Adjust Every Where

Author(s): Dada Bhagwan
Publisher: Dada Bhagwan Aradhana Trust

Page 24

ଏଡ଼ଜଷ୍ଟ ଏଗ୍ରିନ୍ସେୟାର
୧୪
ସମ୍ମୁଖ ବ୍ୟକ୍ତି ଗାଳି ଦେଇଗଲା, ତାହାକୁ ନିଜ ଖାତାରେ ଜମା କରିନିଅ । ଅଭିଯୋଗକାରୀ ହେବାର ହିଁ ନାହିଁ । ଆପଣଙ୍କୁ କ’ଣ ଲାଗୁଛି ? ଅଭିଯୋଗକାରୀ ହେବା ଠିକ୍ କି ? ତେଣୁ ଅଭିଯୋଗକାରୀ ନ ହୋଇ ପୂର୍ବରୁ ‘ଏଡ଼ଜଷ୍ଟ’ କରିନେଲେ, ତେବେ କ’ଣ ଭୁଲ ?
। ଓଲଟା କହିବା ପରେ ବ୍ୟବହାରରେ ‘ ଏଡଜଷ୍ଟମେଣ୍ଟ’ ନେବାକୁ ଏହି କାଳରେ ‘ଜ୍ଞାନ’ କୁହାଯାଏ । ହଁ, ଏଡ଼ଜଷ୍ଟମେଣ୍ଟ ନିଅ, ଯଦି ବି ଏଡ଼ଜଷ୍ଟମେଣ୍ଟ ହୋଇପାରୁନାହିଁ ତଥାପି ଏଡ଼ଜଷ୍ଟ କରିନିଅ । ତୁମେ କାହାକୁ ଭଲ-ମନ୍ଦ କହିଦେଲ । କହିବା, ତାହା ତୁମ ନିୟନ୍ତ୍ରଣରେ ନାହିଁ । ତୁମ ଦ୍ବାରା ମଧ୍ୟ କେବେ କେବେ ଏଭଳି କହି ହୋଇଯାଏ । କି ନାହିଁ ? କହି ତ ଦେଲ, କିନ୍ତୁ ପରେ ସଙ୍ଗେ ସଙ୍ଗେ ଜଣା ପଡ଼ିଯାଏ ଯେ ଭୁଲ୍ ହୋଇଗଲା । ଜଣା ନ ପଡ଼ି ରହେ ନାହିଁ, କିନ୍ତୁ ସେହି ସମୟରେ ଆମେ ଏଡ଼ଜଷ୍ଟ କରିବାକୁ ଯାଇ ନଥାଉ । ପରେ ତୁରନ୍ତ ତାଙ୍କ ନିକଟକୁ ଯାଇ କହିବା ଉଚିତ ଯେ, ‘ଭାଈ, ମୋ ମୁହଁରୁ ସେତେବେଳେ ଭଲ-ମନ୍ଦ ବାହାରି ଯାଇଥିଲା, ମୋର ଭୁଲ ହୋଇଗଲା, ସେଥିପାଇଁ କ୍ଷମା କରିଦିଅ !” ତେବେ ଏଡ଼ଜଷ୍ଟମେଣ୍ଟ ହୋଇଗଲା । ଏଥିରେ କିଛି ଅସୁବିଧା ଅଛି କି ?
ପ୍ରଶ୍ନକର୍ତ୍ତା : ନାଁ, କିଛି ଅସୁବିଧା ନାହିଁ ।
। ପ୍ରତ୍ୟେକ ଜାଗାରେ ଏଡ଼ଜଷ୍ଟମେଣ୍ଟ
ପ୍ରଶ୍ନକର୍ତ୍ତା : ବେଳେବେଳେ ଏପରି ହୁଏ ଯେ ଏକ ସମୟରେ ଦୁଇଜଣଙ୍କ ସହ ଗୋଟିଏ କଥା ପାଇଁ ‘ଏଡ଼ଜଷ୍ଟମେଣ୍ଟ’ ନେବାକୁ ଦରକାର ପଡ଼େ, ସେହି ସମୟରେ ଦୁହିଁଙ୍କ ସହିତ କିପରି ବ୍ୟବହାର କରିବାକୁ ପଡ଼ିବ ? ।
। ଦାଦାଶ୍ରୀ : ଦୁଇଜଣଙ୍କ ସହ ( ଏଡ଼ଜଷ୍ଟମେଣ୍ଟ) ନେଇ ପାରିବା । ଆରେ, ସାତ ଜଣଙ୍କ ସହ ନେବାର ଥିଲେ ମଧ୍ୟ ନେଇ ହେବ । ଜଣେ ପଚାରେ, “ମୋର କଥା କ’ଣ ହେଲା ?” ତେବେ କୁହ, ‘ହଁ, ଭାଇ, ତୁମ କହିବା ଅନୁସାରେ କରିବି ।”