________________ श्रीमद्व्याख्याप्रज्ञप्ति (श्रीमद्भगवति) सूत्रं : शतकं 13 :: उद्देशकः 1 ] [ 447 दसणीवि श्राहारसन्नोवउत्तावि जाव परिग्गहसन्नोवउत्तावि, इत्थीवेयगा न उववज्जंति, पुरिसवेयगावि न उववजंति, जहन्नेणं एको वा दो वा तिन्नि वा उक्कोसेणं संखेजा नपुंसगवेदगा उववज्जंति, ए कोहकसाई जाव लोभकसाई सोइंदियउवउत्ता न उववज्जंति, एवं जाव फासिदिनोवउत्ता न उववजंति, जहन्नेणं एको वा दो वा तिन्नि वा उक्कोसेणं संखेजा नोइंदिअोवउत्ता उववज्जति, मणजोगी ण उववज्जति, एवं वइजोगीवि, जहन्नेणं एको वा दो वा तिन्नि वा उकोसेणं संखेजा कायजोगी उववज्जंति, एवं सागारोवंउत्तावि, एवं अणागारावउत्तावि 5 / इमीसे णं भंते ! रयणप्पभाए पुढवीए तीसाए निरयावास-सयसहस्सेसु संखेजवित्थडेसु नरएसु एगसमएणं केवइया नेरझ्या उववट्टांति ? केवतिया काउलेस्सा उववट्टति ? जाव केवतिया अणागारोवउत्ता उव्वट्टति ?, गोयमा ! इमीसे णं रयणप्पभाए पुढवीए तीसाए निरयावास-सयसहस्सेसु संखेजवित्थडेसु नरएसु एगसमएणं जहन्नेणं एको वा दो वा तिन्नि वा उकोसेणं संखेजा नेरइया उववट्टांति, एवं जाव सन्नी, असन्नी ण उव्वट्टति, जहन्नेणं एको वा दो वा तिन्नि वा उक्कोसेणं संखेजा भवसिद्धीया उव्वट्टांति, एवं जाव सुयअन्नाणी विभंगनाणी ण उववट्टति, चक्खुदंसणी ण उव्वट्टांति, जहन्नेणं एको वा दो वा तिनि वा उक्कोसेणं संखेजा अचक्खुदंसणी उव्वदृति, एवं जाव लोभकसायी, सोइंदियउवउत्ता ण उव्वदृति एवं जाव फासिदियोवउत्ता न उव्वति, जहन्नेणं एको वा दो वा तिन्नि वा उक्कोसेणं संखेजा नोइंदियो. वउत्ता उव्वट्टति, मणजोगी न उव्वट्टति, एवं वइजोगीवि, जहन्नेणं एक्को वा दो वा तिनि वा उक्कोसेणं संखेजा कायजोगी उव्वदृति, एवं सागरोवउत्ता श्रणागारोवउत्ता 6 / इमीसे णं भंते ! रयणप्पभाए पुढवीए तीसाए निरयावास-सयसहस्सेसु संखेजवित्थडेसु नरएसु केवइया नेरइया पन्नत्ता ? केवइया काउलेस्सा जाव केवतिया अणागारोवउत्ता पन्नत्ता ? केवतिया अणंतरो
