Page #1
--------------------------------------------------------------------------
________________
नमो नमो निम्मलदसणस्स
पू. आनंद-क्षमा-ललित-सुशील-सुधर्मसागर गुरूभ्यो नमः
देविंदत्थओ-नवमं पइण्णयं
मुनि दीपरत्नसागर
Date: ।। 2012
Jain Aagam Online Series-32
Page #2
--------------------------------------------------------------------------
________________
कमंको
१
२
3
४
५
६
وا
३२ गंथाणुक्कमो
विसय
मंगलं, देविंद-पुच्छा
भवणवई - अहिगार
वाणमंतर - अहिगार
जोइसियाणं-अहिगार
[दीपरत्नसागर-संशोधितः]
मणियाणं अहिगार
इसिपब्भारापुढवि व सिद्धाधिगार
जिन इड्ढि-उवसंहार
[1]
गाहा
१-११
११-६६
६७-८०
८१-१६१
अणुक्कमो पिट्ठको
१-११
११-६६
६७-८०
८१-१६१
१६२-२७३
१६२-२७३
२७४-३०१ २७४-३०१
३०२-३०७ ३०२-३०७
२
२
६
११
१८
१९
[३२ | देविंदत्थओ]
Page #3
--------------------------------------------------------------------------
________________
बालब्रह्मचारी श्री नेमिनाथाय नमः
नमो नमो निम्मलदंसणस्स
ॐ ह्रीं नमो पवयणस्स
३२ देविंदत्थओ - नवमं पइण्णयं
[१] अमरनरवंदिए वंदिऊण उसभाइए जिनवरिंदे ।
वीरवर अपच्छिमंते तेलोक्कगरू पणमिऊणं ।। [२] कोई पढमे पाउसंमि सावओ समयनिच्छयविहिण्णू ।
वण्णेइ थयमुयारं जियमाणे वद्धमाणम्मि ।। [३] तस्स थुणंतस्स जिनं सोइयकडा पिया सुहनिसन्ना । पंजलिउडा अभिमुही सुणइ थयं वद्धमाणस्स [४] इंदविलयाहिं तिलयरयणंकिए लक्खणंकिए सिरसा |
पाए अवगयमाणस्स वंदिमो वद्धमाणस्स ।। [५] विनयपणएहिं सिढिलमउडेहिं अपडिहया जस्स देवेहिं ।
पाया पसंतरोसस्स वंदिमो वद्धमाणस्स ।। [६] बत्तीसं देविंदा जस्स गुणेहिं उवहम्मिया छायं ।
तो तस्स वियच्छेयं पायच्छायं उवेहामो ।। [७] बत्तीसं देविंद ति भणियमित्तंमि सा पियं भणइ ।
अंतरभासं ताहे काहेमो कोहल्लेणं ।। [८] कयरे ते बत्तीसं देविंदा को व कत्थ परिवसइ ।
केवइया कस्स ठिई को भवनपरिग्गहो तस्स [९] केवइया व विमाना भवना नगरा व हंति केवइया ।
पुढवीण व बाहल्लं उच्चत्तं विमान वण्णो वा [१०] का रंति व का लेणा उक्कोसं मज्झिमं जहन्न । उस्सासो निस्सासो ओही विसओ व को केसिं [११] विनओवयार ओवहम्मियाइ हासवसमुव्वहंतीए । पडिपुच्छिए पियाए भणइ सुयणु
! तं निसामेह [१२] सुयनाणसागराओ सुणिओ पडिपुच्छणाई जं लद्धं ।
पुन वागरणा बलियं नामावलियाई इंदाणं ।। [१३] सुण वागरणा बलियं रयणं व पणामियं च वीरेहिं ।
तारावलि व्व धवलं हियएण पसन्नचित्तेणं ।। [१४] रयणप्पभाइकुडनिकुडवासी सुतनू ! तेउलेसागा ।
वीसं विकसियनयना भवनवई ते निसामेह ।। [१५] दो भवनवई इंदा चमरे वइरोयणे य असुराणं । दो नागकुमारिंदा भूयानंदे य धरणे य ।।
? ||
? ||
? ||
[दीपरत्नसागर-संशोधितः
[2]
[३२ देविंदत्थओ]
Page #4
--------------------------------------------------------------------------
________________
गाहा १६
[१६] दो सुयणु ! सुवण्णिंदा वेणूदेवे य वेणुदाली य । दो दीवकुमारिंदा पुणे य तहा वसिठ्ठे य ।। [१७] दो उदहिकुमारिंदा जलकंते जलपभे य नाणं । अमियगइ अमियवाहन दिसाकुमाराण दो इंदा ।। [१८] दो वाउकुमारिंदा वेलंब पभंजणे य नामेण । दो थणियकुमारिंदा घोसे य तहा महाघोसे ।। [१९] दो विज्जुकुमारिंदा हरिकंत हरिस्सहे य नाणं । अग्गिसिह अग्गिमानव हुयासणवई वि दो इंदा ।। [२०] एए विकसियनयने भवनवर सुहनिसन्ने सुण भवन - परिग्गहमिमेसि || [२१] चमर-वइरोअणाणं असुरिंदाणं महानुभागाणं । तेसिं भवनवराणं चउसट्ठिमहे सयसहस्सा ।। [२२] नागकुमारिंदाणं भूयानंद धरणाण दोण्हंपि । तेसिं भवनवराणं चुलसी महे सयसहस्से || [२३] दो सुयणु ! सुवण्णिंदा वेणूदेवे य वेणुदाली य । सिं भवनवराणं बावत्तरिमो सयसहस्सा ।।
[२४] वाउकुमारिंदाणं वेलंब - पभंजणाण दोहंपि । तेसिं भवनवराणं छन्नवइमहे सयसहस्सा ।। [२५] चउसट्ठी असुराणं चुलसीई चेव होइ नागाणं । बावत्तर सुवणाणं वाउकुमाराण छन्नउई ।।
[२६] दीव-दिसा-उदहीणं विज्जुकुमारिंद-थणिय- मग्गीणं । छण्हंपि जुयलयाणं बावत्तरिमो सयसहस्सा ।। [२७] एक्केक्कम्मि य जुयले नियमा बावत्तरिं सयसहस्सा । सुंदर ! लीलाए ठिए ठिईविसेसं निसामेहि [२८] चमरस्स सागरोवम सुंदरि साहीया बोद्धवा बलिस्स वयरोयणिंदस्स ।। [२९] जे दाहिणाण इंदा चमरं मुत्तूणं सेसया भणिया । पलिओवमं दिवड्ढं ठिई उ उक्कोसिया तेसिं ।। [३०] जे उत्तरेण इंदा बलिं पमोत्तूण सेसया भणिया । पलिओमाइं दोण्णि उ देसूणाई ठिई तेसिं II [३१] एसो वि ठिइविसेसो सुंदररूवे
