Aagam Manjusha 39 Chheyasuttam Mool 06 Mahaanisiham

Author(s): Anandsagarsuri, Sagaranandsuri
Publisher: Deepratnasagar

Page 51

ट्ठाणार्ण सरि सुद्धायामेगासणाणं सर निविगइयाणं जाव णं अणुलोमपडिलोमेणं निहिसेज्जा, एयं च पायच्छित्तं जे य णं भिक्खू अविस्संतो समणुढेजा से णं आसण्णपुरक्खडे नेये। दासे भयवं! इणमो सयर सरि अणुलोमपडिलोमेणं केवइयंकालंजाव समणुहिहिह?, गोयमा! जाच णं आयारमगं वा(ठा)एज्जा, भयवं! उड्ढे पुच्छा, गोयमा! उइदं केई समणुढेज्जा केई णो समणुढेज्जा, जेणं समणुढेज्जा से णं वंदे से णं पुज्जे से णं दवे से णं सुपसत्थसुमंगले सुगहीयणामधेज्जे तिण्हंपि लोगाणं वंदणिज्जेत्ति, जे णं तु णो समणुढे से णं पाये से णं महापावे से णं महापावपावे से णं दुरंतपंतलक्षणे जाव णं अदद्ववेत्ति।९। जया णं गोयमा! इणमो पच्छित्तसुतं योच्छिजिहिइ तया णं चंदाइचगहरिक्खतारगार्ण सत्त अहोरते तेयं णो विफुरेजा।१०। इमस्स णं वोच्छेदे गोयमा ! कसिणसंजमस्स अभावो, जओणं सवपावपणिट्ठवगे चेय पच्छित्ते, सवस्स णं तवसंजमाणुट्ठाणस्स पहाणमंगे पर
मविसोहीपए, पवयणस्सावि णं णवणीयसारभूए पन्नत्ते।११। इणमो सवमवि पायच्छित्ते गोयमा! जावइयं एगत्य संपिडियं हवेज्जा तावइयं चेव एगस्स णं गच्छाहिवइणो मयहरलपवत्तणीए य चउगुण उवइसेज्जा, जओ णं सबमविएएसि पयंसियं हवेजा, अहा णमिमे चेव पमायं संगच्छेजा तओ अन्नेसिं संते धीबलवीरिय(ए)सुठुतरागमभुजम ह(हा)वेज्जा, अहा
णं किंचि सुमहंतमवि तओऽणुट्ठाणमब्भुज्जमेज्जा ता णं न तारिसाए धम्मसद्धाए, किंतु मंदुच्छाहे समणुढेज्जा, भग्गपरिणामरस य निरत्यगमेव कायकेसे, जम्हा एयं तम्हा उ | अचिंताणतनिरणुबंधिपुन्नपब्भारेणं संभु(जु)ज्जमाणेवि साहुणो न संजुजंति, एवं च सबमविगच्छाहिवइयादीणं दोसेणेव पवत्तेज्जा, एएणं पवुच्चइ गोयमा! जहा णं गच्छाहिवइयाईणं - इणमो सबमवि पच्छित्तं जावइयं एगत्थ संपिडियं हवेजा तावइयं चेव चउम्गुणं उवइसेजा । १२ । से भयवं ! जे णं गणी अप्पमादी भवेत्ताणं सुयाणुसारेणं जहुत्तविहाणेहिं चेव
सययं अग्निसं गच्छं न सारवेजा तस्स किं पायच्छित्तमुबइसिजा?, गोयमा! अप्पउत्ती पारंचियं उवइसेजा, से भयवं! जस्स उण गणिणो सवपमायालंबणविप्पमुक्कस्सावि र्ण सुयाणुसारेणं जहुत्तविहाणेहिं चेव सययं अहन्निसं गच्छं सारवेमाणस्स उ केई तहाविहे दुट्ठसीले न सम्मग्गं समायरेजा तस्सवि किं पच्छित्तमुवइसेज्जा?, गोयमा ! उवइसेज्जा, से भयवं! केणं अटेणं ?, गोयमा ! जओ णं तेणं अपरिक्खियगुणदोसे निक्समाविए हवेज्जा एएणं, से भयवं! किं तं पायच्छित्तमुवइसेज्जा?, गोयमा! जेणं एवंगुणकलिए गणी से णं जया एवंविहं पावसीलं गच्छं तिविहंतिविहेणं वोसिरित्ताणं आयहियं नो समणुढेजा तया णं संघवझे उवइसेज्जा, से भयवं! जया णं गणिणा गच्छे तिविहेणं बोसिरिए हवेज्जा तया ण ते गच्छे आदरेजा?, जइ संविग्गे भवेत्ताणं जहुत्तं पच्छित्तमणुचरेत्ता अन्नस्स गच्छाहिवइणो उवसंपजित्ताणं सम्मग्गमणुसरेजा तओ णं आयरेजा, अहा णं सच्छंदत्ताए तहेव
