Book Title: Agam 31 Ganivijja Atthamam Painnayam Mulam PDF File Author(s): Dipratnasagar, Deepratnasagar Publisher: Deepratnasagar View full book textPage 6
________________ गाहा ५० [५०] छ च्चेव य आरभडो सोमित्तो पंच अंगुलो होइ । चत्तारि य वइरिज्जो दो च्चेव य सावसू होइ ।। [५१] परिमंडलो मुहुत्तो असीवि मज्झतिते ठिए होइ । दो होइ रोहण पुन-बलो य चउरंगुलो होइ ।। [५२] विजओ पंचगुलिओ छच्चेव य नेरिओ हवइ जुत्तो । वरुणो य हवइ बारस अज्जमदीवा हवइ सट्ठी ।। [ ५३ ] छन्नउइ अंगुलो पुन होइ भगो सूर अत्थमण वेले । एए दिवस मुहुत्ता रत्ति मुहुत्ते अओ वुच्छं ।। [ ५४ ] हवई विवरीय धणो पमोयणो अज्जमा तहा सीणो । रक्खस पायावच्चा सामा बंभा बहस्सई या ।। [५५] विण्डु तहा पुण रित्तो रति मुहुत्ता वियाहिया । दिवस मुहुत्त गईए । छायामाणं मुणेयव्वं ।। [५६] मित्ते नंदे तह सुट्ठिए य, अभिई चंदे तहेव या । वरुणऽग्गिवेस ईसाणे, आनंदे विजए इ य ।। [५७] एएसु मुहुत्तजोएसु, सेहनिक्खमणं करे । अट्ठावणाईच, अणुन्ना गणि- वायए || [५८] बंभे वलए वाउम्मि, उसभे वरुणे तहा । अनसनपाउवगमणं, उत्तमट्ठे च कारए || [५९] पुन्नामधेज्ज-सउणेसु, सेहनिक्खमणं करे । नासु ससु समाहिं कारए विऊ ।। [६०] नपुंसएसु सउणेसु, सव्वकम्माणि वज्जए । वामिस्सेसु निमित्तेसु, सव्वारंभाणि वज्जए || [६१] तिरियं वाहरंतेसु, अद्धाणगमनं करे । पुप्फिय-फलिए वच्छे, सज्झायं करणं करे ।। [६२] दुमखंधे वाहिरंतेसु, सेहुवट्ठावणं करे । गयणे वाहरंतेसु, उत्तमट्ठे तु कारए ।। [६३] बिलमूले वाहरंतेसु, ठाणं तु परिगिण्हए । उप्पायम्मि वयंतेसु, सउणेसु मरणं भवे [६४] पक्कमंतेसु सउणेसु, हरिसं तुट्ठिं च वागरे । चलरासि विलग्गेसु, सेह - निक्खमणं करे ।। [६५] थिररासि विलग्गेसु, वओवट्ठावणं करे । सुयक्खंधाणुन्नाओ, उद्दिसे य समुद्दिसे ।। [६६] बिसरीर विलग्गेसु, सज्झायकरणं करे । रविहोराविलग्गेसु, सेहनिक्खमणं करे ।। [दीपरत्नसागर-संशोधितः] [5] || [३१] गणिविज्जा]Page Navigation
1 ... 4 5 6 7 8
