ત્યાગ કરવો પડશે. ધર્મને નામે સમાજને આપત્તિમાં ફેંકતા જરૂર અટકવું પડશે.
જ્યાંસુધી કુસંપરૂપી કીડો સમાજને છેતરતો હશે ત્યાં સુધી આપણી ઉપર,