भोमिज्ज सुरवराणं सुण अनुभागो सुनयराणं ।। [३२] जोयणसहस्समेगं ओगाहित्तूण भवननगराई । रयणप्पभाइ सव्वे एक्कारस जोयणसहस्से ||
[दीपरत्नसागर-संशोधितः]
! दस दिसि वियसियजसा मए कहिया ।
[3]
! उक्कोसिया ठिई भणिया ।
! विसिट्ठरुवाणं ।
||
[३२ | देविंदत्थओ]
Page #5
--------------------------------------------------------------------------
________________
गाहा-३३
[३३] अंतो चउरंसा खलु अहिय मनोहरसहावरमणिज्जा |
बाहिरओऽविय वट्टा निम्मल वइरामया सव्वे ।। [३४] उक्किन्नंतरफलिहा अभिंतरओ उ भवनवासीणं ।
भवन-नगरा विरायंति कनग-सुसिलिट्ठ-पागारा ।। [३५] वरपठमकण्णिया मंडियाहिं हिट्ठा सहावलढेहिं ।
सोहिंति पइट्ठाणेहिं विविह-मणि-भत्ति-चित्तेहिं ।। [३६] चंदनपइट्ठिएहिं य आसत्तोसत्त मल्लदामेहिं ।
दारेहिं पुरवरा ते पडागमालाउरा रम्मा ।। [३७] अढेव जोयणाई उव्विद्धा हुंति ते दुवारवरा ।
धूमघडियाउलाई कंचन-दामोवणद्धाणि ।। [३८] जहिं देवा भवनवई वरतरुणी-गीय-वाइयरवेणं । निच्चसुहिया पमुइया गयं पि कालं न याणंति ।। [३९] चमरे धरणे तह वेणुदेव पुण्णे य होइ जलकंते ।
अमियगई वेलंबे घोसे य हरी य अग्गिसिहे [४०] कनग-मणि-रयणथूभिय-रम्माई सवेइयाइं भवनाई ।
एएसिं दाहिणओ सेसाणं उत्तरे पासे || [४१] चऊतीसा चोयाला अट्ठतीसं च सयसहस्साई ।
चत्ता पन्नासा खलु दाहिणओ हुंति भवनाई ।। [४२] तीसा चत्तालीसा चउतीसं चेव सयसहस्साइं ।
छत्तीसा छायाला उत्तरओ इंति भवनाई ।। [४३] भवनविमानवईणं तायत्तीसा य लोगपाला य ।
सव्वेसिं तिन्नि परिसा समानचठगुणाऽऽयरक्खा उ ।। [४४] चउसट्ठी सट्ठी खलु छच्च सहस्सा तहेव चत्तारि ।
भवनवइ-वाणमंतर-जोइसियाणं च सामाणा ।। [४५] पंचऽग्गमहिसीओ चमर-बलीणं हवंति नायव्वा ।
सेसयभवणिंदाणं छच्चेव य अग्गमहिसीओ || [४६] दो चेव जंबुद्दीवे चत्तारि य मानुसुत्तरे सेले ।
छव्वारुणे समुद्दे अट्ठ य अरुणम्मि दीवम्मि ।। [४७] जं नामए समुद्दे दीवे वा जंमि हुंति आवासा |
तन्नामए समुद्दे दीवे वा तेसिं उप्पाया ।। [४८] असुराणं नागाणं उदहिकुमाराण हंति आवासा |
वरूणवरे दीवम्मि य तत्थेव य तेसिं उप्पाया ।। [४९] दीव-दिसा-अग्गीणं थणियकुमाराणं हंति आवासा । अरुणवरे दीवम्मि य तत्थेव य तेसिं उप्पाया ।।
[दीपरत्नसागर-संशोधितः]
[३२ देविंदत्थओ]
Page #6
--------------------------------------------------------------------------
________________
गाहा - ५०
[५०] वाउ-सुवण्णिंदाणं एएसि मानुसुत्तरे सेले । हरिणो हरिप्पहस्स य विज्जुप्पभ मालवंतेसु ।। [५१] एएसिं देवाणं बल-वीरिय-परक्कमो उ जो जस्स । ते सुंदर ! वण्णेऽहं अहक्कमं आनुपुव्वीए || [५२] जाव य जंबुद्दीवो जाव य चमरस्स चमरचंचा उ । असुरेहिं असुरकण्णाहिं तस्स विसओ भरेठं जे
[ ५३ ] तं चेव समइरेगं बलिस्स वइरोयणस्स बोद्धवं । असुरेहिं असुरकण्णाहिं तस्स विसओ भरेठं जे || [५४] धरणो वि नागराया जंबुद्दीवं फडाइ छाइज्जा । तं चेव समइरेगं भूयानंदे य बोद्धव्वं ।।
[५५] गरुलोऽवि वेणुदेवो जंबुद्दीवं छज्ज पक्खेणं । तं चेव समइरेगं वेणुदालिम्मि बोद्धव्वं
[ ५६ ] पुण्णो वि जंबुदीवं पाणितलेणं छएज्ज एक्केणं । तं चेव समइरेगं हवइ वसिट्ठे वि बोद्धवं ।।
[५७] एक्काए जलुम्मीए जंबुद्दीव भरेज्ज जलकंतो । तं चेव समइरेगं जलप्पभे होइ बोद्धव्वं ।।
[५८] अमियगइस्स वि विसओ जंबुद्दीवं तु पायपण्हीए । कंपेज्ज निरवसेसं इयरो पुन तं समइरेगं ॥
[५९] एक्काए वायुगुंजाइ जंबुद्दीवं भरिज्ज वेलंबो । तं चेव समइरेगं पभंजणे होइ बोद्धव्यं ।। [६०] घोसोऽवि जंबुदीव सुंदरि बहिरीकरिज्ज सव्वं इयरो पुण तं समइरेगं || [६१] एक्काए विज्जुयाए जंबुद्दीवं हरी पकासिज्जा । तं चेव समइरेगं हरिस्सहे होइ बोद्धव्वं ।।
[६२] एक्काए अग्गिजालाए जंबुद्दीवं इहेज्ज अग्गिसिहो ।
तं चेव समइरेगं माणवर होई बोद्धव्वं || [६३] तिरियं
तु असंखेज्जा दीव-समुद्दा सएहिं सएहिं रुवेहिं । अवगाढा उ करिज्जा सुंदरि ! एएसिं एगयरो ।
[६४] पभू अन्नयरो इंदो जंबुद्दीवं तु वामहत्थेण छत्तं जहा धरेज्जा अन्नयओ मंदरं घित्तुं ।। [६५] जंबुद्दीवं काऊण छत्तयं मंदरं व से दंडं ।
भु अन्नयरो इंदो एसो तेसिं बलविसेसो || [६६] एसा भवनवईणं भवनठिई वण्णिया समासेणं । सुण वाणमंतराणं भवनवई आनुपुव्वी ।।
[दीपरत्नसागर-संशोधितः]
! एक्केण थणियसद्देणं ।
[5]
||
||
!
