Agam Sutra Satik 34 Nishith ChhedSutra 1

Author(s): Dipratnasagar, Deepratnasagar
Publisher: Agam Shrut Prakashan

Page 8

पीठिका - [भा. १]
नमो नमो निम्मल देसणस्स पंचम गणधर श्री सुधर्मास्वामिने नमः
३४/१ निशीथ-छेदसूत्रम्
सटीकं प्रथमं छेद सूत्रम्]
उद्देशकाः १.....६ - पर्यन्ताः मूलम् + [नियुक्तियुक्तेन भाष्यम् + चूर्णिः]
(पीठिका) ॥१॥ नमिऊणऽरहंताणं, सिद्धाण य कम्मचक्कमुक्काणं ।
सयणसिनेहविमुक्काण, सव्वसाहूण भावेण ॥ ॥२॥ सविसेसायरजुत्तं, काउ पमाणंच अत्थदायिस्स ।
पज्जुण्णखमासमणस्स, चरण-करणानुपालस्स। एवं कयप्पनामो, पक्कप्पनामस्स विवरणं वन्ने ।
पुवारियकयं चिय, अहं पितं चेव उ विसेसा॥ ॥४॥ भणिया विमुत्तिचूला, अहुणावसरो निसीहचूलाए।
को संबंधो तस्सा, भण्णइ इणमो निसामेहि ॥ [भा, १] नवबंभचेरमइओ, अट्ठारस-पद-सहस्सिओ वेदो ।
___ हवइय सपंचचूलो, बहुबहुयरओ पयग्गेण ॥ चू. “णद" इति संख्यावागयो सद्दो । “बंभं" चउब्विहं नामादि । तत्थ नामबंभंजीवादीणं जस्स बंभ इति नामं कजति । ठवणाबंभं अक्खातिविन्नासो | अहवा जहा बंभणुप्पत्ती आयारे भणिया तहा भाणियव्वा । गयाओ नाम-ठवणाओ | इयाणिं दव्वबंभं । तं दुविहं । आगमओ नोआगमओ य ।आगमओ जाणए, अनुवउत्ते। नोआगमओ-जाव-वइरितं । अन्नाणीणं जो वस्थि-संजमो, जाओ य अकामिआओ रंडकुरंडाओ बंभं धरेंति तं सव्वं दब्बबंभं । भावबंभं दुविहं आगमओ नोआगमओ य। आगमओ जाणए उवउत्ते। नोआगमओ साहूणं वत्थिसंजमो। वस्थि-संजमोत्ति मेहुणाओ विरती । साय अट्ठारसविहा भवति । सा इमा-ओरालियं च दिव्वंचजंतंओरालियं तंन सेवति, न सेवाविति, सेवंतंपिअन्न समणुजानाति । एवं दिव्ये वितिन्नि विकप्पा । जंतं ओरालियं न सेवति तं मणेणं वायाएकाएणं एवं कारावणानुमतीए वि तिन्नि तिन्नि विकप्पा । एते णव । एवं दिव्वे वि नव य। एते दो नवगा अट्ठारस हवंति । अहवा सत्तरसविहो संजमो भावबंभं भवति । गयं भावबंभ।
इयाणिं "चेरं" ति चरणं । तं छव्विहं । नाम १ ठवणा २ दविए ३ खेत्ते ४ काले ५ य भावचरणं ६ चिति । नाम-ठवणाओ, गयाओ ।