________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
ગ્રંથાવલોકન.
૧૪૯
પ્રમુખપણા નીચે કરવામાં આવ્યો હતો. પ્રથમ આમંત્રણ પત્રિકા વંચાયા બાદ પ્રમુખ સાહેબે મંગળાચરણ સાથે ટુંક જીવનચરિત્ર કહ્યું હતું. ત્યારબાદ તેઓશ્રીના શિષ્ય પન્યાસ શ્રીલાલવિજયજી મહારાજે તે સંબંધમાં કેટલીક હકીકત વિસ્તારથી કહી હતી, ત્યારબાદ ગાંધી વલ્લભદાસ ત્રિભુવનદાસે જયંતિ એટલે શું? તે શા માટે કરવી જોઈએ, પ્રાચીન–અર્વાચીન તે ચાલતો આવતો ક્રમ, દરેક ધર્મના મહાત્માની ઉજવાતી જુદા જુદા પ્રકારે જયંતિ એ વિષે વિસ્તારથી જણાવ્યા બાદ શ્રીમાન મુલચંદજી મહારાજના જીવનચરિત્રમાંથી અમુક હકીકત લઈ તેમની ચારિત્રની દૃઢતા, જ્ઞાનબળ, યોગબળ, ક્રિપાત્રતા સંઘના નાયક તરીકે ઉક્ત મહાત્માની શક્તિ વિગેરેનું વર્ણન ઘણું અસરકારક રીતે કર્યું હતું. છેવટે ઉક્ત મહાત્મા શ્રીમાન વૃદ્ધિચંદ્રજી મહારાજ અને શ્રીમદ્ વિજયાનંદસૂરિ (આત્મારામજી મહારાજ) ના આ દેશની જૈન પ્રજા ઉપરના અનેક ઉપકારોનું વર્ણન કરી તે ત્રણે મહાત્માની જયંતિ આ શહેરમાં દરેક વર્ષે ઉજવવા માટેની નમ્ર વિનંતિ શ્રી સંધને કરી બેસી જવાની રજા લીધી હતી. ત્યારબાદ શ્રીમાન ગુલાબવિજયજી મહારાજે મંગળિક સંભળાવ્યું ત્યારબાદ મેળાવડો વિસર્જન થયું હતું, ત્યારબાદ શ્રી જૈન આત્માનંદ સભા ભાવનગર તરફથી બપોરના બે વાગે શ્રી વલ વિજયજી મહારાજ કૃત શ્રી પંચપરમેછીની પૂજા દાદાસાહેબના દેવાલયમાં ભણાવવામાં આવી હતી, સાથે દરેક દેરાસરમાં આંગી અને સાંઝના પાંચ વાગે સ્વામીવાત્સલ્ય પણ થયું હતું.
મુનિ વિહારથી થતા લાભે. ––ડાંગરવા પાસે આવેલા નાનચંદ રાયચંદના જીનમાં મુનિ મહારાજ શ્રી માનવિજ્યજી, શ્રી વિવેકવિજયજી, શ્રી કીતિવિજયજી, શ્રી લલિતવિજયજી, શ્રી સંતોષવિજયજી, શ્રી નાયકવિજયજી, શ્રી કીર્તિવિજયજી, શ્રી પ્રભાવવિજય આદિ ઠાણ ૧૦) બીરાજે છે. તેમના બીરાજવાથી ત્યાં રહેલા અમદાવાદના સદ્દગૃહસ્થો ધર્મ કરણીમાં સારો લાભ લે છે તેમજ એક સદગૃહસ્થ મહાવીર જૈન વિદ્યાલય તરફથી છપાતા જેન પ્રકરણું ગ્રંથો પૈકી એક ગ્રંથ છપાવવા વાસ્તે રૂા. ૫૦૦) ની મદદ આપવા કબુલ કર્યું છે, બીજાં ધર્મ ખાતાઓમાં પણ મદદ સારી મળી છે. ત્યાંથી વિહાર કરી ઉક્ત મુનિરાજે ઇટાદરામાં પધાર્યા હતા. ત્યાં પણ ધર્મ કાર્યો સારા થયા હતા. એક ગૃહસ્થ તરફથી શ્રી મહાવીર વિદ્યાલયને રૂા. ૫૦૦) ની મદદ ઉક્ત મુનિરાજોના ઉપદેશ વડે મળેલી છે અને તે સાથે ઘણા વખતથી આ ગામમાં કુસંપ ચાલતો હતો તે દૂર થતાં ત્યાંના સંઘમાં અંકયતા થઈ છે.
ગ્રંથાવલોકન
નીચેના મુદ્દે અમને ભેટ મળેલા છે જે ઉપકાર સાથે સ્વીકારવામાં આવે છે. ૧ પરિક્ષા પરિણામ. (સ્થાનકવાસી જૈન મુનિના આઠ પ્રશ્નોને ઉત્તર (ગાંધી અભેચંદ
ભગવાનદાસ તરફથી. ૨ શ્રી નારાજ ચરિત્ર ( ભાષાંતર) આ ગ્રંથના મૂળ કત્તા શ્રીમાન મેહતુંગાચાર્ય છે. દેવ દ્રવ્ય વિનાશ કરવાથી કેવા ઘોર દુઃખો ભોગવવા પડે છે તેનું વર્ણન આ ચરિત્રમાં છે તેમજ સાથે ન્યાય સંપન્ન વૈભવ, કર્મની સિદ્ધિ, જીવ હિંસાથી ઉપજતા કઠોર પરિણામો અને સત્સંગતિથી થતા લાભ વગેરે હકીકત પણ આ ગ્રંથમાં છુટી છુટી આપવામાં આવતા તે ઉપયોગી થયેલ છે પ્રકાશક પુરુશોતમદાસ જયમલદાસ મહેતા સુરત-નાણુ વટ પડાળીપાળ કીંમત પાંચ આના.
For Private And Personal Use Only
