Book Title: Aagampragya Aacharya Pravar Shree Vijay Jambusurishwarjino JIvan Parichay
Author(s): Dhirajlal Tokarshi Shah
Publisher: Aarya Jambuswami Jain Muktaibai Gyanmandir
View full book text
________________
જીવનપરિચય
ચંદ પડવાડા ગયા હતા અને ત્યાં બે માસ રહ્યા હતા. સદૂગુરુના આ સમાગમે તેમની વૈરાગ્યવૃત્તિને વિશેષ વેગવતી કરી હતી અને વ્રતનિયમમાં આગળ વધવાનું બળ અર્પણ કર્યું હતું, તેથી જ ત્રણ વર્ષમાં દીક્ષા ન લેવાય તે ત્રણ વિગઈને ત્યાગ અથવા બ્રહ્મચર્ય પાળવું એવી આકરી પ્રતિજ્ઞા લીધી હતી. પર્વાધિરાજ શ્રી પર્યુષણ આવતાં તેમણે જીંદગીમાં પહેલી વાર અટ્ટમની તપશ્ચર્યા કરી હતી. આ બધું જોતાં આપણે એમ જ કહેવું જોઈએ કે ખુશાલચંદભાઈએ શરૂ કરેલી પરમાર્થ–પ્રવૃતિને છેડ ક્રમશઃ પાંગરી રહ્યો હતો અને તેમાં સ્કંધ-શાખા-પ્રશાખા તથા પત્રને વિસ્તાર થયા હતા. તેને પુષ્પ તથા ફળો કેવી રીતે આવ્યા તે આપણે આગળ ઉપર જોઈશું.
૧૦ – સાંસારિક જીવન
હવે આપણે ખુશાલચંદભાઈનાં સાંસારિક જીવન પર એક દષ્ટિપાત કરી લઈએ, જેથી સમસ્ત ચિત્ર સંપૂર્ણ થાય. લગ્ન પછીનું તેમનું જીવન મધુર હતું અને વધારે સ્પષ્ટ કહીએ તે કર્તવ્યનિષ્ટ પણ હતું. તેઓ પત્ની સાથે, પ્રેમભર્યો વર્તાવ રાખતા હતા અને તેને કોઈ રીતે ઓછું ન આવે તેની ખાસ તકેદારી રાખતા હતા. પત્ની પણ પતિપરાયણ હતી, એટલે તેમની સગવડે બરાબર સાચવી લેતી હતી અને તેમને પ્રસન્ન રાખવાને બનતે પ્રયત્ન કરતી હતી.
