Agam 32 Devindatthao Navamam Painnayam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 20

गाहा-२८८
[२८८] ओगाहणाइ सिद्धा भवत्तिभागेण हुंति परिहीणा |
संठाणमणित्थंत्थं जरा मरण विप्पमक्काणं ।। [२८९] जत्थ य एगो सिद्धो तत्थ अनंता भवक्खयविमुक्का |
अन्नोन्नसमोगाढा पुट्ठा सव्वे अलोगते ।। [२९०] असरीरा जीवघना उवउत्ता दंसणे य नाणे य ।
सागारमनागारं लक्खणमेयं तु सिद्धाणं ।। [२९१] फुसइ अनंते सिद्धे सव्वपएसेहिं नियमसो सिद्धो ।
ते वि असंखिज्जगुणा देस-पएसेहिं जे पुट्ठा ।। [२९२] केवलनाणुवउत्ता जाणंती सव्वभावगुण-भावे ।
पासंति सव्वओ खलु केवलदिट्ठीहऽनंताहिं ।। [२९३] नाणंमि दंसणम्मि य इत्तो एगयरयम्मि उवउत्ता |
सव्वस्स केवलिस्सा जुगवं दो नत्थि उवओगा ।। [२९४] सुरगणसुहं समत्तं सव्वद्धापिंडियं अनंतगुणं । न वि पावइ मुत्तिसुहं नंताहिं वग्गवग्गूहिं ।। २९५] न वि अस्थि माणसाणं तं सक्खं न वि य सव्वदेवाणं । जं सिद्धाणं सोक्खं अव्वाबाहं उवगयाणं ।। [२९६] सिद्धस्स सुहो रासी सव्वद्धापिंडिओ जइ हविज्जा । नंतगुणवग्गुमईओ सव्वागासे न माएज्जा || २९७] जह नाम कोड मिच्छो नयरगणे बहविहे वियाणंतो | न चएइ परिकहेउं उवमाए तहिं असंतीए || [२९८] इअ सिद्धाणं सुक्खं अनोवमं नत्थि तस्स ओवम्म । किंचि विसेसेणित्तो सारिक्खमिणं सुणह वुच्छं ।। [२९९] जह सव्वकामगुणियं पुरिसो भोत्तूण भोयणं कोई ।
तण्हा-छुहाविमुक्को अच्छिज्ज जहा अमियतितो ।। [३००] इय सव्वकालतिता अठलं निव्वाणमुवगया सिद्धा |
सासयमव्वाबाहं चिट्ठति सुही सुहं पत्ता ।। [३०१] सिद्ध ति य बुद्ध ति य पारगय ति य परंपरगय त्ति |
उम्मुक्ककम्मकवया अजरा अमरा असंगा य ।। [३०२] निच्छिन्न सव्वदुक्खा जाइ-जरा-मरण-बंधणाविमुक्का |
सासयमव्वाबाहं अनुहवंति सुहं सया कालं ।। [३०३] सुरगणइड्ढि समग्गा सव्वद्धापिंडिया अनंतगुणा ।
न वि पावइ जिनइड्ढिं नंतेहि वि वग्गवग्गूहिं ।। [३०४] भवणवइ वाणमंतर जोइसवासी विमानवासी य । सव्विड्ढीपरियरिया अरहंते वंदया हुंति ।।
[दीपरत्नसागर-संशोधितः]
[19]
[३२ देविंदत्थओ]