[३२ | देविंदत्थओ]
Page #7
--------------------------------------------------------------------------
________________
गाहा-६७
[६७] पिसाय भूया जक्खा य रक्खसा किन्नरा य किंपुरिसा । महोरगा य गंधव्वा अट्ठविहा वाणमंतरिया ||
[ ६८ ] एए उ समासेणं कहिया भे वाणमंतरा देवा ।
पत्तेयं पि य वोच्छं सोलस इंदे महिड्ढीए ||
[६९] काले य महाकाले सुरुवे पडिरुवे पुण्णभद्दे य । अमरवइ माणभद्दे भीमे य तहा महाभीमे || [७०] किन्नर किंपुरिसे खलु सप्पुरिसे खलु तहा महापुरिसे । अइकाय महाकाए गीयरई चेव गीयजसे ||
[७१] सन्निहिए सामाणे धाए विधाए इसी य इसिपाले ।
इस्सरे महिस्सरे या हवइ सुवच्छे विसाले य ।।
[७२] हासे हासरई वि य सेए य तहा भवे महासे । पयए पययावई वि य नेयव्वा आनुपुव्वीए ||
[७३] उड्ढमहे तिरियंमि य वसहिं ओविंति वंतरा देवा ।
भवना पुन ह रयणप्पभाए उवरिल्लए कंडे ||
[७४] एक्केक्कम्मि य जुयले नियमा भवना वरा असंखेज्जा । संखिज्जवित्थडा पुन नवरं एतऽत्थ नाणत्तं ||
[ ७५ ] जंबुद्दीवसमा खलु उक्कोसेणं भवंति भवनवरा । खुद्दा खित्तसमाविय विदेहसमया य मज्झिमया || [७६] जहिं देवा वंतरिया वरतरुणीगीय - वाइयरवेणं । निच्चसुहिया पमुइया गयं वि कालं न याणंति ।। [७७] काले सुरुव पुण्णे भीमे तह किन्नरे य सप्पुरिसे । अइकाए गीयरई अठ्ठेव य हुंति दाहिणओ ।।
[७८] मणि-कनग-रयण - थूभिय- जंबूनय - वेड्याइं भवनाई । एएसिं दाहिणओ सेसाणं उत्तरे पासे ।।
[७९] दस वाससहस्साइं ठिई जहन्ना उ वंतरसुराणं । पलिओवमं तु एक्कं ठिई उ उक्कोसिया तेसिं ॥
[ ८० ] एसा वंतरियाणं भवनठिई वण्णिया समासेणं । सुण जोइसालयाणं आवासविहिं सुरवराणं ।।
[८१] चंदा सूरा तारागणा य नक्खत्त गह गण समत्ता । पंचविहा जोइसिया ठिई वियारी य ते गणिया || [८२] अद्धकविट्ठग-संठाण-संठिया फालियामया रम्मा । जोइसियाण विमाणा तिरियं लोए असंखिज्जा ।। [८३] धरणियलाउ समाओ सत्तहिं नउएहिं जोयणसएहिं । हेट्ठिल्लो होइ तलो सूरो पुण अट्ठहिं सएहिं
[दीपरत्नसागर-संशोधितः]
[6]
||
[३२ | देविंदत्थओ]
Page #8
--------------------------------------------------------------------------
________________
गाहा-८४
[८४] अट्ठसए आसीए चंदो तह चेव होइ उवरितले ।
एगं दसुत्तरसयं बाहल्लं जोइसस्स भवे ।। [८५] एगट्ठिभाग काऊण जोयणं तस्स भाग छप्पन्नं ।
चंदपरिमंडलं खलु अडयाला होइ सूरस्स ।। [८६] जहिं देवा जोइसिया वरतरुणीगीयं वाइयरवेणं । निच्चसुहिया पमुइया गयं पि कालं न याणंति ।। [८७] छप्पन्नं खलु भागा विच्छिन्नं चंदमंडलं होइ ।
अडवीसं च कलाओ बाहल्लं तस्स बोद्धव्वं [८८] अडयालीसं भागा विच्छिन्नं सूरमंडलं होइ ।
चवीसं च कलाओ बाहल्लं तस्स बोद्धव्वं ।। [८९] अद्धजोयणिया 3 गहा तस्सद्धं चेव होइ नक्खत्ता |
नक्खत्तद्धे तारा तस्सऽद्धं चेव बाहल्लं ।। [९०] जोयणमद्धं तत्तो गाऊयं पंचधनुसया हंति ।
गह-नक्खत्तगणाणं तारविमाणाण विक्खंभो ।। [९१] जो जस्स विक्खंभो तस्सऽद्धं चेव होइ बाहल्लं । तं तिगुणं सविसेसं परीरओ होइ बोद्धव्वो || [९२] सोलस चेव सहस्सा अट्ठ य चउरो य दोन्नि य सहस्सा |
जोइसिआण विमाणा वहंति देवाऽभिओगाओ || [९३] पुरओ वहति सीहा दाहिणओ कुंजरा महाकाया ।
पच्चत्थिमेण वसहा तुरगा पुण उत्तरे पासे ।।। [९४] चंदेहि सिग्घयरा सूरा सूरेहिं तह गहा सिग्घा |
नक्खत्ता 3 गहेहि य नक्खत्तेहिं तु ताराओ ।। [९५] सव्वऽप्पगई चंदा तारा पुण हंति सव्वसिग्घगई ।
एसो गईविसेसो जोइसियाणं तु देवाणं ।। [९६] अप्पिड्ढियाओ तारा नक्खत्ता खलु तओ महिड्ढियए ।
नक्खत्तेहिं तु गहा गहेहिं सूरा तओ चंदा [९७] सव्वभिंतरऽभीई मूलो पुन सव्वबाहिरो भमइ ।
सव्वोवरिं च साई भरणी पुण सव्वहिट्ठिमया ।। [९८] साहा गह-नक्खत्ता मज्झेगा इंति चंद-सूराणं । हिट्ठा समं च उप्पिं ताराओ चंद-सूराणं ।। [९९] पंचेव धनुसयाई जहन्नयं अंतरं तु ताराणं ।
दो चेव गाउआई निव्वाघाएण उक्कोसं ।। [१००] दोन्नि सए छावढे जहन्नयं अंतरं तु ताराणं । बारस चेव सहस्सा दो बायाला य उक्कोसा ।।
[दीपरत्नसागर-संशोधितः]
[7]
[३२ देविंदत्थओ]
Page #9
--------------------------------------------------------------------------
________________
गाहा-१०१
[१०१] एयस्स चंदजोगो सत्तळिं खंडिओ अहोरत्ता ।
ते हुंति नव मुहुत्ता सत्तावीसं कलाओ अ ।। [१०२] सयभिसया भरणीओ अद्दा अस्सेस साइ जेट्ठा य ।
एए छन्नक्खता पन्नरसमुहुत्त संजोगा ।। [१०३] तिन्नेव उत्तराई पुनव्वसु रोहिणी विसाहा य ।
एए छन्नक्खत्ता पणयालमुत्तसंजोगा ।। [१०४] अवसेसा नक्खत्ता पनरसया हुंति तीसइ मुहुत्ता ।
चंदंमि एस जोगो नक्खत्ताणं मुणेयव्यो ।। [१०५] अभिई छच्च मुहत्ते चत्तारि अ केवले अहोरत्ते ।
सुरेणं समं वच्चइ एत्तो सेसाण वच्छामि ।। [१०६] सयभिसया भरणीओ अद्दा अस्सेस साइ जेट्ठा य । वच्चंति छऽहोरते इक्कवीसं मुहुत्ते य ।। [१०७] तिन्नेव उत्तराई पुनव्वसू रोहिणी य विसाहा ।
