________________ जयन्ती -1 प्रकरण मृगावती महारानी|स्वरूपम्। पृतिः / वसोवि सोहेइ / / 36 // लम्बसवणा व लम्बिरमणिकुंडलमंडियकवोला / जा दिणलच्छी पुवावरदिसि रविचन्दबिंब व // 37 // कोमलमुणालसुहओ जीए रसपूरपूरिओ अहरो / रेहइ सच्चं सोणो जो सो पुन्नागकयकेली // 38 // मुहचंदचंदिमाए निहोसतेण सऊणचक्काणं / दिनो हरिसो जीए पइदिवस दिप्पमाणीए // 39 // सिद्धाऽहं पत्तिजसु रेहा पुवं तिहा भणेऊण / कंठे जीए निवसह सरस्सई बंभलोगाओ // 40 // सुकुमालसरलमंसलबाहुलया पाणिपल्लवोल्लासा / कामधणुलविलट्ठा गरिद्वगुणकोडिरमणीया // 41 // जीए विहिणा विहियं अहियं लावनमंगुवंगेसु / तमऽमायन्तं पिंडीभूयं सिहिणच्छला नूणं // 42 // लावन्नामयभरिए नाभीहरयंमि जोवणसिरीए / कीलंतीए पसरिया तरंगमाल व तिवलीओ // 43 / / जीए नियंवो अप्पडिबिंचो मणिमेहलाए साहितो। सिंगारखीरजलनिहिरयणद्दीवो व रमणीओ / / 44 / / जीए सिरीससोमालमसले ऊरुजुयलमहरुहरं / सुहयसुवहाणजमलं रेहइ रईबल्लहस्सेव // 45 // गूढसिरजाणुहिट्ठा मसिणा सोहिंति जंघिया जीए / रइरमणभवणतोरणकणयमयत्थंभियाउ // 46 / / अन्नह नियंबभूभीभारो धारिजए कहं ? जीए / इय चिंतिऊण विहिणा विहिया कुमुन्नया चलणा // 47 // पयकमलुजोयकरो अरुणो नहरयणपसरियकरोहो / चोजं तु इमं जं मोहइ लोयदिडिओ // 48 // अह तीए समं भोए तस्स नरिंदस्स मुंजमाणस्स / गुणवं पुत्तो जाओ उदयनामेण विक्खाओ // 19 // अह तत्थ तया एगो चिंतइ चित्तगरदारगो दक्खो। दट्ठवाणं सणफलाई नयणाई तो नूणं // 50 // गंतवं चिय देसन्तरेस धीरेण सत्तजुत्तण / गबगहनिग्गहत्थं विनाणविसेसलाहत्थं // 51 // इय चिंतिऊण एसो नाणादेसन्तरेसु हिंडन्तो / पत्तो 1 स्तनच्छलात् / 2 सुखदसूपधानयमलम् /
