________________
गाहा-१८६
[१८६] एएसु विमानेसु उ तितीसं सागरोवमाइं ठिई ।
सव्वट्ठसिद्धनामे अजहन्नुक्कोस तेत्तीसा ।। [१८७] हेठ्ठिला उवरिल्ला दो दो जुयलऽद्धचंदसंठाणा |
पडिपुण्ण-चंदसंठाण-संठिया मज्झिमा चउरो ।। [१८८] गेविज्जाऽऽवलिसरिसा गेविज्जा तिन्नि तिन्नि आसन्ना ।
हुल्लुयसंठाणाई अनुत्तराई विमाणाई ।। [१८९] घनउदहि-पइट्ठाणा सुरभवना दोसु हुंति कप्पेसु । तिसु वाउपइट्ठाणा तदुभय-सुपइट्ठिया तिन्नि | [१९०] तेण परं उवरिमया आगासंतर-पइट्ठिया सव्वे ।
एस पइट्ठाण-विही उड़ढं लोए विमाणाणं ।। [१९१] किण्हा नीला काऊ तेऊलेसा य भवन-वंतरिया ।
जोइस-सोहम्मीसाण तेउलेसा मुणेयव्वा ।। [१९२] कप्पे सणंकुमारे माहिंदे चेव बंभलोए य ।
एएसु पम्हलेसा तेण परं सुक्कलेसा 3 ।। [१९३] कनगत्तयरत्ताभा सुरवसभा दोसु हंति कप्पेसु । तिसु हुंति पम्हगोरा तेण परं सुक्किला देवा ।। [१९४] भवनवइ वाणमंतर जोइसिया हुंति सत्तरयणीया । कप्पवईणऽवि सुंदर
! सुण उच्चत्तं सुरवराणं ।। [१९५] सोहम्मीसानसुरा उच्चत्ते हंति सत्तरयणीया ।
दो दो कप्पा तुल्ला दोसु वि परिहायए रयणी ।। [१९६] गेविज्जेसु य देवा रयणीओ दुन्नि हंति उच्चाओ । रयणी पुण उच्चतं अनुत्तर विमान - वासीणं ।। [१९७] कप्पाओ कप्पम्मि उ जस्स ठिई सागरोवमब्भहिया । उस्सेहो तस्स भवे इक्कारसभाग परिहीनो ।। [१९८] जो अ विमाणुस्सेहो पुढवीणं जं च होइ बाहल्लं ।
दोण्हं पि तं पमाणं बत्तीसं जोयणसयाई ।। [१९९] भवनवइ-वाणमंतर-जोइसिया हुंति काय-पवियारा |
कप्पवईणवि सुंदरि ! वुच्छं पवियारण-विही 3 ।। [२००] सोहम्मीसाणेसु सुरवरा हुंति कायपवियारा ।
सणंकुमार-माहिंदेसुं फास-पवियारया देवा ।। [२०१] बंभे लंतय-कप्पे सुरवरा इंति रुव-पवियारा ।
महसुक्कसहस्सारे सद्दपवियारया देवा ।। [२०२] आनयपानयकप्पे आरण तह अच्चुएसु कप्पम्मि । देवा मनपवियारा तेण परं चूअ-पवियारा ।।
[दीपरत्नसागर-संशोधितः]
[13]
[३२ देविंदत्थओ]
