Agam Suttani Satikam Part 14 Nirayavalika Aadi 10agam payanna

Author(s): Dipratnasagar, Deepratnasagar
Publisher: Agam Shrut Prakashan

Page 18

अध्ययनं -१
इत्येवं स कालः चेटकराजस्य रथेन प्रतिरथं 'हव्वं' शीघ्रम् आसन्नं- संमुखीनम् आगच्छन्तं दृष्टा चेटकराजः तं प्रति 'आसुरुत्ते' रुट्ठे कुविए चंडिक्किए 'मिसिमिसेमाणे 'त्ति, तत्र आशु - शीघ्रं रुष्टः - क्रोधेन विमोहितो यः स आशुरुष्टः, आसुरं वा असुरसत्कं कोपेन दारुणत्वात् उक्तं भणितं यस्य स आसुरोक्तः, रुष्टो - रोषवान् 'कुविए' त्ति मनसा कोपवान्, चाण्डिक्यितो दारुणीभूतः 'मिसिमिसेमाणे' त्ति क्रोधज्वालया ज्वलन्, 'तिवलियं भिउडिं निडाले साहद्दु' त्ति त्रिवलिकां भृकुटिं - वलोचनविकारविशेषं ललाटे संहत्य-विधाय, धनुः परामृशति, बाणं परामृशति, विशाखस्थानेन तिष्ठति, 'आययकण्णायतं' ति आकर्णान्तं बाणमाकृष्य' एगाहच्चं' ति एकयैवाहत्या आननंप्रहारो यत्र जीवितव्यपरोपणे तदेकाहत्यं यथा भवति एवं, कथमित्याह - 'कूडाहच्चं ' कूटस्येव-पाषाणमयमहामारणयन्त्रस्येव आहत्या आहननं यत्र तत्कूटाहत्यं, 'भगवतोक्तेयं व्याख्या,' 'अप्फुण्णा समाणी' व्याप्ता सती । शेषं सुगमं यावत्
मू. (८) भंते त्ति भगवं गोयमे जाव वंदति नम॑सति २ एवं वयासी - कालेण भंते! कुमारे तिहिं दंतिसहस्सेहिं जाव रहमुसलं संगामं संगामेमाणे चेडएणं रन्ना एगाहचं कूडाहचं जीवियाओ ववरोविते समाणे कालमासे कालं किच्चा कहिं गते ? कहिं उववन्ने ? गोयमाति समणे भगवं गोयमं एवं वदासि - एवं खलु गोयमा ! काले कुमारे तिहिं दंतिसहस्सेहिं जाव जीवियाओ ववरोविते समाणे कालमासे कालं किच्चा चउत्थीए पंकप्पभाए पुढवीए हेमाभे नरगे दससागरोवमठिइएस नेरइएसु नेरइयत्ताए उववन्ने ।
मू. (९) कालेण भंते! कुमारे केरिसएहिं आरंभेहिं केरिसएहिं (समारंभेहिं केरिसएहिं) आरंभसमारंभेहिं केरिसएहिं भोगेहिं केरिसएहिं संभोगेहि केरिसएहिं भोगसंभोगेहिं केरिसेण वा असुभकडकम्मपब्भारेणं कालमासे कालं किच्चा चउत्थीए पंकप्पभाए पुढवीए जाव नेरइयत्ताए उववन्ने ? एवं खलु गोयमा ! ते णं कालेणं तेण णं समएणं रायगिहे नामं नयरे होत्था, रिद्धत्थि - मिसमिद्धा । तत्थ णं रायगिहे नयरे सेणिए नामं राया होत्था, महया । तस्स णं सेणियस्स रन्नो नंदा नामं देवी होत्था, सोमाला जाव विहरति ।
१५
तस्स णं सेणि यस्स रन्नो नंदाए देवीए अत्तए अभए नामं कुमारे होत्था, सोमाले जाव सुरूवे साम० दंडे जहा चित्तो जाव रजधुराए चिंतए यावि होत्या तस्स णं सेणियस्स रन्नो चेल्लणा नामं देवी होत्था, सुकुमाला जाव विहरइ ।
मू. (१०) तते णं सा चिल्लणा देवी अन्नया कयाइं तंसि तारिसयंसि वासघरंसि जाव सीहं सुमिणे पासित्ता णं पडिबुद्धा, जहा पभावती, जाव सुमिणपाढगा पडिविसज्जिता, जाव चिल्लणा से वयणं पडिच्छित्ता जेणेव सए भवेणे तेणेव अनुपविट्ठा । तते णं तीसे चेल्लणाए देवीए अन्नया कयाइं तिण्हं मासाणं बहुपडीपुण्णाणं अयमेयारूवे दोहले पाउब्यूए-धन्नाओ णं ताओ अम्मयाओ जाव अम्मजीवियफले जाओ णं सेणियस्स रन्नो उदरवलीमंसेहिं सोल्लेहि य तलिएहि य भज्जितेहि य सुरं च जाव पसन्नं च आसाएमाणीओ जाव परिभाएमाणीओ दोहलं पविर्णेति ।
तते णं सा चेल्लणा देवी तंसि दोहलंसि अविणिज्जमाणंसि सुक्का भुक्खा निम्मंसा ओलुग्गा ओलुग्गसरीरा नित्तेया दीनविमणवयणा पंडुइतमुही ओमंथियनयणवयणकमला जहोचियं पुष्फवत्थगंधमल्लालंकारं अपरिभुंजमाणी करतलमलियव्व कमलमाला ओहतमनसंकप्पा जाव झियायति । तते णं तीसे चेल्लणाए देवीए अंगपडिया रियातो चेल्लणं देविं सुक्कं भुक्खंजाव झियायमाणी