Book Title: Agam 31 Ganivijja Atthamam Painnayam Mulam PDF File Author(s): Dipratnasagar, Deepratnasagar Publisher: Deepratnasagar View full book textPage 4
________________ गाहा १६ [१६] अत्थमणे संझागय रविगय जहियं ठिओ उ आइच्चो | विड्ढेरमवद्दारिय सग्गह कूरग्गहठियं तु ।। [१७] आइच्चपिट्ठओ से विलंबि राहूहयं जहिं गहणं । मज्झेण गहो जस्स उ गच्छइ तं होइ गहभिन्नं [१८] संज्झागयम्मि कलहो होइ विवाओ विलंब नक्खत्ते । विड्ढेरे परविजओ आइचचगए अनिव्वाणी || [१९] जं सग्गहम्मि कीरइ नक्खत्ते तत्थ निग्गहो होइ । राहुम्म य मरणं गहभिन्ने सोणिउग्गाले || [२०] संझागयं राहुगयं आइच्चगयं च दुब्बलं रिक्खं । संझाऽऽइच्चविमुक्कं गहमुक्कं चेव बलियाई । [२१] पुस्सो हत्थो अभीई य, अस्सिणी भरणी तहा । एएसु य रिक्खेसु य पाओवगमणं करे ।। [२२] सवणेण धनिट्ठाइ पुनव्वसू नवि करेज्ज निक्खमणं । सयभिसय पूस हत्थे विज्जारंभे पवित्तिज्जा [२३] मिगसिर अद्दा पुस्सो तिन्नि य पुव्वाइं मूलमस्सेसा । हत्थो चित्ता य तहा दस वुड्ढकराई नाणस्स || [२४] हत्थाइं पंच रिक्खा, वत्थस्स पसत्थगा विनिदिट्ठा । उत्तरा तिन्नि धनिट्ठा पुनव्वसू रोहिणी पुस्सो ।। [२५] पुनव्वसूणा पुस्सेण, सवणेण धनिट्ठया । एएहिं चउहिं रिक्खेहिं, लोयकम्माणि कारए || [२६] कित्तियाहिं विसाहाहिं, मघाहिं भरणीहि य । एएहिं चहिंरिक्खेहिं, लोयकम्माणि वज्जए || [२७] तिहिं उत्तराहिं रोहिणीहिं, कुज्जा उ सेहनिक्खमणं । सेहोवट्ठावणं कुज्जा, अणुन्ना गणि वायए ।। [२८] गणसंगहणं कुज्जा, गणहरं चेव ठावए । उग्गहं वसहिं ठाणं, थावराणि पवत्तए ।। [२९] पुस्सो हत्थो अभिई य, अस्सिणी य तहेव य । चत्तारि खिप्पकारीणी, कज्जारंभेसु सोहणा ।। [३०] विज्जाणं धारणं कुज्जा, बंभजोगे य साहए । सज्झायं च अणुन्नं च, उद्देसे य समुद्दिसे || [३१] अनुराहा रेवई चेव, चित्ता मिगसिरं तहा । मिऊनियाणि चत्तारि, मिठकम्मं तेसु कारए || [३२] भिक्खाचरणमत्ताणं, कुज्जा गहणधारणं । संगहोवग्गहं चेव, बालवुड्ढाण कारए ।। [दीपरत्नसागर-संशोधितः] [3] || || [३१] गणिविज्जा]Page Navigation
1 2 3 4 5 6 7 8
