Agam 40 Mool 01 Aavashyak Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 12

(४०) आवस्सयं (पढमं मूलसुत्तं) ४५ अज्झयणं
[३]
उसभादिमहावीरपुज्जवसाणाणं । २१ । सू-१६ । ३१) इणमेव निग्गंथं पावयणं सच्चं अनुत्तरं केवलियं पडिपुन्ने नेआउयं संसुद्धं सल्लगत्तणं सिद्धिमग्गं मुत्तिमग्गं निज्जाणमग्गं निव्वाणमग्गं अवितहमविसंधि सव्वदुक्खप्पहीणमग्गं इत्थं ठिया जीवा सिज्झंति बुज्झंति मुच्वंति परिनिव्वायंति सव्वदुक्खाणं अंतंकरेतिं । २२ सू१७| ३२) तं धम्मं सद्दहामि पत्तियामि रोएमि फासेमि पालेमि अनुपालेमि तं धम्मं सद्दहंतो पत्तियंतो रोएंतो फासेंतो पालंतो अनुपालंतो तस्स धम्मस्स केवलि पन्नत्तस्स अब्भुट्ठिओमि आराहणाए विरओमि विराहणाए असंजमं परियाणामि संजम उवसंपज्जामि अबंभ परियाणामि बंभ उवसंपज्जामि अकप्पं परियाणामि कप्पं उवसंपज्जामि अन्नाणं परियाणामि नाणं उवसंपज्जामि अकिरियं परियाणामि किरियं उवसंपज्जामि मिच्छत्तं परियाणामि सम्मत्तं उवसंपज्जामि अबोहिं परियाणामि बोहिं उवसंपज्जामि अमग्गं परियाणामि मग्गं उवसंपज्जामि | २३/सू-१८। ३३) जं संभरामि जं च न संभरामि, जं पडिक्कमामि जं च न पडिक्कमामि, तस्स सव्वस्स देवसियस्स अइयारस्स पडिक्कमामि समणोहं संजय - विरय-पडियह पच्चक्खाय पावकम्मो अनियाणो दिट्ठिसंपन्नो मायामोसविवज्जओ | २४|सू(१९| ३४) अड्ढाइनेसु दीवसमुद्देसु पन्नरससु कम्मभूमीसु जावंत केई साहू रयहरण-गुच्छपडिग्गहधरा पंचमहव्वयधरा अट्ठारस सहस्स सीलंग धरा अक्खयायारचरित्ता ते सव्वे सिरसा मणसा मत्थएण वंदामि । २५ सू-२० । ३५) खामेमि सव्वजीवे सव्वे जीवा खमंतु मे मित्ती मे सव्वभूएस वेरं मज्झ न केणई ||८|| - १३६) एवमहं आलोइय निंदिय गरिहिय दुगंछिय सम्मं तिविहेण पडिक्कतो वंदामि जिणे चउवीसं ॥ ९ ॥ - २★★★ चउत्थं अज्झयणं समत्तं पंचमं अज्झयणं- काउस्सग्गो ★★★★ ३७) करेमि भंते सामाइयं सव्वं सावज्जं जोगं पच्चक्खामि जावज्जीवाए तिविहं तिविहेणं मणेणं वायाए काएणं न करेमि न कारवेम करतं पि अन्नं न समणुजाणामि तस्स भंते पडिक्कमामि निंदामि गरिहामि अप्पाणं वोसिरामि । २६ - १ । ३८) इच्छामि ठाइउं काउस्सग्गं जो मे देवासिओ
यारो कओ काइओ वाइओ माणसिओ उस्सुत्तो उम्मग्गो अकप्पो अकरणिज्जो दुज्झाओ दुव्विचितिओ अणायारो अणिच्छियव्वो असमणपाउग्गो नाणे दंसणे चरिते सुए सामाइए तिण्हंगुत्तीणं चउण्हंकसायाणं पंचण्हं महव्वयाणं छण्हंजीवनिकायाणं सत्तण्हंपिंडेसणाणं अट्ठण्हंपवयणमाऊणं नवहंबंभचेरगुत्तीर्ण दसवसमणधम्मे समणाणं जोगाणं जं खंडियं जं विराहयं तस्स मिच्छा मि दुक्कडं | २६ सूत्र - १ । ३९) तस्स उत्तरीकरणेणं पायच्छित्तकरणेणं विसोहीकरणेणं विसल्लीकरणेणं पावाणं कम्माणं निग्घायणट्ठाए ठामि काउस्सग्गं अन्नत्थ ऊससिएणं नीससिएणं खासिएणं छीएणं जंभाइएणं उड्डएणं वायनिसग्गेणं भमलीए पित्तमुच्छाए सुमिहिं अंगसंचालेहिं सुहूमेहिं खेलसंचालेहिं सुहेमेहिं दिट्ठिसंचालेहिं एवमाइएहिं आगारेहिं अभग्गो अविराहिओ हुज्न मे काउस्सग्गो जाव अरिहंताणं भगवंताणं नक्कारेण न पांरेमि तावकायं ठाणेणं मोणेणं झाणेणं अप्पाणं वोसिरामि । २७ सूत्र - २।४०) लोगस्स उज्जोयगरे धम्मतित्थयरे जिणे अरिहंते कित्तइस्सं चउवीसंपि केवली ।।२९.१ ।। ४१) उसभमजियं च वंदे संभवमभिनंदणं च सुमहं च पुसप्पहं सुपासं जिणं च चंदप्पहं वंदे ॥ २९.२।। ४२) सुविहिं च पुप्फदंतं सीअल सिज्नंस वासुपूज्नं च विमलमणंतं च जिणं धम्मं संतिं च वंदामि ॥ २९.३ ॥ ४३) कुंथुं अरं च मल्लिं वंदे मुणिसुव्वयं नमिजिणं च वंदामि रिट्ठनेमिं पासं तह वद्धमार्ण च ।। २९.४ ।। ४४) एवं मए अभिथुआ विहुय रयमला पहीण-जरमरणा चउवीसंपि जिणवरा तित्थयरा मे पसीयंतु ॥ २९.५ ।। ४५) कित्तिय वंदिय महिया जेए लोगस्स उत्तमा सिद्दा आरु ग्ग-बोहिलाभं समाहिवरमुत्तमं दितु ॥ २९.६ ।। ४६) चंदेसु निम्मलयरा आइच्चेसु अहियं पयासयरा सागरवरगंभीरा सिद्धा सिद्धिं मम दिसंत् ॥ २९.७ ॥ ४७) सव्वलोए अरहंत चेइयाणं करेमि काउस्सग्गं वंदणवत्तियाए पूअणवत्तियाए सक्कारवत्तियाए सम्माणवत्तियाए बोहिलाभवत्तियाए निरुवसग्गवत्तियाए स द्धाए मेहाए धिईए धारणाए अणुप्पेहाए वड्ढमाणीए ठामि काउस्सग्गं (अन्नत्थ०) |२८|सूत्र- ३ | ४८) पुक्खरवरदीवड्ढे धायइसंडे य जंबुद्दीवे य भरहेरवय विदेहे धम्माइगरे नम॑सामि ||१०|| १४९) तमतिमिरपडल विद्धंसणस्स सुरगणनरिंदमहियस्स सीमाधरस्स वंदे पप्फोडियमोहजालस्स ॥११॥-२५०) जाईजरामरण सोग पणासणस्स, कल्लाणपुक्खल विसालसुहावहस्स कोदेवदानवनरिंदगणच्चिअस्स, धम्मस्ससारमुवलब्भकरे पमायं ॥ १२ ॥ ३
5 श्री आगमगुणमजूषा १५७३ X