Agam Sutra Satik 37 Dasashrutskandh ChhedSutra 4

Author(s): Dipratnasagar, Deepratnasagar
Publisher: Agam Shrut Prakashan

Page 85

दशाश्रुतस्कन्ध- छेदसूत्रम् - १० / ९७
हियए सीहासनाओ अभुट्ठेइ २ त्ता जहा कोणितो जाव वंदति नम॑सति वंदित्ता नमंसित्ता ते पुरिसे सकारेति सम्मानेति २ त्ता विपुलं जीवियारिहं पितिदानं दलयति २ त्ता पडिविसज्जेति २ ता नगरगुत्तियं सद्दावेइ २ त्ता एवं वयासी । खिप्पामेव भो देवानुप्पिया ! रायगिहं नगरं सब्भित्तरं बाहरियं आसित्तसम्मज्जितोवलित्तं जाव पच्चुपिणाति ।
यू. (९८) ततेणं से सेणिए राया बलवाउयं सहावेउ २ त्ता एवं वयासी । खिप्पामेव भो देवानुप्पिया! हयगयरहजोहकलियं चाउरंगिणं सेन्नं सन्नाहेह जाव से पचपिणति, तएणं सेणिये राया जाणसालियं सद्दावेति २ था एवं वदासी खिप्पामेव भो देवानुप्पिया ! धम्मियं जानपवरं जुत्तामेव उवट्टवेहि उवट्टवेत्ता मम एतमाणत्तियं तेनेव उवागच्छइ २ त्ता जाणसालं अनुपविसति २ त्ता जाणगं पच्चुवेक्खति जाणगं पचोरुभति जाणगं संपमज्जति २ त्ता जाणगं नीनेति २ त्ता दूसं पवनेति २ त्ता जाणाई समलंकरेति २ ता जाणाई वरमंडियाइं करेति २ त्ता जेनेव वाहनसाला तेणेव उवागच्छइ २ त्ता वाहनसालं अनुप्पविसति २ त्ता वाहणाइं नीनेति २ त्ता दूसे पवनेति २ त्ता वाहणाई सालंकारेइ २ त्ता वाहणाई वरभंडमंडिताई करेति २ त्ता जाननं जोएति २ त्ता वट्टमग्गं गाहेति २ त्ता पओगलद्विपधरए य आरुहइ २ त्ता जेनेव सेणिए राया तेणेव उवागच्छइ २ ता करयल जाव एवं वदासी- जुत्ते ते सामी धम्मिए जानप्पवरे आइट्टे भद्दं तदूहाहि ।
८२
यू. (९९) तएण से सेणिए राया भिंभिसारे जानसालियरस अंतिए एयमङ्कं सोचा निसम्म हट्ठतु जाव मज्जनधरं अनुपविसइ जाव कप्परुक्खए चेव अलंकितविभूसिते नरिंदे जाव मज्जणधरातो पडिनिक्खमति २ त्ता जेनेव चेल्लनादेवी तेणेव उवागच्छति २ ता चेल्लणं देविं वदासि, एवं खलु देवानुप्पिये ! समणे भगवं महावीरे आदिकरे तित्थकरे जाव पुव्वानुपुव्वि व संजमेणं तवसा अप्पाणं भावेमाणे विहरति । तं महाफलं देवानुप्पिये ! तहा रूवाणं अरहंताणं जाव गच्छामी देवानुप्पिये ! समणे भगवं महावीरे वंदामो नम॑सामो सकारेमो सम्मानेमो कल्लाणं मंगलं देवतं चेतियं पज्जुवासामो, एतेणं इहभवे य परभवे य हिताए सुहाए खमाए निसेसाए जाव अनुगामियत्ताए भविस्सति
मू. (१००) ततेणं सा चेल्लणादेवी सेणियस्स रन्नो अंतिए एयमट्ठ सोच्चा निसम्म हट्टजाव पडिसुणेति, २ त्ता जेनेव मज्जणधरे तेणेव उवागच्छइ २ त्ता पहाता कयबलिकम्मा कय कोउयमंगलपायच्छित्ता किं ते वरपत्तणेउरमणि मेहल-हाररइयउवचियकडगखुडुएगावलीकंठ सुमरगय- तिसरतवखलयहेमसुत्तयकुंडलउज्जोयवियाणणा रयणविभूसियंगी चीणंसुयवत्थपरिहिता दुगुल्लसुकुमार कंतरमणिञ्जउत्तरिजा सव्योउय सुरभिकुसुमसुंदररयितपलंबसोहंकंतविकंतविकसंतचित्तमाला वरचंदनचचिया, वराभरणभूसियंगी कालागुरुधूवधूविया सिरिसमानवेसा बहूहिं खुजाहिं चिलातियाहिं जाव महत्तरवंदपरिक्खिता बाहरिया उवद्वाणसाला उवागच्छति ।
मू. (१०१) तणं से सेणिए राया चेल्लणाए देवीए सद्धिं धम्मियं जानप्पवरं दुरुहइ २त्ता सकोरिण्टमल्लदामनं छत्तेणं धरिज्रमाणेणं उबवाइगमेन नेयव्वं जाव पज्जुवासइ, एवं चेल्लणा देवी जाव महतरग-परिक्खित्ता जेनेव समणे भगवं महावीरे तेणेव उवागच्छइ २ त्ता समणं भगवं वंदति नमसंति सेणियं रायं पुरो काउं ठितिया चेव जाव पज्जुवासति तएणं समणे भगवं महावीरे सेणियस्स रत्रो भिभिसारस्स चेल्लणाए देवीए तीसे महति महालियाए परिसाए मुनिपरिसाए