________________ // 179 // बाहुदण्डमुष्टियुद्धेप्वपि पराजयो भरतस्य / इमस्स बच्छस्स समुन्नयस्स साह व बाहा सरलस्सहावा / इहि मए सा निवकुंजरेण करेण घेत्तुं लह मोडणीया // 93 // एवं कोवभरेण भरहो परिचिन्तिऊण जत्तेणं / गहिऊण बाहुबाहुं नामिउमिच्छइ नियकरेण // 94 // नय नमइ तस्स बाहा तिलतुसमित्तंपि वजधारेव / नवि चलइ जहा सुरगिरिचूला जलरासिमेर व // 95 // नामन्तो चालन्तो वावारियसववीरियायारो। भरहो कोवहुयासणआयंबिर( आताम्र )लोयणो जाओ // 96 // बाहुबलिस्स समप्पइ मृढप्पा अप्पणो भुयादण्डं / मिच्छाभिनिवेसेणं जीवा न मुणन्ति अप्पाणं // 97 // उप्पलनालं व तओ वामकरग्गेण तेण लीलाए / नामिजइ भुयदण्डो सद्धिं भरहस्स माणेण // 98 // गुरुमाणसाहिमोडणकडयडरवडम्बरेण तो जाओ / देवमणुएस अम्बरपसमिर| अट्टहासझूणी / / 99 // बालाण कीलणेहिं इमेहिं जुद्धेहिं किन्नु सुहडत्तं ? / दिट्ठमुट्ठिचंडदंडाइघायं धीराण तं होई // 10 // | एवं भणिरे भरहे बाहू रोमञ्चकञ्चकियसरीरो / आह मिहो जुज्झामो मुट्ठीहि बलं च बुज्झामो // 1 // जयसिरिविलासगेहे देहे बाहुस्स भरहमुट्ठिघणो / हिययम्मि वजकुट्टिमतलकढिणे पडइ तो झत्ति // 2 // तिणफंसेणवि बाहू मिजइ नेव तेण घाएण / एसोवि भरहवच्छे मुट्ठिपहारं दिदं देइ // 3 // तेण य भरहो मुच्छियचेयनो भिंभलच्छिसरसिरूहो / सिहिपिच्छगुच्छछिन्नं गयणं पिच्छइ खणमेगं // 4 // खणमित्तेण भरहो अविहत्थो सुदिढदंडधरहत्थो / बाहुबलिस्स मएणं उवडिओ दंडजुद्धेणं // 5 // सो देह दण्डघायं दिसासु उद्विन्तगहिरपडिनायं / बाह्रवि सहइ सरसीरूहनालफासलीलाए // 6 // तो मेरुगिरिसरिच्छे बाहुबलिखित्चदण्डघायपया / रेहंति भरहदेहे पाणियउत्तारमग्ग व // 7 // समरभरमन्दरेणं भरहो जलही अइवनिम्महिओ / देवसमक्खं जाओ कोहो तो कालकूड // 8 // कोक्मयकन्तमणो भरहो चिन्तइ किमेस चक्कित्ति ? /