वच्चंति मुहुते तिन्नि चेव वीसं चाहोरते ।। [१०८] अवसेसा नक्खत्ता पन्नरस वि सूरसहगया जंति ।
बारस चेव मुहुत्ते तेरस य समे अहोरत्ते ।। [१०९] दो चंदा दो सूरा नक्खता खलु हवंति छप्पन्ना |
छावत्तरं गहसयं जंबुद्दीवे वियारी णं ।। १११०] इक्कं च सयसहस्सं तित्तीसं खल भवे सहस्साडं |
नव य सया पन्नासा तारागण कोडिकोडीणं [१११] चत्तारि चेव चंदा चत्तारि य सूरिया लवण तोए ।
बारं नक्खत्तसयं गहाण तिन्नेव बावन्ना ।। [११२] दो चेव सयसहस्सा सत्तळिं खलु भवे सहस्साइं ।
नव य सया लवणजले तारागण कोडिकोडिणं ।। [११३] चवीसं ससि-रविणो नक्खत्तसया य तिन्नि छत्तीसा | एक्कं च गहसहस्सं छप्पन्नं धायईसंडे ।। [११४] अठेव सयसहस्सा तिन्नि सहस्सा य सत्त य सया 3 |
धायइसंडे दीवे तारागण कोडिकोडिणं ।। [११५] बायालीसं चंदा बायालीसं च दिनयरा दिता ।
कालोदहिंमि एए चरंति संबद्धलेसागा ।। [११६] नक्खत्तमिगसहस्सं एगमेव छावत्तरिं च सयमन्नं ।
छच्च सया छन्नउआ महग्गहा तिन्नि य सहस्सा ।। [११७] अट्ठावीसं कालोदहिम्मि बारस य सयसहस्साइं । नव य सया पन्नासा तारागण कोडिकोडिणं ।।
[दीपरत्नसागर-संशोधितः]
[8]
[३२ देविंदत्थओ]
Page #10
--------------------------------------------------------------------------
________________
गाहा-११८
[११८] चोयालं चंदसयं चोयालं चेव सूरियाण सयं ।
पुक्खरवरम्मि एए चरंति संबद्धलेसाया ।। [११९] चत्तारिं च सहस्सा बत्तीसं चेव हुंति नक्खता ।
छच्च सया बावत्तर महग्गहा बारस सहस्सा ।। [१२०] छन्नउड़ सयसहस्सा चोयालीसं भवे सहस्साइं ।
चत्तारी य सयाई तारागण कोडिकोडिणं ।।। [१२१] बावत्तरिं च चंदा बावत्तरिमेव दिनयरा दित्ता ।
पुक्खरवरदीवड्ढे चरंति एए पगासिंता ।। [१२२] तिन्नि सया छत्तीसा छच्च सहस्सा महग्गहाणं त् ।
नक्खत्ताणं तु भवे सोलाणि दुवे सहस्साणि ।। [१२३] अडयालीसं लक्खा बावीसं खलु भवे सहस्साई ।
दो य सय सुक्खरद्धे तारागण कोडिकोडिणं ।। [१२४] बत्तीसं चंदसयं बत्तीसं चेव सूरियाण सयं ।
सयलं मनुस्सलोयं चरंति एए पयासिंता ।। [१२५] एक्कारस य सहस्सा छप्पि य सोला महग्गहसया 3 |
छच्च सया छन्नया नक्खत्ता तिन्नि य सहस्सा ।। [१२६] अट्ठासीई चत्ताई सयसहस्साइं मनुयलोगम्मि । सत्त य सयामणूणा तारागण कोडिकोडीणं ।। १२७] एसो तारापिंडो सव्वसमासेण मनयलोगम्मि । बहिया पुण ताराओ जिणेहिं भणिया असंखिज्जा [१२८] एवइयं तारग्गं जं भणियं मनुयलोगमज्झम्मि |
चारं कलंबुया-पुप्फसंठियं जोइस चरइ ।। [१२९] रवि-ससि-गह-नक्खता एवइया आहिया मनुयलोए |
जेसिं नामा-गोयं न पागया पन्नवेइंति ।। [१३०] छावळिं पिंडयाई चंदाऽऽइच्चाण मनुयलोगम्मि ।
दो चंदा दो सूरा हुंति इक्किक्कए पिडए ।। [१३१] छावळिं पिडयाइं नक्खत्ताणं तु मनुयलोगम्मि |
छप्पन्नं नक्खत्ता होंति एक्केक्कए पिडए || [१३२] छावट्ठी पिडयाइं महग्गहाणं तु मनुयलोगम्मि ।
छावत्तरं गहसयं च होइ एक्केक्कए पिडए ।। [१३३] चत्तारि य पंतीओ चंदाऽऽइच्चाण मनुयलोगम्मि ।
छावठिं छावठिं होइ इक्किक्कया पंती ।। [१३४] छप्पन्नं पंतीओ नक्खताणं तु मनुयलोगम्मि । छावळिं छावठिं होइ इक्किक्कया पंती ।।
[दीपरत्नसागर-संशोधितः]
[9]
[३२ देविंदत्थओ]
Page #11
--------------------------------------------------------------------------
________________
गाहा-१३५
? | ? ||
[१३५] छावत्तरं गहाणं पंतिसयं होई मनुयलोगम्मि ।
छावठिं छावठिं होइ इक्किक्कया पंती ।। [१३६] ते मेरुमनुचरंति पयाहिणावत्तमंडला सव्वे ।
अणवट्ठिएहिं जोएहिं चंदा सूरा गहगणा य ।। [१३७] नक्खत्त-तारयाणं अवट्ठिया मंडला मुणेयव्वा ।
ते वि य पयाहिणावत्तमेव मेरं अनुचरंति ।। [१३८] रयणियर-दिनयराणं उड्ढमहे एव संकमो नत्थि |
मंडलसंकमणं पुन अभिंतर-बाहिरं तिरियं ।। [१३९] रयणियर-दिनयराणं नक्खत्ताणं च महग्गहाणं च ।
चारविसेसेण भवे सुहदुक्खविही मनुस्साणं ।। [१४०] तेसिं पविसंताणं तावक्खेत्तं 3 वड्ढए नियमा ।
तेणेव कमेण पुणो परिहायइ निक्खमिंताणं ।। [१४१] तेसिं कलंबुयापुप्फसंठिया हुंति तावखेतमुहा ।
अंतो य संकुला बाहिं च वित्थडा चंदसूराणं ।। [१४२] केणं वड्ढइ चंदो ? परिहाणी केण होइ चंदस्स
कालो वा जुण्हा वा केणऽनुभावेण चंदस्स [१४३] किण्हं राहुविमाणं निच्चं चंदेण होइ अविरहियं ।
चठरंगुलमप्पत्तं हिट्ठा चंदस्स तं चरइ ।। [१४४] छावठिं छावठिं दिवसे दिवसे 3 सुक्कपक्खस्स |
जं परिवड्ढइ चंदो खवेइ तं चेव कालेणं ।। [१४५] पन्नरसइभागेण य चंदं पन्नरसमेव संकमइ ।
पन्नरसइभागेण य पुणो वि तं चेव पक्कमइ ।। [१४६] एवं वड्ढइ चंदो परिहाणी एव होइ चंदस्स |
कालो वा जुण्हा वा तेणऽनुभावेण चंदस्स ।। [१४७] अंतो मनुस्सखेते हवंति चारोवगा य उववन्ना । पंचविहा जोइसिया चंदा सूरा गहगणा य ।। [१४८] तेण परं जे सेसा चंदाऽऽइच्च-गह-तार-नक्खत्ता ।
