Agam Suttani Satikam Part 14 Nirayavalika Aadi 10agam payanna

Author(s): Dipratnasagar, Deepratnasagar
Publisher: Agam Shrut Prakashan

Page 24

अध्ययनं-१
२१
जाव जनवयं च एकारसभाए विरिंचति २ सयमेव रज्जसिरिं करेमाणे पालेमाणे विहरति ।
मू. (१७) तत्थ णं चंपाए नगरीए सेणियस्स रन्नो पुत्ते चेल्लणाए देवीए अत्तए कूणियस्स रन्नो सहोयरे कनीयसे भाया वेहल्ले नामंकुमारे होत्था सोमाले जाव सुरूवे । ततेणं तस्स वेहल्लस्स कुमारस्स सेणिएणं रन्ना जीवंतएणं चेव सेयणए गंधहत्थी अट्ठारसवंके हारे पुव्वदिन्ने तए णं से वेहल्ले कुमारे सेयणएणं गंधहत्थिणा अंतेउरपरियालसंपरिवुडे चंपंनगरिमझमझेणं निग्गच्छइ २ अभिक्खणं २ गंगं महानई मजणयं ओयरइ।
ततेणं सेयणएगंधहत्थी देवीओ सोडाएगिण्हति २ अप्पेगइयाओपुढेठवेति, अप्पेगइयाओ खंधे ठवेति, एवं अप्पे० कुंभे ठवेति, अप्पे० सीसे ठवेति, अप्पे० दंतमुसले ठवेति, अप्पे० सोंडाए गहाय उर्ल्ड वेहासरं उव्विहइ, अप्पे० सोंडागयाओ अंदोलावेति, अप्पेगइया दंतंतरेसु नीणेति, अप्पे० सीभरेणं ण्हाणेति, अप्पेगइयाओ अनेगेहिं कीलावणेहि कीलावेति ।
तते णं चंपाए नयरीए सिंघाडगतिगचउक्कचच्चरमहापहपहेसु बहुजणो अन्नमन्नस्स एवमाइक्खइजाव परूवेति-एवं खलु देवाणुप्पिया! वेहल्ले कुमारे सेयणएणं गंधहत्थिणा अंतेउरं तंचेव जाव नेगेहिं कीलावणएहिं कीलावेति, तंएसणं वेहल्ले कुमारे रज्जसिरिफलं पच्चनुब्भवमाणे विहरति, नो कूणिए राया।
तते णं तीसे पउमवईए देवीए इमीसे कहाए लद्धट्ठाए समाणीते अयमेयारूवे जाव समुप्पज्जित्था, एवं खलु वेहल्ले कुमारे सेयणएणं गंधहत्थिणाजाव अनेगेहिं कीलावणएहिं कीलावेति, तं एस णं वेहल्ले कुमारे रज्जसिरिफलं पच्चनुब्भवमाणे विहरति, नो कोणिए राया, तं किं अम्हं रजेण वा जाव जनवएण वा जइणं अम्हं सेयणगे गंधहत्थी नत्थि? तं सेयं खलु ममं कूणियं रायं एयमढें विनवित्तए तिकटु एवं संपेहेति २ जेणेव कूणिए राया तेणेव उवा०२ करतल जाव एवं वयासि-एवं खलु सामी वेहल्ले कुमारे सेयणएणगंधहत्थिणाजावअनेगेहिं कीलावणाहिं कीलावेति, तं किण्हं सामी अम्हं रज्जेण वा जाव जनवएण वा जतिणं अम्हं सेयणए गंधहत्थी नत्थि? तएणं से कूणिए राया पउमावईए देवीए एयमद्वं नो आढाति नो परिजाणति तुसिणीए संचिट्ठति । तते णं सा पउमावई देवी अभिक्खणं २ कूणियं रायं एयमटुं विन्नवेइ।।
तते णं से कूणिए राया पउमवईए देवीए अभिक्खणं २ एयमटुं विनविजमाणे अन्नया कयाइ वेहल्लं कुमारं सदावेति २ सेयणगंगंधहत्थिं अट्ठारसवंकं च हारंजायति । तते णं से वेहल्ले कुमारे कूणियं रायं एवं वयासि-एवं खलु सामी सेणिएणं रन्ना जीवंतेणं चेव सेयणए गंधहत्थी अट्ठारसवंके य हारे दिने, तंजइणं सामी! तुब्भे ममं रज्जस्स य (जनवयस्स य) अद्धं दलह तोणं अहं तुब्भ सेयणयं गंधहत्थिं अट्ठारसवंकं च हारं दलयामि । तते णं से कूणिए राया वेहल्लस्स कुमारस्स एयमद्वं नो आढाति नो परिजाणइ अभिक्खणं २ सेयणगं गंधहत्थि अट्ठारसवंकंच हारं जायति।
तएणंतस्सवेहल्लस्स कुमारस्स कूणिएणंरना अभिक्खणं २ सेयणगंगंधहत्थिं अट्ठारसवंकं चहारंएवं अक्खिविउकामेणं गिहिउकामेणं उद्दालेउकामेणं ममंकूणिए राया सेयणगंगंधहत्थि अट्ठारसवंकं च हारं तं जाव ताव ममं कूणिए राया सेयणगं गंधहत्थिं अट्ठारसवंकं च हारंगहाय अंतेउरपरियालसंपरिवुडस्स सभंडमत्तोवकरणमाताए चंपातो नयरीतोपडिनिक्खमित्ता वेसालीए नयरीए अज्जगंचेडयं रायं उवसंपज्जित्ताणं विहरित्तएष एवं संपेहेति २ कूणियस्स रन्नो अंतराणि