________________ श्रीसूत्रकृतानं नियुक्तिश्रीशीला० वृत्तियुतम् श्रुतस्कन्धः 2 // 673 // श्रुतस्कन्धः 2 चतुर्थमध्ययनं प्रत्याख्यान, सूत्रम् 65-66 (700-701) हिंसादिसिद्धिः कारवेइवि, तस्सणं एवं भवइ- एवं खलु अहं पुढवीकाएणं किच्चं करेमिवि कारवेमिवि, णोचेवणं से भवइ इमेण वा इमेण वा, से एतेणं पुढवीकाएणं किच्चं करेइवि कारवेइवि से णं तातो पुढवीकायाओ असंजयअविरयअप्पडिहयपच्चक्खायपावकम्मे यावि भवइ, एवं जाव तसकाएत्ति भाणियव्वं, से एगइओ छजीवनिकाएहिं किच्चं करेइवि कारवेइवि, तस्स णं एवं भवइ- एवं खलु छजीवनिकाएहिं किच्चं करेमिवि कारवेमिवि, णो चेवणं से एवं भवइ- इमेहिं वा इमेहिं वा, से य तेहिं छहिं जीवनिकाएहिं जाव कारवेइवि, से य तेहिं छहिं जीवनिकाएहिं असंजयअविरयअप्पडिहयपच्चक्खायपावकम्मे तं० पाणातिवाए जाव मिच्छादसणसल्ले, एस खलु भगवया अक्खाए असंजए अविरए अप्पडिहयपच्चक्खायपावकम्मे सुविणमवि अपस्सओपावे य से कम्मे कज्जइ, सेतं सन्निदिटुंते॥से किंतं असन्निदिटुंते?, जे इमे असन्निणो पाणा तं०- पुढवीकाइया जाव वणस्सइकाइया छट्ठा वेगइया तसा पाणा, जेसिंणो तक्का इ वा सन्ना ति वा पन्ना ति वा मणा ति वा वई वा सयं वा करणाए अन्नेहिं वा कारावेत्तए करतं वा समणुजाणित्तए, तेऽविणं बाले सव्वेसिं पाणाणं जाव सव्वेसिं सत्ताणं दिया वा राओ वा सुत्ते वा जागरमाणे वा अमित्तभूता मिच्छासंठिया निचं पसढविउवातचित्तदंडा तं०- पाणाइवाते जाव मिच्छादसणसल्ले, इच्चेव जाव णो चेव मणो णो चेव वई पाणाणं जाव सत्ताणं दुक्खणयाए सोयणयाए जूरणयाए तिप्पणयाए पिट्टणयाए परितप्पणयाए ते दुक्खणसोयणजावपरितप्पणवहबंधणपरिकिलेसाओ अप्पडिविरया भवंति // इतिखलु से असन्निणोऽविसत्ता अहोनिसिं पाणातिवाए उवक्खाइजति जाव अहोनिसिं परिग्गहे उवक्खाइजंति जाव मिच्छादसणसल्ले उवक्खाइजंति, (एवं भूतवादी) सव्वजोणियावि खलु सत्ता सन्निणो हुच्चा असन्निणो होंति असन्निणो हुच्चा सन्निणो होंति, होच्चा सन्नी अदुवा असन्नी, तत्थ से अविविचित्ता अविधूणित्ता असंमुच्छित्ता अणणुतावित्ता असन्निकायाओ वा सन्निकाए संकमंति सन्निकायाओवा असन्निकार्यसंकमंति सन्निकायाओवासन्निकायं संकमंति असन्निकायाओवा असन्निकार्य // 673 //