नत्थि गई न वि चारो अवट्ठिया ते मुणेयव्वा ।। [१४९] दो चंदा इह दीवे चत्तारि य सागरे लवणतोए |
धायइसंडे दीवे बारस चंदा य सूरा य ।। [१५०] एगे जंबुद्दीवे दुगुणा लवणे चउग्गुणा हुंति ।
कालोयए तिगुणिया ससि-सूरा धायइसंडे ।। [१५१] धायइसंडप्पभिई उद्दिट्ठा तिगुणिया भवे चंदा । आइल्लचंदसहिया अनंतरानंतरे खित्ते ।।
[दीपरत्नसागर-संशोधितः]
[10]
[३२ देविंदत्थओ]
Page #12
--------------------------------------------------------------------------
________________
गाहा-१५२
[१५२] रिक्ख-ग्गह-तारग्गा दीवसमुद्दाण इच्छसे नाउं ।
तस्स ससीहि 3 गुणियं रिक्खग्गह-तारयग्गं तु || [१५३] बहिया उ मानुसनगस्स चंदसूराणऽवट्ठिया जोगा ।
चंदा अभीइजुता सूरा पुण हुंति पुस्सेहिं ।। [१५४] चंदाओ सूरस्स य सूरा ससिणो य अंतरं होइ ।
पण्णास सहस्साइं जोयणाणं अनूणाई ।। [१५५] सूरस्स य सूरस्स य ससिणो ससिणो य अंतरं होई ।
बहिया उ मानुसनगस्स जोयणाणं सयसहस्सं ।। [१५६] सूरंतरिया चंदा चंदंतरिया 3 दिनयरा दित्ता ।
चितंतरलेसागा सुहलेसा मंदलेसा य ।। [१५७] अट्ठासीइं च गहा अट्ठावीसं च होति नक्खत्ता ।
एगससीपरिवारो एत्तो ताराण वुच्छामि ।। [१५८] छावट्ठि सहस्साइं नव चेव सयाइं पंचसयराइं ।
एगससी-परिवारो तारागण कोडिकोडीणं ।। [१५९] वाससहस्सं पलिओवमं च सूराण सा ठिई भणिया ।
पलिओवम चंदाणं वास-सयसहस्स-मब्भहियं ।। [१६०] पलिओवमं गहाणं नक्खत्ताणं च जाण पलियद्धं ।
पलियचउत्थो भाओ ताराण वि सा ठिई भणिया ।। [१६१] पलिओवमऽटठभागो ठिई जहन्ना 3 जोइसगणस्स ।
पलिओवममुक्कोसं वाससयसहस्समब्भहियं ।। [१६२] भवनवइ-वाणवंतर-जोइसवासी ठिई मए कहिया ।
कप्पवई वि य वुच्छं बारस इंदे महिड्ढीए ।। [१६३] पढमो सोहम्मवई ईसाणवई उ भण्णए बीओ ।
तत्तो सणंकुमारो हवइ चउत्थो उ माहिंदो ।। [१६४] पंचमओ पुण बंभो छट्ठो पुण लंतओऽत्थ देविंदो ।
सत्तमओ महसुक्को अट्ठमओ भवे सहस्सारो ।। [१६५] नवमो य आणइंदो दसमो पुण पाणओऽत्थ देविंदो ।
आरण एक्कारसमो बारसमो अच्चुए इंदो || [१६६] एए बारस इंदा कप्पवई कप्पसामिया भणिया ।
आणाईसरियं वा तेणं परं नत्थि देवाणं ।। [१६७] तेण परं देवगणा सय-इच्छिय-भावणाइ उववन्ना ।
गेविज्जेहिं न सक्को उववाओ अन्नलिंगेणं ।। [१६८] जे दंसणवावन्ना लिंगग्गहण करंति सामण्णे । तेसिं पि य उववाओ उक्कोसो जाव गेवेज्जा ।।
[दीपरत्नसागर-संशोधितः]
[11]
[३२ देविंदत्थओ]
Page #13
--------------------------------------------------------------------------
________________
गाहा-१६९
[१६९] इत्थ किर विमाणाणं बत्तीसं वण्णिया सयसहस्सा |
सोहम्म-कप्पवइणो सक्कस्स महानुभागस्स ।। [१७०] ईसाण-कप्पवइणो अट्ठावीसं भवे सयसहस्सा |
बारस्स सयसहस्सा कप्पम्मि सणंकुमारम्मि ।। [१७१] अठेव सयसहस्सा माहिदंमि 3 भवंति कप्पम्मि |
चत्तारि सयसहस्सा कप्पम्मि 3 बंभलोगम्मि || [१७२] इत्थ किर विमाणाणं पन्नासं लंतए सहस्साइं ।
चत्तारि महासुक्के छच्च सहस्सा सहस्सारे ।। [१७३] आनय-पानयकप्पे चत्तारि सयाऽऽरणऽच्चुए तिन्नि ।
सत्त विमाणसयाई चउस वि एएस कप्पेस ।। [१७४] एयाई विमाणाई कहियाइं जाइं जत्थ कप्पम्मि | कप्पवईण वि सुंदरि
! ठिई विसेसे निसामेहि ।। [१७५] दो सागरोवमाइं सक्कस्स ठिई महानुभागस्स |
साहीया ईसाने सत्तेव सणंकुमारम्मि || [१७६] माहिंदे साहियाई सत्त दस चेव बंभलोगम्मि |
चठदस लंतइ कप्पे सत्तरस भवे महासुक्के ।। [१७७] कप्पम्मि सहस्सारे अठारस सागरोवमाई ठिई ।
एगुणवीसाऽऽनयकप्पे वीसा पुण पाणए कप्पे ।। [१७८] पुण्णा य इक्कवीसा उदहिसनामाण आरणे कप्पे ।
अह अच्चुयम्मि कप्पे बावीसं सागराण ठिई ।। [१७९] एसा कप्पवईणं कप्पठिई वण्णिया समासेणं ।
गेवेज्जऽनुत्तराणं सुणऽनुभागं विमाणाणं ।। [१८०] तिन्नेव य गेविज्जा हिट्ठिल्ला मज्झिमा य उवरिल्ला ।
इक्किक्कंपि य तिविहं नव एवं हंति गेवेज्जा ।। [१८१] सुदंसणा अमोहा य, सुप्पबुद्धा जसोधरा |
वच्छा सुवच्छा सुमना, सोमनसा पियदंसणा ।। [१८२] एक्कारसुत्तरं हेट्ठिमए सत्तुतरं च मज्झिमए ।
सयमेगं उवरिमए पंचेव अनुत्तरविमाणा ।। [१८३] हेट्ठिमगेविज्जाणं तेवीसं सागरोवमाइं ठिई ।
इक्किक्कमारुहिज्जा अटठहिं सेसेहिं नमियंगी [१८४] विजयं च वेजयंतं जयंतमपराजियं च बोद्धव्वं ।
सव्वट्ठसिद्धनाम होइ चउण्हं तु मज्झिमयं ।। [१८५] पुव्वेण होइ विजयं दाहिणओ होइ वेजयंतं तु | अवरेणं तु जयंतं अवराइयमुत्तरे पासे ।।
[दीपरत्नसागर-संशोधितः]
[12]
[३२ देविंदत्थओ]
Page #14
--------------------------------------------------------------------------
________________
गाहा-१८६
[१८६] एएसु विमानेसु उ तितीसं सागरोवमाइं ठिई ।
सव्वट्ठसिद्धनामे अजहन्नुक्कोस तेत्तीसा ।। [१८७] हेठ्ठिला उवरिल्ला दो दो जुयलऽद्धचंदसंठाणा |
पडिपुण्ण-चंदसंठाण-संठिया मज्झिमा चउरो ।। [१८८] गेविज्जाऽऽवलिसरिसा गेविज्जा तिन्नि तिन्नि आसन्ना ।