वि समणसंघस्स बझं तं गच्छंणो आयरेजा।१३।से भय! जयाणं से सीसे जहत्तसंजमकिरियाए वद्दति तहाविहे य केई कगरूतेसिं दिक्ख परवेज्जा तया णं सीसा कि समणुढेज्जा ?. गोयमा ! घोरवीरतवसंजमं, से भयवं कहं ?, गोयमा ! अनगच्छे पविसेत्ताणं, तस्स संतिएणं सिरिगारेणं अलिहिए समाणे अन्नगच्छेसु पवेसमेव ण लभेजा तया णं किं कुविज्जा ?, गोयमा! सवपयारेहिं णं तं तस्स संतियं सिरियारं फुसावेज्जा, से भयव ! केण पयारेणं तं तस्स संतियं सिरियारं सापयारेहिं णं कुसियं हवेजा ?, गोयमा! अक्सरेसुं, से भय ! किं णामे ते अक्खरे ?, गोयमा! जहाणं अपडिगाहे कालकालंतरेसुंपि अहं इमस्स सीसाणं वा सीसणीगाणं वा, से भयवं! जया णं एवंविहे अक्षरे ण पयादी?, गोंयमा ! जया णं एवंविहे अक्खरे ण पयादी तया णं आसनपावयणीणं पकहिताणं चउत्थादीहिं समक्कमित्ताणं अक्खरे दावेजा, से भयवं! जया णं एएणं पयारेणं से णं कुगुरू अक्खरे ण पदेजा तयाणं किं कुज्जा?, गोयमा! जया णं एएणं पयारेणं से णं कुगुरू अक्खरे नो पयच्छे तयाणं संघबज्झे उवइसेज्जा, से भयवं ! केर्ण अद्वेणं एवं बुचइ ?, गोयमा ! मुटु पयट्टे इणमो महामोहपासे गेहपासे तमेव विप्पजहिताणं अणेगसारीरिंगमणोसमुत्थचउगइसंसारदुक्खभयभीए कहकहवि मोहमिच्छतादीणं खओवसमेणं सम्मम्गं समोवलभित्ताणं निविनकामभोगे निरणुबंधं पुन्नमहिने, तं च तवसंजमाणुट्टाणेणं, तस्सेव तवसंजमकिरियाए जावणं गुरू सयमेव विग्धं पयरे अहाणं परेहि कारवे कीरमाणे वा समणवेक्खे सपक्खेण वा परपक्खेण वा ताव णं तस्स महाणुभागस्स साहुणो संतियं विजमाणमवि धम्मवीरियं पणस्से जाव णं धम्मवीरियं पणस्से ताव णं जे पुनभागे आसन्नपुरक्खडे चेव सो पणस्से, जइणं णो समणलिंग विप्पजहे ताहे जे एवंगुणोववए से णं तं गच्छमुज्झिय अन्नं गच्छं समुप्पयाइ, तत्वविजावणं संपवेसं ण लभेतावणं कयाइ उण अविहीए पाणे पयहेजा कयाइ उण मिच्छत्तभावं गच्छिय परपासंडियमासएजा कयाइ उण दाराइसंगहं काऊणं अगारवासे पविसेजा अहा णं से ताहे महातवस्सी भवेत्ताणं पुणो अतबस्सी होऊणं परकम्मकरे हवेजा जावणं एयाइं न हवंति तावणं एगतेणं वुइिंढ गच्छे मिच्छत्ततमे जाव णं मिच्छत्ततमधीकए बहुजणनिवहे दुक्खेणं समणुढेला दुग्गइनिवारए सोक्खपरंपरकारए
अहिंसालक्खणसमणधम्मे, जाव णं एयाइं भवंति ताव णं तित्थस्सेय वोच्छित्ती, ताव णं सुदूरखवहिए परमपए, जाव णं सुदूरखवहिए परमपए ताव र्ण अचंतसुवुक्खिए चेव भवस. 2 ११६३ महानिशीथच्छेदमूत्रं, servis
मुनि दीपरत्नसागर