Adjust Every Where

Author(s): Dada Bhagwan
Publisher: Dada Bhagwan Aradhana Trust

Page 35

ଏଡ଼ଜଷ୍ଟ ଏଭ୍ରହ୍ୟାର
। ଆପଣ ମୋତେ ଏଗାରଟା ସମୟରେ ଯଦି କୁହନ୍ତି, “ଆପଣଙ୍କୁ ଭୋଜନ କରିନେବାକୁ ହେବ ।” ମୁଁ କହେ କି ‘ଟିକେ ବିଳମ୍ବରେ ଖାଇଲେ ଚଳିବ ନାହିଁ ?” ସେତେବେଳେ ଆପଣ କୁହନ୍ତୁ କି ‘ନା, ଭୋଜନ କରିନିଅ, ତ କାମ ସରିଯିବ’ । ତେବେ ମୁଁ ଅବିଳମ୍ବ ଖାଇବାକୁ ବସି ପଡ଼ି ବି । ମୁଁ ଆପଣଙ୍କ ସହ ‘ଏଡ଼ଜଷ୍ଟ’ ହୋଇଯିବି ।
ଯାହାବି ଥାଳିରେ ମିଳୁଛି ତାହା ଖାଇନିଅ । ଯାହା ସାମ୍ନାରେ ଆସିଲା, ତାହା ସଂଯୋଗ ଅଟେ ଏବଂ ଭଗବାନ କହିଛନ୍ତି ସଂଯୋଗକୁ ଯଦି ଧକା ଦେବା ତେବେ ସେହି ଧକା ତୁମକୁ ଲାଗିବ। ସେଥିପାଇଁ ମୋ ଥାଳିରେ ମୋତେ ରୁଚୁ ନ ଥିବା ଖାଦ୍ୟ ରହିଥିଲେ ମଧ୍ୟ, ତଥାପି ସେଥିରୁ ଦୁଇଟା ଖାଇନିଏ । ଯଦି ନ ଖାଅ, ତେବେ ଦୁଇଜଣଙ୍କ ସହ ଝଗଡ଼ା ହେବ । ପ୍ରଥମରେ, ଯିଏ ରୋଷେଇ କରିଛି ତା’ ସହ ମନାନ୍ତର ହେବ ଏବଂ ଦ୍ବିତୀୟରେ, ଖାଇବାକୁ ଥିବା ଖାଦ୍ୟ ସହ ତିରଷ୍କାର
ହେବ । ଖାଦ୍ୟ କହିବ ଯେ, ‘ମୁଁ କ’ଣ ଅପରାଧ କଲି ? ମୁଁ ତୋ ନିକଟକୁ ଆସିଛି, ତୁ ମୋର ଅପମାନ କାହିଁକି କରୁଛୁ ? ତୋତେ ଯେତିକି ଠିକ୍ ଲାଗୁଛି ସେତିକି
ନେ, କିନ୍ତୁ ମୋର ଅପମାନ କରନା ।’ ଏବେ କୁହନ୍ତୁ ଆମକୁ ତାହାର ସମ୍ମାନ କରିବା କଥା କି ନୁହେଁ ? ମୋତେ ତ କେହି ଅରୁଚିକର ଖାଦ୍ୟ ଦେଲେ ମଧ୍ୟ ମୁଁ ତାହାକୁ (ଖାଦ୍ୟକୁ) ସମ୍ମାନ ଦେଇଥାଏ । କାରଣ ପ୍ରଥମତଃ ବିନା କାରଣରେ ଆମକୁ କିଛି ମଧ୍ୟ ମିଳେ ନାହିଁ, ଆଉ ଯଦି ମିଳୁଥାଏ ତାହାର ସମ୍ମାନ କରିବା ଉଚିତ୍ । ଆପଣଙ୍କୁ କିଛି ଖାଇବାକୁ ଦିଆଗଲା ଆଉ ଆପଣ ସେଥିରୁ ଦୋଷ । ବାହାର କଲେ, ଏଥିରେ ଅପଣଙ୍କ ସୁଖ କମିବ ନା ବଢ଼ିବ ?
। ଯେଉଁଥି ପାଇଁ ତୁମର ସୁଖ କମି ଯାଉଛି ସେହିପରି ବ୍ୟାପାର କରିବା ଉଚିତ ନୁହେଁ ନା ! ମୁଁ ତ ଅନେକ ଥର ମୋ ପସନ୍ଦର ତରକାରି ହୋଇ ନ ଥାଏ, ତଥାପି ମଧ୍ୟ ଖାଇଦିଏ ଏବଂ ପ୍ରଶଂସା ମଧ୍ୟ କରେ ଯେ ଆଜି ତରକାରି ବହୁତ ବଢ଼ିଆ ହୋଇଛି ।
ଆରେ, ଅନେକ ଥର ଚାହାରେ ଚିନି ନଥାଏ, ତଥାପି ମଧ୍ୟ ମୁଁ କିଛି କୁହେ ନାହିଁ । ସେତେବେଳେ ଲୋକେ କୁହନ୍ତି ଯେ, “ଏପରି କଲେ ଘରେ ସବୁକିଛି ବିଗିଡ଼ି ଯିବ ।” ମୁଁ କହିଲି, “ଆପଣ କାଲି ଦେଖୁବେ, କ’ଣ ହେଉଛି ?”