हुल्लुयसंठाणाई अनुत्तराई विमाणाई ।। [१८९] घनउदहि-पइट्ठाणा सुरभवना दोसु हुंति कप्पेसु । तिसु वाउपइट्ठाणा तदुभय-सुपइट्ठिया तिन्नि | [१९०] तेण परं उवरिमया आगासंतर-पइट्ठिया सव्वे ।
एस पइट्ठाण-विही उड़ढं लोए विमाणाणं ।। [१९१] किण्हा नीला काऊ तेऊलेसा य भवन-वंतरिया ।
जोइस-सोहम्मीसाण तेउलेसा मुणेयव्वा ।। [१९२] कप्पे सणंकुमारे माहिंदे चेव बंभलोए य ।
एएसु पम्हलेसा तेण परं सुक्कलेसा 3 ।। [१९३] कनगत्तयरत्ताभा सुरवसभा दोसु हंति कप्पेसु । तिसु हुंति पम्हगोरा तेण परं सुक्किला देवा ।। [१९४] भवनवइ वाणमंतर जोइसिया हुंति सत्तरयणीया । कप्पवईणऽवि सुंदर
! सुण उच्चत्तं सुरवराणं ।। [१९५] सोहम्मीसानसुरा उच्चत्ते हंति सत्तरयणीया ।
दो दो कप्पा तुल्ला दोसु वि परिहायए रयणी ।। [१९६] गेविज्जेसु य देवा रयणीओ दुन्नि हंति उच्चाओ । रयणी पुण उच्चतं अनुत्तर विमान - वासीणं ।। [१९७] कप्पाओ कप्पम्मि उ जस्स ठिई सागरोवमब्भहिया । उस्सेहो तस्स भवे इक्कारसभाग परिहीनो ।। [१९८] जो अ विमाणुस्सेहो पुढवीणं जं च होइ बाहल्लं ।
दोण्हं पि तं पमाणं बत्तीसं जोयणसयाई ।। [१९९] भवनवइ-वाणमंतर-जोइसिया हुंति काय-पवियारा |
कप्पवईणवि सुंदरि ! वुच्छं पवियारण-विही 3 ।। [२००] सोहम्मीसाणेसु सुरवरा हुंति कायपवियारा ।
सणंकुमार-माहिंदेसुं फास-पवियारया देवा ।। [२०१] बंभे लंतय-कप्पे सुरवरा इंति रुव-पवियारा ।
महसुक्कसहस्सारे सद्दपवियारया देवा ।। [२०२] आनयपानयकप्पे आरण तह अच्चुएसु कप्पम्मि । देवा मनपवियारा तेण परं चूअ-पवियारा ।।
[दीपरत्नसागर-संशोधितः]
[13]
[३२ देविंदत्थओ]
Page #15
--------------------------------------------------------------------------
________________
गाहा - २०३
[२०३] गोसीसाऽगरु-केयइपत्ता पुन्नाग- बउलगंधा य । चंपय-कुवलयगंधा तगरेल - सुगंधगंधा य ।। [२०४] एसा णं गंधविही उवमाए वण्णिया समासेणं । दिट्ठीए वि य तिविहा थिर सुकुमारा य फासेणं ।। [२०५] तेवीसं च विमाणा चउरासीइं च सयसहस्साइं । सत्ताणउइ सहस्सा उड्ढं लोए विमाणाणं ।। [२०६] अठणानउई सहस्सा चउरासीइं च सयसहस्साइं । यं दिवढं सयं च पुप्फावकिण्णाणं ।।
[२०७] सत्तेव सहस्साइं सयाइं बावत्तराइं अट्ठ भवे । आवलियाइ विमाणा सेसा पुप्फावकिण्णा णं ।। [२०८] आवलिआइ विमाणाण अंतरं नियमसो असंखिज्जं । संखिज्जमसंखिज्जं भणियं पुप्फावकिण्णाणं ।।
[२०९] आवलियाइ विमाणा वट्टा तसा तहेव चउरंसा । पुप्फावकिण्णया पुन अनेगविह रुवसंठाणा ।। [२१०] वट्टं खु वलयगं पिव तंसा सिंघाडयं पिव विमाणा । चठरंसविमाणा पुन अक्खाडयसंठिया भणिया ।। [२११] पढमं वट्टविमाणं बीयं तसं तहेव चउरंसं । एगंतर चउरंसं पुणो वि वट्टं पुणो तंसं ।। [२१२] वट्टं वट्टस्सुवरिं तसं तंसस्स उप्परिं होई । चउरंसे चउरंसं उड्ढं तु विमानसेढीओ ।। [२१३] उवलंबयरज्जूओ सव्वविमाणाण हुंति समियाओ । उवरिम चरिमंताओ हिट्ठिलो जाव चरिमंतो || [२१४] पागारपरिक्खित्ता वट्टविमाणा हवंति सव्वे वि । चरंस विमाणाणं चउद्दिसिं वेइया भणिया ।। [२१५] जत्तो वट्टविमाणं तत्तो तंसस्स वेइया होई । पागारो बोद्धवो अवसेसाणं तु पासाणं || [२१६] जे पुन वट्टविमाणा एगदुवारा हवंति सव्वे वि । तिन्नि य तंसविमाणे चत्तारि य हुंति चउरंसे ।। [२१७] सत्तेव य कोडीओ हवंति बाबत्तरिं सयसहस्सा । एसो भवन समासो भोमिज्जाणं सुरवराणं ।। [२१८] तिरिओववाइयाणं रम्मा भोम्मनगरा असंखिज्जा | तत्तो संखिज्जगुणा जोइसियाणं विमाणा उ ।। [२१९] थोवा विमानवासी भोमिज्जा वाणमंतरमसंखा । तत्तो संखिज्जगुणा जोइसवासी भवे देवा ।।
[दीपरत्नसागर-संशोधितः]
[14]
[३२ | देविंदत्थओ]
Page #16
--------------------------------------------------------------------------
________________
गाहा-२२०
[२२०] पत्तेय विमाणाणं देवीणं छब्भवे सयसहस्सा |
सोहम्मे कप्पम्मि उ ईसाणे इंति चत्तारि ।। [२२१] पंचेवऽनुत्तराई अनुत्तरगईहिं जाइं दिट्ठाई ।
जत्थ अनुत्तरदेवा भोगसुहं अनुवमं पत्ता ।। [२२२] जत्थ अनुत्तर गंधा तहेव रुवा अनुत्तरा सद्दा |
अच्चित्तपुग्गलाणं रसो अ फासो अ गंधो अ ।। [२२३] पप्फोडिय कलिकलुसा पप्फोडिय कमलरेणुसंकासा |
वरकुसुम महुकरा इव सुहुमयरं नंदिघोटंति ।। [२२४] वरपउम गब्भगोरा सव्वे ते एगगब्भ वसहीआ । गब्भवसही विमुक्का सुंदरि
! सुक्खं अनुहवंति ।। [२२५] तेतीसाए सुंदरि ! वाससहस्सेहिं होइ पुन्नेहिं । आहाराऽवहि देवाणऽनुत्तरविमानवासीणं ।।
[२२६] सोलसहि सहस्सेहिं पंचेहिं सएहिं होइ पुन्नेहिं ।
आहारो देवाणं मज्झिममाउं धरिताणं ।। [२२७] दस वाससहस्साई जहन्नमाउं धरंति जे देवा । तेसिपि य आहारो चउत्थभत्तेण बोद्धव्वो ।।
! मासाणं अद्धपंचमाणं च । उस्सासो देवाणं अनुत्तरविमानवासीणं ।। [२२९] अखट्ठमेहिं राइदिएहिं अट्ठहि य सुतनु
! मासेहिं । उस्सासो देवाणं मज्झिममाउं धरिताणं ।। [२३०] सत्तण्हं थोवाणं पुन्नाणं पुन्नइंदुसरिसमुहे ऊसासो देवाणं जहन्नमाउं धरिंताणं ।। [२३१] जइ सागरोवमाई जस्स ठिई तस्स तत्तिएहिं पक्खेहिं । ऊसासो देवाणं वाससहस्सेहिं आहारो ।। [२३२] आहारो ऊसासो एसो मे वण्णिओ समासेणं । सुहमंतरा य नाहि
! सुंदरि ! अचिरेण कालेण || [२३३] एएसिं देवाणं ओही 3 विसेसओ 3 जो जस्स | तं सुंदरि
! वण्णेऽहं अहक्कम आनुपुव्वीए ।। [२३४] सोहम्मीसाण पढमं दुच्चं च सणंकुमार-माहिंदा ।।
तच्चं च बंभ-लंतग सुक्क-सहस्सारय चत्थिं ।। [२३५] आनयपानयकप्पे देवा पासंति पंचमिं पुढविं ।
तं चेव आरण-ऽच्चुय ओहियनाणेण पासंति ।। [२३६] छठिं हिट्ठिम मज्झिम गेविज्जा सत्तमिं च उवरिल्ला | संभिन्न लोगनालिं पासंति अनुत्तरा देवा ।।
[दीपरत्नसागर-संशोधितः]
[15]
[३२ देविंदत्थओ]
Page #17
--------------------------------------------------------------------------
________________
गाहा-२३७
[२३७] संखिज्ज जोयणा खलु देवाणं अद्धसागरे ऊणे ।
तेण परम संखिज्जा जहन्नयं पन्नवीसं तु ।। [२३८] तेण परम संखिज्जा तिरियं दीवा य सागरा चेव । बहुययरं उवरिमया उड्ढं तु सकप्प थूभाई ।। [२३९] नेरइय-देव-तित्थंकरा य ओहिस्सऽबाहिरा हुंति ।
पासंति सव्वओ खलु सेसा देसेण पासंति ।। [२४०] ओहिन्नाणे विसओ एसो मे वण्णिओ समासेणं ।
बाहल्लं उच्चतं विमाणवण्णं पूणो वुच्छं ।। [२४१] सत्तावीसं जोयणसयाइं पुढवीणं होइ बाहल्लं ।
सोहम्मीसाणेसु रयणविचिता य सा पुढवी ।। [२४२] तत्थ विमाणा बहविहा पासाय पगइ वेइयारम्मा | वेरुलिय थूभियागा रयणामय दामऽलंकारा ।। २४३] केइत्थऽसियविमाणा अंजनधाउसरिसा सभावेणं ।
अद्दयरिट्ठसवण्णा जत्थाssवासा सुरगणाणं ।।। [२४४] केइ य हरियविमाणा मेयगधाऊसरिसा सभावेणं ।
मोरग्गीवसवण्णा जत्थाऽऽवासा सुरगणाणं ।। [२४५] दीवसिहसरिसवण्णित्थ केइ जासुमण-सूरसरिवण्णा । हिंगुलय-धाउवण्णा जत्थाssवासा सुरगणाणं ।। [२४६] कोरिंटधावण्णित्थ केइ फल्लकणियारसरिसवण्णा य ।
हालिद्दभेयवण्णा जत्थावासा सुरगणाणं ।।। [२४७] अविउत्तमल्लदामा निम्मलगाया सुगंधनीसासा ।
सव्वे अवठियवया सयंपभा अनिमिसच्छा य । [२४८] बावत्तरिकलापंडिया 3 देवा हवंति सव्वेऽवि ।
भवसंकमणे तेसिं पडिवाओ होइ नायव्वो ।। [२४९] कल्लाणफलविवागा सच्छंदविउव्वियाभरणधारी ।
आभरणवसनरहिया हवंति साभाविय सरीरा ।। [२५०] वत्तुलसरिसवरूवा देवा इक्कम्मि ठिईविसेसम्मि |
पच्चग्गडहीनमहिमा ओगाहण वण्णपरिमाणा ।। [२५१] किण्हा नीला लोहिय हालिद्दा सुक्किला विरायति । पंचसए उव्विद्धा पासाया तेसु कप्पेसु ।। [२५२] तत्थाऽऽसना बहुविहा सयणिज्जा मणिभत्तिसयविचित्ता ।
विरइय वित्थडभूसा रयणामय दामलंकारा ।। [२५३] छव्वीस जोयणसयाइं पुढवीणं ताण होइ बाहल्लं । सणंकुमार-महिंदे रयणविचित्ता य सा पुढवी ।।
[दीपरत्नसागर-संशोधितः]
[16]
[३२ देविंदत्थओ]
Page #18
--------------------------------------------------------------------------
________________
गाहा-२५४
[२५४] तत्थ य नीला लोहिय हालिद्दा सुक्किला विरायति ।
छच्च सए उव्विद्धा पासाया तेसु कप्पेसु ।। [२५५] तत्थाऽऽसद सयणिज्जा य मणिभत्तिसयचित्ता । विरइय वित्थडदूसा रयणामय दामऽलंकारा || [२५६] पण्णवीसं जोयणसयाई पुढवीण होइ बाहल्लं । बंभय-लंतयकप्पे रयणविचित्ता य सा पुढवी ।। [२५७] तत्थ विमाणा बहुविहा पासाया य मणिवेड्यारम्मा ।
वेरुलिय थूभियागा रयणामय दामऽलंकारा || ।। [२५८] लोहिय हालिद्दा पुण सुक्किंलवण्णा य ते विरायंति । सत्तसए उव्विद्धा पासाया तेसु कप्पेसु ।। [२५९] चळवीसं जोयणसयाई पुढवीण होइ बाहल्लं ।
सुक्के य सहस्सारे रयणविचित्ता य सा पुढवी ।। [२६०] तत्थ विमाणा बहुविहा पासाया य मणिवेइयारम्मा ।।
वेरुलिय थूभियागा रयणामय दामऽलंकारा ।। [२६१] हालिद्दभेयवण्णा सुक्किलवण्णा य ते विरायति ।
अट्ठ य ते उविद्धा पासाया तेसु कप्पेसु ।। [२६२] तत्थाऽऽसना बहुविहा पासाया य मणिवेइयारम्मा ।।
वेरुलिय थूभियागा रयणामय दामऽलंकारा || [२६३] तेवीसं जोयणसयाई पुढवीणं तासि होइ बाहल्लं ।
आनयपानयआरणच्चुए - रयणविचित्ता 3 सा पुढवी ।। [२६४] तत्थ विमाणा बहुविहा पासाया य मणिवेइयारम्मा ।
वेरुलियथूभियागा रयणामय दामऽलंकारा || [२६५] संखंकसन्निकासा सव्वे दगरय तुसारसरिवण्णा ।
नव य सए उव्विद्धा पासाया तेसु कप्पेसु ।। [२६६] बावीसं जोयणसयाइं पुढवीण तासिं होइ बाहल्लं ।
गेविज्ज विमाणेसुं रयणविचित्ता 3 सा पुढवी ।। [२६७] तत्थ विमाणा बहुविहा पासाया य मणिवेड्या रम्मा |
वेरुलिय थूभियागा रयणामय दामऽलंकारा || [२६८] संखंकसन्निकासा सव्वे दगरय-तुसारसरिवण्णा |
दस य सए उव्विद्धा पासाया ते विरायति ।। [२६९] एगवीस जोयणसयाइं पुढवीणं तासि होइ बाहल्लं । पंचसु अनुत्तरेसुं रयणविचित्ता य सा पुढवी ।। [२७०] तत्थ विमाणा बहुविहा पासाया य मणिवेइयारम्मा । वेरुलिय थूभियागा रयणामय दामऽलंकारा ||
[दीपरत्नसागर-संशोधितः]
[17]
[३२ देविंदत्थओ]
Page #19
--------------------------------------------------------------------------
________________
गाहा-२७१
[२७१] संखंकसन्निकासा सव्वे दगरय तुसारसरिवण्णा |
इक्कारस उव्विद्धा पासाया ते विरायति ।। [२७२] तत्थाऽऽसना बहुविहा सयणिज्जा मणिभतिसयविचित्ता ।
विरइयवित्थडदूसा य रयणामय दामऽलंकारा ।। [२७३] सव्वट्ठविमाणस्स उ सव्वुवरिल्लाउ थूभियंताओ ।
बारसहिं जोयणेहिं इसिपब्भारा तओ पुढवी ।। [२७४] निम्मल दगरयवण्णा तुसार-गोखीर-फेणसरिवण्णा ।
भणिया 3 जिनवरेहिं उत्ताणय-छत्त-संठाणा ।। [२७५] पणयालीसं आयाम-वित्थडा होइ सयसहस्साई ।
तं तिउणं सविसेसं परीरओ होइ बोद्धव्यो ।। [२७६] एगा जोयणकोडी बायालीसं च सयसहस्साई ।
तीसं चेव सहस्सा दो य सया अठणपन्नासा ।। (२७७] खित्तद्धय विच्छिन्ना अटठेव य जोयणाणि बाहल्लं । परिहायमाणि चरिमंते मच्छियपताओ तनुययरी ।। [२७८] संखंकसन्निकासा नामेण सुदंसणा अमोहा य ।
अज्जुण-सुवण्णयमई उत्ताणय-छत्त-संठाणा ।। [२७९] ईसीपब्भाराए सीयाए जोयणमि लोगंतो | तस्सुवरिमम्मि भाए सोलसमे सिद्धमोगाढे || [२८०] तत्थेते निच्चयणा अवेयणा निम्ममा असंगा य ।
असरीरा जीवघना पएस-निव्वत्त-संठाणा ।। [२८१] कहिं पडिहया सिद्धा ?, कहिं सिद्धा पइट्ठिया
कहिं बोदिं चइत्ताणं, कत्थं गंतूण सिज्झई [२८२] अलोए पडिहया सिद्धा, लोयऽग्गे य पइट्ठिया ।
इहं बोंदिं चइताणं, तत्थ गंतूण सिज्झई ।। [२८३] जं संठाणं तु इहं भवं चयंतस्स चरमसमयम्मि |
आसी य पएसघनं तं संठाणं तहिं तस्स || [२८४] दीहं वा हस्सं वा जं संठाणं हविज्ज चरमभवे ।
तत्तो तिभागहीना सिद्धाणोगाहणा भणिया ।। [२८५] तिन्नि सया छासट्ठा धनुत्तिभागो य होइ बोद्धव्यो ।
एसा खलु सिद्धाणं उक्कोसोगाहणा भणिया ।। [२८६] चत्तारि य रयणीओ रयणि तिभागूणिया य बोद्धव्वा ।
एसा खलु सिद्धाणं मज्झिम ओगाहणा भणिया ।। [२८७] इक्का य होइ रयणी अठेव य अंगुलाई साहीया । एसा खलु सिद्धाणं जहन्न ओगाहणा भणिया ।।
? |
[दीपरत्नसागर-संशोधितः]
[18]
[३२ देविंदत्थओ]
Page #20
--------------------------------------------------------------------------
________________
गाहा-२८८
[२८८] ओगाहणाइ सिद्धा भवत्तिभागेण हुंति परिहीणा |
संठाणमणित्थंत्थं जरा मरण विप्पमक्काणं ।। [२८९] जत्थ य एगो सिद्धो तत्थ अनंता भवक्खयविमुक्का |
अन्नोन्नसमोगाढा पुट्ठा सव्वे अलोगते ।। [२९०] असरीरा जीवघना उवउत्ता दंसणे य नाणे य ।
सागारमनागारं लक्खणमेयं तु सिद्धाणं ।। [२९१] फुसइ अनंते सिद्धे सव्वपएसेहिं नियमसो सिद्धो ।
ते वि असंखिज्जगुणा देस-पएसेहिं जे पुट्ठा ।। [२९२] केवलनाणुवउत्ता जाणंती सव्वभावगुण-भावे ।
पासंति सव्वओ खलु केवलदिट्ठीहऽनंताहिं ।। [२९३] नाणंमि दंसणम्मि य इत्तो एगयरयम्मि उवउत्ता |
सव्वस्स केवलिस्सा जुगवं दो नत्थि उवओगा ।। [२९४] सुरगणसुहं समत्तं सव्वद्धापिंडियं अनंतगुणं । न वि पावइ मुत्तिसुहं नंताहिं वग्गवग्गूहिं ।। २९५] न वि अस्थि माणसाणं तं सक्खं न वि य सव्वदेवाणं । जं सिद्धाणं सोक्खं अव्वाबाहं उवगयाणं ।। [२९६] सिद्धस्स सुहो रासी सव्वद्धापिंडिओ जइ हविज्जा । नंतगुणवग्गुमईओ सव्वागासे न माएज्जा || २९७] जह नाम कोड मिच्छो नयरगणे बहविहे वियाणंतो | न चएइ परिकहेउं उवमाए तहिं असंतीए || [२९८] इअ सिद्धाणं सुक्खं अनोवमं नत्थि तस्स ओवम्म । किंचि विसेसेणित्तो सारिक्खमिणं सुणह वुच्छं ।। [२९९] जह सव्वकामगुणियं पुरिसो भोत्तूण भोयणं कोई ।
तण्हा-छुहाविमुक्को अच्छिज्ज जहा अमियतितो ।। [३००] इय सव्वकालतिता अठलं निव्वाणमुवगया सिद्धा |
सासयमव्वाबाहं चिट्ठति सुही सुहं पत्ता ।। [३०१] सिद्ध ति य बुद्ध ति य पारगय ति य परंपरगय त्ति |
उम्मुक्ककम्मकवया अजरा अमरा असंगा य ।। [३०२] निच्छिन्न सव्वदुक्खा जाइ-जरा-मरण-बंधणाविमुक्का |
सासयमव्वाबाहं अनुहवंति सुहं सया कालं ।। [३०३] सुरगणइड्ढि समग्गा सव्वद्धापिंडिया अनंतगुणा ।
न वि पावइ जिनइड्ढिं नंतेहि वि वग्गवग्गूहिं ।। [३०४] भवणवइ वाणमंतर जोइसवासी विमानवासी य । सव्विड्ढीपरियरिया अरहंते वंदया हुंति ।।
[दीपरत्नसागर-संशोधितः]
[19]
[३२ देविंदत्थओ]
Page #21
--------------------------------------------------------------------------
________________ गाहा-३०५ [305] भवणवइ वाणमंतर जोइसवासी विमाणवासी य / इसिवालियमयमहिया करिंति महिमं जिनवराणं / / [306] इसिवालियस्स भदं सुरवरथयकारयस्स वीरस्स | जेहिं सया थुव्वंता सव्वे इंदा पवरकित्ती / / [307] इसिवालियस्स भदं सुरवरथयकारयस्स वीरस्स | तेसिं सुराऽसुरगुरू सिद्धा सिद्धिं उवनमंतु / / [308] भोमेज्ज-वणयराणं जोइसियाणं विमानवासीणं / देवनिकायाण थवो इह समत्तो अपरिसेसो / / मुनि दीपरत्नसागरेण संशोधितः सम्पादितश्च “देविंदत्थओ पइण्णयं सम्मत्तं" 32 | देविंदत्थओ - नवमं पइण्णयं सम्मतं दीपरत्नसागर-संशोधितः [20] [32 देविंदत्थओ]